Mikrorayondakı Zeytunluq bağında inşa edilən villalar kimə məxsusdur? — FOTOLAR

Mikrorayondakı Zeytunluq bağında inşa edilən villalar kimə məxsusdur?
15:21
15.12.2017
7022
Ölkə
A
Bakının Binəqədi rayonu ərazisində yerləşən 6-cı mikrorayondakı “Zeytunluq” adlanan bağ massivində yaşıllıqlar yenidən məhv edilmək ərəfəsindədir. Hazırda sözügedən ərazidəki zeytun ağacları naməlum şəxslər tərəfindən məhv edilərək, yerində villalar inşa edilir.

“Ölkə.Az”-ın əməkdaşı sözügedən tikinti işlərinin fotolarını çəkməyə nail olub. 

Fotolardan da göründüyü kimi, zeytunluq bağının ətrafında dəbdəbəli villalar tikilib və hazırda da davam etdirilir. 

Ərazidə olduğumuz vaxt yerli sakinlərlə də söhbət apardıq. Onlar bildirdilər ki, sözügedən evlər “böyük adamlar” tərəfindən inşa etdirilir. 

“Bir neçə il əvvəl bu evlərin yerləri yaşıllıq idi. Ancaq gördüyünüz kimi, hamısını qırıb, yerində evlər tikiblər. Yüzlərlə zeytun ağacı məhv edilib, qırılan ağacların yerində villalar, restoranlar və digər tikililər ucaldılıb. Şübhəsiz ki, bütün bu işlər Binəqədi Rayon İcra Hakimiyyətinin başçısı Xaləddin İsgəndərovun xəbəri olmadan görülə bilməzdi. İcra başçısının öz evi də bu ərazidə yerləşir”, - deyə sakinlər bildirir.  

Zeytunluğun qırılmasına yaxınlıqda məskunlaşan məcburi köçkünlər də narazılıq edirlər. Deyirlər ki, yaşıllığın yerində məmurların villaları ucaldıqca onların qazı, suyu və işığı da kəsilir.

Onların sözlərinə görə, ərazidə məskunlaşan 846 məcburi köçkün ailəsinin qazı, işığı olmadığı halda, zeytunluqda tikilən villaların hamısı bu xidmətlərlə tam şəkildə təmin olunub. 

Həm sakinlər, həm də məcburi köçkünlər yaranan problemlərə görə icra başçısı Xaləddin İsgəndərovu günahkar hesab edirlər. 

“Zeytunluq” adlanan ərazidən çəkdiyimiz fotoları da oxuculara təqdim edirik.

Zaur Əziz 
Ölkə.Az

ŞƏRH YAZ
0

Nazirlik rəsmisi yarımçıq doğulan uşaqlarda olan qüsurlardan danışdı

Nazirlik rəsmisi yarımçıq doğulan uşaqlarda olan qüsurlardan danışdı
10:52
Bu gün
168
Ölkə
A
Respublika Perinatal Mərkəzi və “Uptodate In Medicine” tibbi konsaltinq şirkətinin birgə təşəbbüsü, Avrasiya Klinik Elmlər Jurnalının dəstəyi ilə “Fetal exokardioqrafiya” mövzusunda seminar keçirilib.

Səhiyyə Nazirliyindən "Ölkə.Az"a verilən məlumata görə, seminarda ölkənin müxtəlif tibb müəssisələrinin radioloqları, kardioloqları, reanimatoloqları, ginekoloqları, neonatoloqları, pediatrları iştirak ediblər.

Tədbirdə Səhiyyə Nazirliyinin baş mama-ginekoloqu, mərkəzin baş həkimi Sevinc Məmmədova çıxış edərək seminarın bütün səhiyyə ocaqlarında çalışan həkim-mütəxəssislər üçün xüsusi əhəmiyyət kəsb etdiyini bildirib: “Bu gün vaxtından əvvəl doğulmuş uşaqların günüdür. İştirak etdiyimiz tədbir də bu tarixlə əlaqədar mərkəzdə keçirilən növbəti toplantıdır. Tədbirin keçirilməsində əsas məqsəd vaxtından əvvəl doğulmuş körpələrdə ürək qüsurlarının erkən aşkarlanmasının üsullarını birgə müzakirə etməkdir. Belə ki, həmin uşaqların təxminən yarısında yarımçıqlıq əlaməti kimi bir sıra qüsurlar qalır. Bu problemlərə ürəklərində bəzi pərdə və pəncərələrin açıq qalması da aiddir. Uşaqlarda həmin problemləri erkən aşkarladıqda və düzgün müalicə etdikdə onlar ömürlərinin sonunacan ürək qüsurlarından qaçmış olurlar və sağlam böyüyürlər. Bu səbəbdən fetal exokardioqrafiyaya böyük əhəmiyyət verilir".

Tədbir radioloq Azər Fərəcin monoleksiyasının dinlənilməsi ilə davam etdirilib.

Seminarın sonunda həkimlərə davamlı tibbi təhsil üzrə 5 kredit ballıq sertifikatlar verilib.

Ölkə.Az

ŞƏRH YAZ
0

Azərbaycan ordusunda iməcilik keçiriləcək

Azərbaycan ordusunda iməcilik keçiriləcək
10:38
Bu gün
660
Ölkə
A
Müdafiə naziri general-polkovnik Zakir Həsənovun tapşırığına əsasən Əlahiddə Ümumqoşun Orduda, birlik, birləşmə, hərbi hissə və xüsusi təyinatlı təhsil müəssisələrinin ərazilərində noyabrın - 24-ü park təsərrüfat günündə iməcilik təşkil olunacaq.

Bu barədə "Ölkə.Az"a Müdafiə Nazirliyinin Mətbuat xidmətindən məlumat verilib.

Ərazilərin tullantılardan təmizlənməsi, ekoloji mühitin sağlamlaşdırılması və abadlaşdırılması məqsədilə təşkil olunacaq iməcilik zamanı hərbi şəhərciklərdə, eləcə də digər hərbi hissələr, inzibati, xidməti bina və obyektlərin ətrafında müxtəlif növ ağac və gül kollarının əkilməsi, eləcə də yaşıllıq zolaqlarının salınması nəzərdə tutulur.

Ölkə.Az

ŞƏRH YAZ
0
BAĞLA