Mikayıl Müşfiqin 110 illiyi qeyd ediləcək — Sərəncam

Mikayıl Müşfiqin 110 illiyi qeyd ediləcək
18:12
17.05.2018
1201
Siyasət
A
Prezident İlham Əliyev mayın 17-də görkəmli Azərbaycan şairi Mikayıl Müşfiqin anadan olmasının 110 illiyinin keçirilməsi haqqında Sərəncam imzalayıb.

"Ölkə.Az" xəbər verir ki, Sərəncama əsasən, Mikayıl Müşfiqin 110 illiyinə həsr olunmuş tədbirlər planının Təhsil Nazirliyi və Azərbaycan Milli Elmlər Akademiyası ilə birlikdə, Azərbaycan Yazıçılar Birliyinin təkliflərini nəzərə almaqla hazırlanıb həyata keçirilməsi Mədəniyyət Nazirliyinə tapşırılıb.

Sərəncamda vurğulanır ki, 2018-ci ilin iyun ayında Azərbaycan poeziyasının görkəmli nümayəndəsi Mikayıl Müşfiqin anadan olmasının 110 illiyi tamam olur. Böyük şair Mikayıl Müşfiq milli folklordan və klassik ədəbi ənənələrdən layiqincə bəhrələnməklə yaratdığı dərin lirizmə malik və doğma dilin bütün gözəlliklərini özündə ehtiva edən bənzərsiz poetik nümunələrlə Azərbaycanın çoxəsrlik bədii fikir xəzinəsini daha da zənginləşdirmişdir. Forma yeniliyi, məzmun genişliyi, romantik əhval və yüksək həyat eşqi bu söz sənəti incilərinin başlıca keyfiyyətləridir. Müşfiqin adı 1930-cu illər totalitarizminin qurbanına çevrilmiş məsum insanların xatirəsinin rəmzi və nakam şair obrazı kimi xalqın yaddaşında yaşamaqdadır.

ŞƏRH YAZ
0

“200 manatlıq əskinasların dövriyyəyə buraxılması dövlət tərəfindən tənzimlənəcək” — Vahid Əhmədov

“200 manatlıq əskinasların dövriyyəyə buraxılması dövlət tərəfindən tənzimlənəcək”
16:58
Bu gün
92
Siyasət
A
“Azərbaycanda 200 manatlıq əskinasların dövriyyəyə buraxılması iqtisadi proseslərlə bağlı deyil. Bu əskinasın buraxılmasının əsas məqsədi siyasi məsələ kimi Azərbaycan Xalq Cümhuriyyətinin 100 illik, Ulu Öndər Heydər Əliyevin 95 illik yubileyi ilə bağlıdır”.

Bu fikirləri “Ölkə.Az”a açıqlamasında Azərbaycanın Baş nazirinin sabiq birinci müavini, Milli Məclisin deputatı Vahid Əhmədov bildirib. 

Sözügedən əskinasın təqdimat mərasimində iştirak etdiyini vurğulayan deputat deyib ki, Azərbaycan Xalq Cümhuriyyətinin 100 illik, Ulu Öndər Heydər Əliyevin 95 illik yubileyi ilə əlaqədar 200 manatlıq əskinasla bərabər, digər xatirə medalları da buraxılıb: 

“Bəzən deyirlər ki, guya 200 manatlıq əskinasın dövriyyəyə buraxılması devalvasiyanın və inflyasiyanın olacağından xəbər verir. Bütün bunlar səhv fikirlərdir. Bunu demək üçün obyektiv əsaslandırılma aparılmalıdır. Bu gün dünyada neftin qiyməti 80 dollar təşkil edir. Digər tərəfdən isə Azərbaycanın tədiyyə balansında müsbət saldo var. Ölkəmizin ticarət balansında da 6 milyarda yaxın müsbət saldo mövcuddur. Üçüncü vacib məsələ odur ki, Mərkəzi Bank Azərbaycanda pul kütləsinə çox ciddi nəzarət həyata keçirir. Yəni, dövriyyəyə nə qədər pul kütləsinin buraxılması məhz Mərkəzi Bankın səlahiyyətlərinə aiddir. Bütün bunlara görə 200 manatın dövriyyəyə buraxılması ilə bağlı devalvasiya olacağı və digər bu kimi narahatlıqlara əsas yoxdur”.

V.Əhmədov qeyd edib ki, 200 manatlıq əskinasların dövriyyəyə buraxılması ilə bağlı müvafiq tənzimləmələr aparılacaq:

“Yəni, Mərkəzi Bank 200 manatlıq əskinasların dövriyyəyə buraxılmasını tənzimləyəcək. Ona görə də bu hadisə ilə bağlı heç bir narahatçılığa ehtiyac yoxdur”.

Vasif Həsənli
Ölkə.Az

ŞƏRH YAZ
0

Finlandiyanın dövlət başçısı İlham Əliyevi təbrik etdi

Finlandiyanın dövlət başçısı İlham Əliyevi təbrik etdi
15:37
Bu gün
455
Siyasət
A
Finlandiya Respublikasının Prezidenti Sauli Niinistö Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir: 

"Zati-aliləri.

Azərbaycan Xalq Cümhuriyyətinin yaradılmasının 100 illiyi münasibətilə Sizə və xalqınıza səmimi təbriklərimi və ən xoş arzularımı çatdırıram.

Cənab Prezident, xahiş edirəm, ən yüksək ehtiramımı qəbul edəsiniz".

ŞƏRH YAZ
0
BAĞLA