Millət vəkilinin sağlamlıq resepti — İnanılmaz həyat tərzi + VİDEO

Millət vəkilinin sağlamlıq resepti
00:15
23.02.2019
7945
Maraqlı
A
"Ölkə.Az" medicina.az-a istinadən yazını təqdim edir:

Millət vəkili, Böyük Quruluş Partiyasının sədri Fazil Mustafa demək olar ki, hər gün idman edir, futbol, basketbol, tennis, bilyard oynamağı sevir. Siqaret çəkmir, spirtli içki qəbul etmir, şəkərdən və duzdan minimum dərəcədə istifadə edir...

- Fazil bəy, sizin xüsusi bir reseptiniz var, yoxsa ancaq ümumi qaydada sağlamlığınızla məşğulsunuz? 

- Xeyr, xüsusi bir reseptim yoxdur, amma hər halda planlaşdırılmış bir həyat tərzi üzərində sağlamlığı qorumağa çalışıram. Həftəlik cədvəlim var ki, bu cədvəllərdə əgər fövqəladə bir işim çıxmırsa, bir hadisə baş verməyibsə və ya xarici səfərdə deyiləmsə, ona əməl edirəm. Amma gündəlik həyat ritmim belədir: Tezdən saat 7-nin yarısında sübh namazı üçün yerimdən qalxıram. Namazı qıldıqdan sonra idman edirəm. 45 dəqiqə idman prosedurum var. Bu proseduru da daimi həyata keçirməyə çalışıram. Xüsusilə də ayaqların möhkəmləndirilməsi, qan təzyiqinin normal olması üçün müəyyən prosedurlar edirəm. Bundan başqa rezinlə hərəkətlər etməyə çalışıram ki, həftə boyunca futbol, ya basketbol oynayarkən hər hansı şəkildə zədə almayım, yəni əzələ dartınması baş verməsin. Ayaqla bağlı bəzi prosedurları həyata keçirirəm. Çünki ayağımda idman zədələri vardı. Çalışıram ki, onlar həkimə müraciət etmədən  özüm müalicə edim. 
 
Beləliklə, bu prosedur sübh tezdən başlayır. Sonra işlərimin dalınca gedirəm. Axşamlar çalışıram ki, boş keçməsin. Daha çox bilyard oynayıram. Bütün kəskin atıcılara gün ərzində bilyard oynamağı tövsiyə edirlər. Çünki gözün dəqiqlik məsafəsini  tənzimləyən bir oyundur. Bilyard stolu ətrafında 2 saat fırlanmaq hardasa 3 km yol getməyə bərabər olur. Bu da ayaqların müəyyən dərəcədə hərəkətliliyini saxlayır. Bəzən stolüstü tennis oynayıram. Elə olur, 2 gündən bir, elə olur, hər gün ən az yarım saat dostlarımızla şahmat oynayıram.  Şahmat beyni müəyyən formada saxlamağa xidmət edir. Bəzən isə əgər futbol və basketbol oynamayacamsa, 3 km qaçmağa çalışıram. Havalar soyuq olmayanda dəniz kənarında qaçıb, sonra girib dənizdə çimirəm. Oktyabr ayının 30-na qədər belə davam edir.  Yay boyu - iki ay dənizdə çimərlik futbolu oynayıram. Bu, ayaqların möhkəmlənməsi baxımından çox faydalıdır. Qışda dəniz kənarı təmiz olmur, mənim zirzəmidə qaçış alətim var, onunla minimum 3 km qaçıram.

Əvvəllər həftənin hər günü futbol oynayırdım, indi biz az azaltmışam, bu, yaşla və çox zədə almamaqla əlaqədardır. Şənbə günü "Neftçi" futbol klubunun bazasında  peşəkar futbolçularla futbol oynayırıq. Təqribən 1 saat 20 dəqiqə vaxt ayırırıq. Sonra yarım saat da orda idman edirəm. Hər gün çox sayda press edirəm. Bu, bədənin möhkəmlənməsinə kömək edir. Bizim 14-15 nəfərdən ibarət çox gözəl basketbol kollektivimiz var. 10 ildir davamlı olaraq hər bazar oynayırıq. Komanda peşəkarlardan və qeyri-peşəkarlardan ibarətdir. Onlarla 2 saat boyunca çox gərgin oyun keçir. Oyundan sonra dostlarla yarım saat, bir saat çay məclisimiz olur. Söhbətləşib, dərdləşirik. Bu da zövqlü bir əyləncədir. Üzgüçülükdən də xoşum gəlir. Amma məni daha çox fərdi yox, kollektiv oyunlar cəlb edir. Kollektiv oyunda insan stressdən tez azad olur. Qələbənin sevinci, rəqib komandanın mübahisəsi və s. stressin atılması vasitələrindən biridir. Hesab edirəm ki, bu formada gündəmi tənzimləməklə idmansız qalmıram. Bir saat da olsa, hansısa idman növü ilə məşğul oluram. Maraqlıdır ki, idmanla məşğul olduğum gün mənim mütaliəm də normal olur. Gün ərzində azı bir saat, saat yarım mütaliə etməliyəm. Axşamlar ingilis dili ilə bağlı 1 saatlıq məşğələm olur. Onda zehin daha açıq olur. Və daha rahat bu işlərlə məşğul ola bilirəm. Gündəlik işimiz çox olur. Saat 12-yə qədər mən təxminən 20 sayta müsahibə verirəm. Telefon nömrəm hər kəsdə olduğu üçün hamı zəng vurur. Telefonu özüm götürürəm.

- Bəs yemək menyunuz nədən ibarətdir? 

- Çalışıram ki, yemək menyuma xüsusi diqqət yetirəm.

Səhərlər mütləq, 42-50 dərəcə temperaturda olan bir stəkan suya 1 qram soda qatıb içirəm. Bu, bədəndə qələviliyin normada saxlanmasına xidmət edir.
Səhər sodalı su içəndən 1 saat sonra yeməyimi yeyirəm. Yeməyi çörəksiz yeyirəm. Çörəkdən imtina etmişəm. Təxminən 6-7 aydır, heç bir un məhsulundan istifadə etmirəm. Bundan başqa, şəkərdən istifadə etmirəm. Çayımı ancaq qara ərik qurusu və qohumlarımın xüsusi olaraq mənim üçün göndərdikləri tut qurusu ilə içirəm. Qara çay içmirəm, daha çox ot çaylarına, Mədinə gülü, yaşıl çaya üstünlük verirəm. Yeməkdən minimum saat yarım keçməlidir ki, çay içim. Yeməkdən sonra dərhal maye qəbul etmirəm. Bu da mənə çox xeyir edir. Çünki orqanizmdə qidanın özünün həll olmasına nail ola bilirsən. Yəni onu mədədən bağırsağa sürətlə itələmirsən. Axşam 6-dan sonra yemək yemirəm. Yalnız balıq yeməkləri olanda, onu da çörəksiz yeyirəm. Çalışıram ki, axşam vaxtları 15-20 dəqiqə  də olsa gəzim. Mənasız boşuna yeriməyi də çox sevmirəm. İngilis və rus dilində materiallar var ki, onları qulaqcıqla dinləyirəm. Və ya maraqlı bir şəxslə telefon söhbətim varsa, o söhbəti yürüşə salıram. Maraqlıdır ki, axşam da tez yata bilmirəm. Mən 1-də, 2-də yatıram və tez də dururam.  Yuxusuzluq problemi yaranır. Futbol və basketbol çempionatlarını izləməyə çalışıram. Mən atçılıq, tennis... nə olur olsun, idmanının bütün növlərini izləməyə çalışıram. 

Evdə həm də çox zəngin kitabxanam var. Orda da vaxt keçirməyi xoşlayıram. 

Qızımın 9 yaşı var. Hava normal olanda onu Olimpiya Mərkəzinin yanına aparıram. Hər ikimizin velosipedi var. Orda 1 saat velosiped sürürük. Belə bir həyat tərzi qurmuşam. Çevrəmdəki insanlara da sağlam həyat tərzini tövsiyə edirəm. Yəni həkimsiz hər kəsin sağlam olmaq imkanı var. İnsanlar sadəcə tənbəllikdən özləri öz reseptlərini kəşf edə və həyat tərzlərini doğru nizamlaya bilmədiklərinə görə ağrılardan, əzginlikdən şikayət edirlər. Halbuki hər kəs həyat tərzini doğru qursa, tənzimləyə bilsə, belə problemlər də yaşanmayacaq. Onsuz da Allahın verdiyi ömür hardasa tamamlanacaq. Amma sağlam yaşamaq haqqı insanın özünə aiddir. Əgər sən siqaret çəkirsənsə, spirtli içki içirsənsə, qəlyan çəkərək vaxtını keçirirsənsə, bunun əvvəl-axır bir problemini yaşayacaqsan. Ona görə də bu məsələlərdə daha dəqiq olmağın insanın özünə faydası var. 

- Bu həyat tərzini özünüz müəyyənləşdimisiniz, yoxsa kiminsə məsləhəti ilə həyata keçirirsiniz? 

- Mənim həkim, idmançı dostlarım var. Öyrənməyi sevən adamam. Kimdə yaxşı nə görsəm, özümdə tətbiq edirəm. Hər hansı bir idman hərəkəti görsəm, onu edirəm. Ağlabatan nə varsa, onu götürürəm. 

- Neçə ildir bu cür yaşayırsınız? 

- Mən uşaqlıqdan futbol oynayıram. Hərbi xidmətdə belə hərbi hissənin çempionu olmuşam. Hətta hərbi xidmətdən vaxtından əvvəl təxris ediblər. Çempion olduğuma və ən çox qol vurduğuma görə. Daha sonra universitet yığmasının hücumçusu olmuşam. Hüquq fakültəsi olaraq, həmişə universitet daxilində birinci, respublika daxilində isə 2-ci yer tutmuşuq. Komandanın hücumçusu mən olmuşam. Futbolu heç vaxt atmamışam. Hansı şəraitdən olmaqdan asılı olmayaraq. Uşaq vaxtı basketbolu da az-çox oynayırdım. Son 10 ildə basketbola çox böyük bir sevgim yarandı. Basketbolsuz vaxt keçirmirəm. Hərbi xidmətdə olanda ağır atletika ilə də bir az məşğul olmuşam. 

Mənim bağım çox kasıb bağdır. Heç deputat bağına bənzəmir. Amma bütün idman növlərini orda tapa bilərsən. Hansı idman növü desən, mən orda şərait yaratmışam. Futbol, basketbol, qaçış, tennis, turnik, "ştanq" və s. Kimsə qonağım olanda idman profilli insandırsa, darıxmaz. Zirzəmidə də velosiped, qaçış aləti, bilyard stolu, stolüstü tennis var. Çardaqda da böyük kitabxana var. 

- Bu həyat tərzi sizi hansısa bir bəladan qurtarıb? Ümumiyyətlə səhhətinizdə hər şey qaydasındadırmı? 

- Səhhətimdən bir gileyim yoxdur. Əməliyyat olunmamışam. Xüsusi bir xəstəlik keçirməmişəm. Əlbəttə, xeyri olur. Çalışıram ki, həkimsiz özümü ayaqda saxlayım. Nə zərərlidirsə, ondan imtina edirəm. Şəkər və çörək zərərlidir deyə onlardan imtina etmişəm. Təmiz undan bişirilmiş mayasız qara çörək olanda ondan yeyirəm. Səhərlər yumurtaya üstünlük verirəm. Yağlı yeməklərdən ümumiyyətlə imtina etmişəm. Ətdən uzaq dururam. Orqanizm üçün faydalı olan qidalardan istifadə edirəm. Bunlar hamısı dünyagörüşü ilə bağlı olan məsələlərdir. Mən bu həyat tərzini təbliğ də edirəm. Mənim hesabıma xeyli adam basketbola, futbola gəlib, dənizə gedir. Elə təşkil etmişik ki, yaşlı insanlar da gəlib futbol oynayırlar, sonra da girib dənizdə çimirlər. Səmimi dostlarımızın çoxunu idmanda tapmışıq. Bu, olduqca vacibdir.

- Təzyiqiniz adətən neçə olur?

- Təzyiqim normaldır. Son dəfə ölçdüyümdə 111 /70 idi. Açığı təzyiqin ölçüsünü də bilmirəm, ölçməyə də diqqət etmirəm. 

- Çəki və boy nə qədərdir? 

- Boyum 1.70 sm-dir. Çəkim 86 kq-dır. Çəkimi azalda bilmirəm. Mən kökəlməyə meyilli adamam. Bu qədər idmanla mən çəkimi sabit saxlayıram. Amma 1-2 gün idmanı buraxsam kökələcəm. Çəki az olanda rahat olur. Amma mən çox da azaltmaq istəmirəm. Hər kəsdə yaşa görə artıq çəkinin olması qəbul ediləndir. Çəki idmanda mənim sürətimə və manevrlərimə mane olmur. Mane olanda hiss edirəm. Məsələn, 90-na qalxdıqda oyunda effekti aşağı salır. 

- Məlumdur ki, bir çoxları istər qidalanma olsun, istər başqa şeylərdə qeyri-sağlam həyat tərzi keçirir. Deputat həmkarlarınıza, cəmiyyətə nələri tövsiyə edərsiz?

- Azərbaycan cəmiyyəti qədər özünə dəyər verməyən cəmiyyətə çox az rast gəlmək olar. Bir də biz yaradılışın mahiyyətinə lağlağı münasibət bəsləyən cəmiyyətik. Məsələn, biri alkoqol qəbul edər, içdiyinə sevinər, həm də lağlağı edər. Cəmiyyət özünə fayda olanı anlamaqda çox gecikir. Qarabağ məsələsində də elədir, həyata baxışda da elədir, gələcəyimizə, təhsilə baxışda da elədir. Hansı cəmiyyətdə ata və ya ana uşağın həkimliyə marağı olmadan onu həkim olmağa məcbur edər? Sağlamlıqla bağlı da vəziyyət belədir. Hamının onsuz da həkimə nə vaxtsa ehtiyacı olur. Bir məsəl var, deyir pərşənbənin gəlişi çərşənbədən bəllidir.  Bu gün sənin yeyib-içdiyin, piylənmən sabah sənə xəstəlik olaraq qayıdacaq. Bunu söyləməyə gərək yoxdur. Sən bunu bilə-bilə bu həyat tərzinə davam edirsənsə, özündə olan hər hansı bir fiziki çatışmazlığı ortadan qaldırmağa çalışmırsansa, onda bunun günahını başqalarında axtarma. Allah ağıl veribsə, hər bir insan öz quruluşuna, özünün imkanlarına, potensialına uyğun olaraq özünü təkmilləşdirməlidir. Düşünməlidir ki, mən çalışmalıyam, sağlam olum. Məsələn, yanımda olan birinin siqaret çəkməyinə dərhal iradımı bildirirəm. Xoşu gəlsə də, gəlməsə də. Ərkim çatan adama deyirəm, niyə atmırsan bu siqareti. Bir-iki ziyanını deyirəm. Feysbukda təbliğat aparıram ki, siqaretdən və spirtli içkilərdən uzaq durun. Amma insana zorakılıq tətbiq edə bilməzsən. Ağıllı adam deyiləni götürür, ağılsız adam davam edir. Deyirlər, onsuz da hamı öləcək də. "Biri siqaret çəkdi 90 il yaşadı, o biri siqaret çəkmədi 50 yaşında öldü". Amma sən hər səhər duranda öskürə-öskürə zəhəri çıxaranda çəkdiyin əzabı 50 il yaşayan adam çəkməyib. Zəhərlə çevrənə - xanımına, uşağına ziyan vurursan.
 
Bütün bunları kompleks olaraq insanlara tövsiyə edərdim ki, əgər, sizə Allah yaşamaq nəsib edibsə, ona haram qatmayın. Sağlam yaşayın. Həm düşüncədə sağlam olacaqsınız, həm də fiziki cəhətdən. Çevrəyə də xoş aura verəcəksiniz. Şikəst insanlarda olan iradənin cüzi bir hissəsi fiziki sağlam olan insanlarda olsa, yaxşı olar. Mən Xüsusi Olimpiadanın vitse-prezidentiyəm. Xüsusi olimpiada zehni qüsurlu olan insanların olimpiadasıdır. O kateqoriyadan olan autizm, daun sindromlu uşaqları idmana cəlb edirik. Bu, mənim üçün xüsusi zövqdür. Bəzən onlarla da oynayıram, onları həvəsləndirirəm. Çünki bu uşaqların imkanları məhduddur. Və bu uşaqların həyat eşqini  görəndə, özünü sağlam sayan insanların miskinliyinə ürəyim ağrıyır. Onların düşüncəsi sağlam deyil. Siz ətrafa yaxşı mesaj verməlisiniz. Bəzən elə olur ki, insan kasıb olur, amma siqareti siqaretin dalınca çəkir. Heç olmasa, yoxsulsansa, siqaretə verdiyin 200 manatı cibində saxla. Meyvə al ye. Bunu təbliğ etməyə çalışıram. 

- İçki və siqareti əvvəldən istifadə etməmisiniz? 

- Mən içki də içmişəm, siqaret də çəkmişəm. Gənclik çağlarında. 2003-cü ildən içkini, 2005-dən isə siqareti tərgitmişəm...

Ölkə.Az

ŞƏRH YAZ
0

Yağlı yemək… yağsız yeməkdən daha yaxşıdır

Yağlı yemək… yağsız yeməkdən daha yaxşıdır
01:27
Bu gün
282
Maraqlı
A
Yağlı qidalar qəbul edilməsi ömrü uzadır.

“Ölkə.Az”ın AZƏRTAC-a istinadənməlumatına görə, ABŞ-ın Stenford və Harvard universitetlərinin alimləri uzunmüddətli tədqiqatlar nəticəsində belə qənaətə gəliblər.

Onların fikrincə, doymamış yağların zəngin olduğu qidalar orqanizmin fəaliyyətinə müsbət təsir göstərir, ürək-damar xəstəlikləri riskini azaldır. Bitki və balıq mənşəli yağlarla hazırlanan yeməklər isə orqanizmdə daha tez sorulur və piylənməyə səbəb olmur. Bunun əksinə, heyvan mənşəli yağlar piylənmə və artıq çəkiyə, eləcə də müxtəlif xəstəliklərə aparıb çıxarır.

Tamamilə yağsız yeməklər qəbul edilməsi də məsləhət görülmür, çünki onun qəbulu maddələr mübadiləsini pozur.

Ölkə.Az

ŞƏRH YAZ
0

Seçilən yeni məcrada elə bu gün uğur qazana bilərsiniz — Günün qoroskopu

Seçilən yeni məcrada elə bu gün uğur qazana bilərsiniz
01:12
Bu gün
213
Maraqlı
A
“Ölkə.Az” milli.az-a istinadən günün ulduz falını təqdim edir:

Qoç - pis gün deyil. Ən yaxşı nəticələrə nail olmaq üçün diqqəti aktual problemlərə yönəldin. Gələcəklə bağlı fikirlərə bir qədər sonra dalarsınız.

İşdə karyera pilləkəni ilə irəliləmək imkanları var. Həmkarlarla və rəhbərliklə yaxşı münasibətləri qorumaq çox mühümdür.

Yaşam potensialı yüksək olmasa da, yeni təəssüratlar almağa, səyahətlərə və macəralara can atırsınız. Yaxınlarınız sizi dəstəkləyirlər.

Sevdiyiniz insanla münasibətlərdə sürprizlər olmayacaq.

Buğa - şəxsi həyatınızdakı uğursuzluq bu günə kölgə salacaq. Peşəkar sahədə heç bir problem yaranmayacaq. Amma maraqlı işlər də olmayacaq. Vəzifə səlahiyyətlərinizin öhdəsindən gəlirsiniz. Nə etməli ki, bu səlahiyyətlər və görülən iş maraqlı deyil.

Həmkarlarınız və rəhbərliklə ünsiyyətdən gərəkli məlumat əldə etməyə çalışın.

Sevdiyiniz insanla münaqişə heç bir ciddi səbəb olmadan yarana bilər. Əvvəlki günlərdən fərqli olaraq, indi qarşılıqlı anlaşma çətindir.

Dostlar və qohumlarla ünsiyyət üçün yaxşı gündür. Bir şərtlə ki, onlar sizə dəstək versinlər.

Əkizlər - karyera və işdə inkişafı düşünənlər üçün çox yaxşı gündür. Bu gün bilik və bacarıqlarını nümayiş etdirə bilərsiniz. Rəhbərlik, şəriklər və tərəfdaşlar bunu görməlidirlər. Təcrübəniz arta bilər.

Gəlirlər çox olmayacaq.

Alış-verişdə bədxərclik edənlər gözlənilməz çətinliklərlə qarşılaşa bilərlər.

Axşam saatlarında əla istirahət edin. Qonaq gedin, yaxud qonaq qəbul edin.

Xərçəng - sizi uğurlu gün gözləyir. Qarşınızda duran məsələlərdən heç biri mümkünsüz, heç bir sədd keçilməz deyil. Təkbaşına və tənha fəaliyyət göstərməməyə çalışın.

İşdə marağı olan adamları yardıma dəvət edin. İşinizin nəticəsinə görə ödəniş gecikərsə, qərar verməyə tələsməyin.

Layiq olduğunuzu alacaqsınız.

Şəxsi həyatda gözlənilməz heç nə olmayacaq. Sevimli insanlar münasibətlər təxminlənən məcrada inkişaf edir.

O insanla oynamamağa çalışmayın. İstədiyinizi desəniz, daha ciddi nəticə əldə edə bilərsiniz.

Şir - peşəkar baxımdan çox uğurlu gündür. Ezamiyyətə yollanan və ya sifarişi yerinə yetirmək üçün ofisdən çıxanları daha önəmli irəliləyişlər gözləyir.

İşdə vəzifənin və ya maaşın artmasını gözləyənlər bununla bağlı rəhbərliklə danışmalıdır. Bu gün çox nəsnələrə nail ola bilərsiniz.

Aktiv istirahət üçün o qədər də yaxşı gün deyil. Köhnə dostlar üçün darıxıbsınızsa, onlarla görüşün. Amma görüşün gecədən xeyli keçmişədək davam etməsinə imkan verməyin.

Əks təqdirdə sevdiyniz insan və ya ailə üzvləri ilə problemlər yarana bilər.

Qız - qarşınızda yeni imkanlar açılır. Düşünmədən onlardan yararlanın. Həmkarlarınız və rəhbərlik işgüzar keyfiyyətlərinizi yüksək dəyərləndirəcək.

Müstəqil işləmək fikrinə düşənlər xeyli faydalı məlumatlar əldə edilər.

Gəlir istisna deyil. Sevdiyiniz insanla münasibətləri möhkəmlətmək, laqeyd olmadığınız insanın etibarını qazanmaq olar. Lakin münaqişələr də istisna deyil.

Səbəb isə gələcəklə bağlı planlarınızdır. Əgər münasibətlərə önəm verirsinizsə, həmin planlara dəyişikliklər etməyə hazır olun.

Tərəzi - yalnız işdəki uğurlarına önəm verməyərək dostlar və tanışlarla görüşə də vaxt tapan insanlar üçün xoş təəssüratlar vəd edən yaxşı gündür.

İş həyatı və şəxsi yaşam sıx bağlanacaq. Potensial tərəfdaşlar və ya həmkarlarınızı əylənməyə yollandığınız yerdə görsəniz, təəccüblənməyin.

İşdə də sizi peşəkar fəaliyyətlə bağlı olmayan sürprizlər gözləyir.

Yaxşı münasibətlər üçün əlverişli zəmin yaranır.

Ailə üzvləri və sevdiyiniz insanın qayğıları ilə maraqlanın. Həmin adamlara yardım edə bilərsiniz.

Əqrəb - insanlarla dil taparaq uğur əldə etməyə, tanış olmayan situasiyaya dərhal alışmağa çalışın. Darıxdırıcı, rutin, maraqsız işlərlə özünüzü yükləməyin.

Yaradıcı münasibət və çevik davranış sərgiləyən insan olun. Orijinal fikirlər və problemlərin sürətli həlli ilə fərqlənin.

Səmimi olun, önəm verdiyiniz adamı aldatmayın. Yaxın ətrafınızdakı insanlar davranış və sözlərinizdəki nöqsanı tənqid edəndə, sinirlənməyin.

Deyingən olmayın, situasiyaya yumorla yanaşın, tənqidlərə iradlarla cavab verməyin. Əks təqdirdə qarşılıqlı tənqidlər və iradlar ümmanında bata bilərsiniz.

Oxatan - dostların yanında vaxt keçirmək imkanı var. Lakin görülməsi gərəkən işlərin hamısını başa vurmalı və tələsməli olacaqsınız.

İşdə peşə səlahiyyətlərinin icrası xüsusi qüvvə və güc tələb etməyəcək. Sadəcə, həmkarlarınızın və ya rəqiblərin nə işlə məşğul olduğuna diqqətlə fikir verin, yaxşı təcrübəni təkrarlayın.

Yeni tanışlıq və uzun müddətdən bəri görmədiyiniz insanla görüş istisna deyil.

Yüngül tanışlığa ciddi münasibətləri qurban verməyin.

Seçim edin, həyatınızda yeni mərhələnin başlanması üçün addım atmağın vaxtının çatdığını bilin.

Hər şey məhz sizin əlinizdədir.

Oğlaq - rahat, sakit, xoş bir gündür. Bəzi dəyişikliklər ola bilər, amma ciddi təlaşa və ya narahatlığa səbəb yoxdur. Qeyri-rəsmi lider, problemin həlli üçün başçı olmalısınız.

Yola düşmək, davranışı və özü şübhəli adamlarla ünsiyyət məcburiyyəti yarana bilər.

İstənilən halda sayıq, təmkinli və səbrli olsanız istədiyiniz nəticəyə nail ola bilərsiniz.

Şəxsi həyatda da narahatlıq üçün heç bir səbəb yoxdur. Bu sahədə heç bir ciddi yenilik gözlənilmir.

Dolça - qənaətli və soyuqqanlı olun, alış-verişdə pulu səpələyib sovurmayın. Bədxərclik və maliyyə imkanlarının düzgün dəyərləndirilməməsi çoxdan reallaşdırmaq istədiyiniz planı təxirə sala bilər. Ciddi təzyiqlərə, kənar təsirlərə, dedi-qodu və ya şayiələrin əhvalınızı pozmasına imkan verməyin

Günün pozitiv təmayülləri çox güclüdür. Uğura yiyələnmək üçün hissiyatınızı dinləyin.

Sevimli insanla münasibətlər səmimi və ilıq ola bilər.

Lakin elə həmin münasibətlər qəflətən gərginləşə də bilər. Hər şey davranış modelinizdən asılıdır.

Balıqlar - yaxşı gün deyil. Sönük, boz, darıxdırıcı bir dönəm. Yaxın ətrafınızdakı insanlarla çətinliklə dil tapırsınız.

Dəyərlərin yenidən qiymətləndirilməsi başlayır. Əvvəllər çox maraqlandığınız nəsnələrə marağınız itir.

Qüvvə və enerjinizin tətbiqi üçün yeni sahə tapın.

Seçilən yeni məcrada elə bu gün uğur qazana bilərsiniz.

Ailə üzvləri və yaxınlarla münasibətlər səbr, soyuqqanlı davranış, güzəştlərə hazırlıq tələb edir.

Sevdiyiniz insanların da nöqsanları, zəif yönlərinin olduğunu, xasiyyətlərindəki bəzi məqamların isə dözülməz olduğunu anlayın və bağışlayın, güzəştə gedin.

Ölkə.Az

ŞƏRH YAZ
0
BAĞLA