Milli Arxiv İdarəsinə yeni sənədlər verilib

Milli Arxiv İdarəsinə yeni sənədlər verilib
19:31
12.02.2018
2588
Ölkə
A
“Azərenerji” Açıq Səhmdar Cəmiyyəti (ASC) tərəfindən Dövlət Kino Foto Sənədləri Arxivinə 468 saxlama vahidi foto və 31 saxlama vahidi kinosənəd (video) təhvil verilib.

Milli Arxiv İdarəsindən "Ölkə.Az"a bildirilib ki, sənədlər dövlət müstəqilliyi illərində ölkənin energetika sisteminin fəaliyyətini, elektrik enerjisinin istehsalı və ötürülməsini, vahid mərkəzdən idarə olunan elektrik stansiyalarını, yarımstansiyalarını, sistem təşkiledici yüksək gərginlikli elektrik veriliş xətlərini və onların dispetçerlə idarə etmə sistemini əks etdirir.

Bununla yanaşı, foto və kinosənədlərdə Prezident İlham Əliyevin Göygöldə “Çiçəkli”, İsmayıllı rayonunun Sumağallı kəndində “İsmayıllı-1”, Göyçay şəhərində “Göyçay-1” Su Elektrik Stansiylarının təməlqoyma və açılış mərasimində iştirakını, Sumqayıt Elektrik Stansiyasının, Bakının Nizami rayonu ərazisində modul tipli elektrik stansiyalarının, Naxçıvan Su Elektrik Stansiyasının, habelə Şəki rayonunda modul tipli elektrik stansiyasının, Qəbələ rayonunda “Laza” yarımstansiyasının, Varvara Su Elektrik Stansiyasının, Xaçmaz, Balakən, Füzuli Su Elektriktrik Stansiyalarının, Ağdaş, Salyan yarımstansiyalarının təməlqoyma və açılış mərasimlərində iştirakı əks olunub.

Hazırda qəbul olunmuş sənədlərin Milli Arxiv Fonduna qəbulu rəsmiləşdirilir, hər bir sənədin məlumat bazası hazırlanır.

ŞƏRH YAZ
0

Pirşağının yolları bərbad vəziyyətdədir — VİDEO

Pirşağının yolları bərbad vəziyyətdədir
23:45
22.02.2019
2574
Ölkə
A
Sakinlərin şikayəti Pirşağı qəsəbəsi “Lokomotiv” adlanan ərazidəndir. Belə ki, yol ayrıcının bir hissəsi təmir olunsa da, digər hissəsi təmirsiz və bərbad vəziyyətdədir. Sakinlər bildirirlər ki, yolun bu vəziyyətdə olması onların gediş-gəlişi üçün çətinlik yaradır.

"Ölkə.Az" bildirir ki, “Baku TV”nin əməkdaşları adıçəkilən qəsəbədə real vəziyyətlə tanış olub. 

Çəkiliş apardıqları müddətdə onlar yolların, həqiqətən də, bərbad vəziyyətdə olmasının, nəqliyyat vasitələrinin çətinliklə hərəkət etməsinin şahidi olublar.

Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli bildirib ki, həmin ərazi onların nəzarətində deyil.

“Ancaq onu deyə bilərik ki, bu ildən qəsəbədaxili yolların təmirinə start verilib. Yaxın gələcəkdə  həmin yollarda təmir işləri aparılacaq”, - deyə o əlavə edib.

Ölkə.Az

ŞƏRH YAZ
0

Ağdamda zenit top mərmisi tapılıb — FOTO

Ağdamda zenit top mərmisi tapılıb
23:00
22.02.2019
2358
Ölkə
A
Ağdam rayonunda mərmi tapılıb.

Ərazilərin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, bu gün saat 12:38-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Ağdam rayonu, Əhmədağalı kəndi ərazisində mərminin tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Ağdam rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Ağdam rayon Polis şöbəsinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd 30 mm-lik zenit top mərmisi (OFZ) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Zenit top mərmisinin ətrafında 1,000 kv.m əraziyə yerüstü, 100 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0
BAĞLA