Millət vəkili İçərişəhərlə bağlı yayılan fotolardan danışdı
Bu sözləri “Ölkə.Az”a açıqlamasında deputat Hikmət Babaoğlu deyib.
Millət vəkili ictimaiyyəti yalan məlumatlara inanmamağa çağırıb.
“Bu, bəzi güc mərkəzləri tərəfindən həyata keçrilən informasiya təxribatıdır. Azərbaycana qarşı başladılan savaşın elementləridir. Ona görə də Azərbaycan cəmiyəti və informasiya resursları belə məsələlərdə diqqətli olmalıdır. Çünki bu, nəticə etibarı ilə sonda Azərbaycanın milli maraqlarına yönəlmiş təxribatlardır”, - deyə deputat bildirib.
O, əlavə edib ki, 2019-cü il Azərbaycan üçün mühüm bir ildir:
“Bu il Azərbaycan mühüm hadisələr ərəfəsindədir. Çünki həmin hadisələrin reallaşması Azərbaycanın bundan sonrakı inkişafını təmin edəcək. O baxımdan da çox əhəmiyyətli mərhələdir. Bunu bilən həmin qüvvələr bu cür təxirbatlarla həmin proseslərin qarşısını almağa və cəmiyyətin diqqətini əsas hədəflərdən yayındırmağa çalışırlar. Bu yolla Dağlı Qarabağ məsələsini gündəmdən çıxarmaq istəyirlər. Çox yaxşı ki, Azərbaycanda mövcud olan intellektual təbəqə bunun fərqindədir və ona qarşı çıxır. Düşünürəm ki, Azərbaycanın media və informasiya resursları da belə təxribat xarakterli məsələlərdə diqqətli olmalıdırlar. Onlar da potensiallarını milli maraqlarımızın qorunmasına səfərbər etməlidirlər”.
Mürtəza
Ölkə.az