"Milan"da ikinci Donnarumma

23:46
12.07.2017
106
İdman
A
Yeni mövsümdən "Milan"ın qapı xəttində iki qardaşın rəqabəti olacaq.

Ölkə.Az apasport.az-a istinadən xəbər verir ki, "rossonyerlər" yeni müqavilə imzaladıqları Canluici Donnarummanın böyük qardaşı Antonio Donnarummanı transfer ediblər.

Məhz Canluici yeni sazişə qol çəkərkən anlaşmaya qardaşının alınması bəndini saldırıb. Bundan sonra hərəkətə keçən İtaliya klubu 27 yaşlı Antonionu "Asteras"dan transfer edib. Yenidən onu yetişdirən kluba dönən Antonio Donnarumma 4 illik müqavilə imzalayıb. Maraqlıdı ki, Canluicinin illik məvacibi 6 milyon avro olacaqsa, Antonionun maaşı 1 milyon avro təşkil edəcək.
 
Qeyd edək ki, Antonio Donnarumma 2009-2012-ci illərdə "Milan"ın əsas komandasında olsa da, heç bir rəsmi matçda meydana çıxmayıb.

ŞƏRH YAZ
0

Avro-2020: Bakıda keçiriləcək matçların tarixi açıqlandı

Avro-2020: Bakıda keçiriləcək matçların tarixi açıqlandı
20:29
24.05.2018
400
İdman
A
UEFA 2020-ci ildə keçiriləcək Avropa çempionatının oyunlarının tarixlərini açıqlayıb.

"Ölkә.Az" bu barədə AFFA-ya istinadən məlumat verir.

Bakı Olimpiya Stadionunda da Avro-2020-nin 4 oyunu təşkil olunacaq. Bunlardan 3-ü qrup mərhələsinin, 1-i isə 1/4 final mərhələsinin oyunlarıdır.

 

UEFA-nın elan etdiyi təqvimə əsasən, Bakıda keçiriləcək A qrupunun 3 oyunu, müvafiq olaraq, iyunun 13-də, 17-də və 21-də olacaq. 1/4 final mərhələsinin BOS-dakı qarşılaşması isə iyulun 4-də keçiriləcək.

Ölkә.Az

ŞƏRH YAZ
0

“Qarabağ” 9 futbolçusu ilə vidalaşdı

“Qarabağ” 9 futbolçusu ilə vidalaşdı
16:11
24.05.2018
367
İdman
A
“Qarabağ” 9 futbolçu ilə yollarını ayırıb.

"Ölkə.Az" klubun saytına istinadən məlumat verir ki, İbrahim Şehiç, Riçard Almeyda, Elvin Yunuszadə, Rahid Əmirquliyev, Əfran İsmayılov, Ağabala Ramazanov və Arif Daşdəmirovun müqaviləsi uzadılmayıb.

Eyni zamanda Pedro Enrike və Ramil Şeydayevin icarə müddəti başa çatdığından Ağdam təmsilçisindən ayrılıblar.

ŞƏRH YAZ
0
BAĞLA