KORONAVİRUSA YOLUXANLARIN SAYI - CANLI STATİSTİKA

Milli iqtisadiyyatda koronavirus dönəmi: Sahibkarlar üçün gözlənilən güzəştlər — ŞƏRH

Milli iqtisadiyyatda koronavirus dönəmi: Sahibkarlar üçün gözlənilən güzəştlər
11:58
26.03.2020
1324
İqtisadiyyat
A
Koronavirus pandemiyası əhalinin sağlamlığını təhlükə altına qoyur, cəmiyyətin ictimai şüurunda həyəcan atmosferi yaradır.

Bununla yanaşı, koronavirusun zərər vurduğu sahələrdən biri də iqtisadiyyatdır.

Dövlətləri ayaqda saxlayan, inkişafın hərəkətverici qüvvəsi olan iqtisadiyyatda geriləmə və mənfi təsirlərin minimuma endirilməsi hazırda müzakirə olunan ən aktual mövzulardandır.

Ölkələr iqtisadiyyata mənfi təsirin minimum itkilərlə nəticələnməsi istiqamətində konsepsiyalar hazırlayır və bunu praktiki müstəviyə daşıyırlar.

Azərbaycan da koronavirusun milli iqtisadiyyata sirayət etdiyi neqativ tendensiyaları aradan qaldırmaq istiqamətində tədbirlər planını həyata keçirir.

Martın 25-də koronavirus pandemiyasının, həmçinin, dünya enerji və səhm bazarlarında baş verən kəskin dalğalanmaların milli iqtisadiyyata mənfi təsirlərinin qiymətləndirilməsi, pandemiyadan zərər çəkməsi ehtimal olunan iqtisadi fəaliyyət sahələrinin müəyyən edilməsi, yaranmış vəziyyətin yaxın və orta müddətlərdə ölkənin biznes mühitinə mənfi təsirinin azaldılması məqsədilə müvafiq təkliflərin hazırlanması üçün yaradılmış İşçi qrupunun iclası keçirilib. İclas videokonfrans formatında aparılıb.

İşçi qrupunun rəhbəri, İqtisadiyyat Naziri Mikayıl Cabbarov pandemiyanın qarşısının alınması istiqamətində Azərbaycan Prezidenti İlham Əliyevin rəhbərliyi ilə həyata keçirilən təxirəsalınmaz tədbirlər barədə məlumat verib.

Nazir iclasda pandemiyadan ən çox zərər çəkən fəaliyyət sahələrinin, iqtisadi artımı və məşğulluğu formalaşdıran əsas sahələrin müəyyənləşdirilməsinin vacibliyini vurğulayıb.

Ölkənin iqtisadi və maliyyə dayanıqlığının gücləndirilməsi, dövlət tərəfindən atıla biləcək addımların və dəstək tədbirlərinin istiqamətlərinin dəqiqləşdirilməsi üçün qısa müddət ərzində İşçi qrupunun intensiv və böyük həcmdə iş aparmalı olduğunu diqqətə çatdırıb.

Qeyd edək ki, Azərbaycanda ilkin mərhələdə ən çox turizm, hotelçilik, ictimai iaşə, əyləncə, nəqliyyat, ticarət sahələri mənfi təsirə məruz qalıb.

Ümumilikdə, koronavirus ölkədə 12 fəaliyyət sahəsinə daha çox zərər vurub.

Prezident İlham Əliyevin sərəncamı ilə bundan əvvəl sahibkarlığa dəstək məqsədilə Nazirlər Kabinetinə bir milyard manat ayrılıb. Həmin vəsaitin təyinatı üzrə xərclənməsi barədə ictimaiyyətə məlumatlar veriləcək.

Sahibkarların ictimai məsuliyyəti artmalıdır

Görülən işlərlə yanaşı, bir sıra əlavə tədbirlərə də ehtiyac duyulur. Bu məsələdə dövlətlə birlikdə ictimaiyyətin, xüsusən sahibkarların üzərinə böyük məsuliyyət düşür.

Azərbaycanda leqal iqtisadi fəaliyyət üçün bütün imkanlar yaradılıb, əlverişli biznes mühiti mövcuddur.

Sahibkarlar yaranmış vəziyyətdən istifadə etməməli, vergiləri vaxtında ödəməli, şəffaf fəaliyyətə üstünlük verməlidirlər. Eyni zamanda, iş yerlərinin və məşğulluğun qorunması, əmək müqavilələrinə xitam verilməməsi, ödənişsiz məzuniyyətlərin qarşısının alınması da sahibkarların qarşısında duran çağırışlardır. Bir sözlə, koronavirus infeksiyası sahibkarların sosial məsuliyyətini artırmalıdır.  

Dövlət də məhz belə sahibkarları ön plana çıxaracaq, dəyən zərəri qarşılayacaq və sahibkarlıq subyektlərində dinamikanın təmininə yönələn resursları səfərbər edəcək.

Daha nələr etmək olar?

Sahibkarlıq subyektlərinin normal fəaliyyəti üçün bir sıra güzəştlərin edilməsi də vacibdir.

Əməkdaşlarını ixtisar etməyən şirkətlərə əlavə vergi və gömrük güzəştləri mövcud vəziyyətin diktə etdiyi şərtlərdən biridir.

Artıq Nazirlər Kabinetinin qərarı ilə “Azərbaycan Respublikasının xarici iqtisadi fəaliyyətinin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilib.

Qərara əsasən, pambıq (vata), keçə və ya fetr və toxunmamış materiallar, xüsusi iplik, ciyə (viş), kəndir, kanatlar, troslar gömrük rüsumlarından azad edilib.

Sahibkarlıq və istehlak krediti müştərilərinin kreditləri üzrə faizlərin bir hissəsinin subsidiyalaşdırılması da gündəlikdə dayanan aktual güzəşt reseptidir. Bu reallaşsa, biznesin kreditə çıxış imkanları yaxşılaşar. (oxu.az)

ŞƏRH YAZ
0

Azərbaycan nefti ucuzlaşdı

Azərbaycan nefti ucuzlaşdı
19:48
23.05.2020
1671
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 1,31 ABŞ dolları, yaxud 3,6% azalıb.

"Ölkə.Az" xəbər verir ki, “Azeri Light” markalı neftin bir barelinin qiyməti 35,09 ABŞ dolları təşkil edib.

Xatırladaq ki, "Azeri LT CIF" neftinin ən aşağı qiyməti 2020-ci ilin aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

ŞƏRH YAZ
0

Deputat: “Şəffaflıq qeyri-neft sektoru üzrə daxilolmaların artmasına səbəb olur”

Deputat: “Şəffaflıq qeyri-neft sektoru üzrə daxilolmaların artmasına səbəb olur”
14:17
21.05.2020
1409
İqtisadiyyat
A
“2020-ci ilin əvvəllərindən başlayaraq davamlı islahatlar yolunda qətiyyətli iradəsini ortaya qoyan Azərbaycan hökuməti iqtisadi inkişaf hədəflərinə uyğun siyasəti davam etdirməkdədir. Cari ilin ilk rübündə iqtisadi artmın əldə olunması ümidverici inkişafa dərin zəmin yaratsa da, bütün dünya ölkələrinə sarcısıdıcı zərbə vuran qlobal təhdid – koronavirus pandemiyası Azərbaycanın da iqtisadi planlarına ciddi təsirlərini göstərsə də, dövlət başçısının müdrik və uzaqgörən qərarları sayəsində qlobal müharibə ilə mübarizədə bütün iqtisadi və sosial resurslarını səfərbər edən hökumət komandası tərəfindən mükəmməl antiböhran proqramı hazırlanması və icra edilməsi dayanıqlı inkişafın qorunub saxlanmasına səbəb olub”.

Bunu “Ölkə.Az”a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Aydın Hüseynov deyib.

 Onun sözlərinə görə, respublikamız 2020-ci ilin ötən 4 ayında iqtisadi artım əldə edib və bütün iqtisadi-sosial hədəfləri müəyyən edilmiş strateji plana uyğun olaraq yerinə yetirməkdədir.  “Bu gün həyata keçirilən məqsədyönlü siyasət iqtisadi artıma və sahibkarlığa dəstək, məşğulluq və sosial rifaha dəstək, makroiqtisadi və maliyyə sabitliyi istiqamətlərində uğurlarımızı təmin etməkdədir. Azərbaycan hökumətinin mövcud inkişaf yolunu müəyyən edən bu proqramlar həm böhrandan çıxış üçün, həm də böhrandan sonrakı iqtisadiyyatın yeni yol xəritəsidir. Makroiqtisadi tarazlığın qorunması, biznesin iqtisadi fəallıq gücünə stimulların verilməsi, iqtisadiyyatın və sahibkarların güzəştli şərtlərlə kredit resurslarına çıxış imkanlarının genişləndirilməsi, dövlətin kredit-zəmanət dəstəyi, vergi ödəyicilərinə bank kreditləri üzrə dəstək tədbirləri və uzunmüddətli vergi tətilləri vaxtında verilmiş qərarlar olmaqla, mümkün mənfi təsir ssenarilərdən uzaqlaşmağa və sağlam, dayanıqlı və rəqabətqabiliyyətli iqtisadiyyatın formalaşmasına imkan verməkdədir”- deputat vurğulayıb.

Aydın Hüseynov qeyd edib ki, ölkəmizin iqtisadi inkişafında aparılan qətiyyətli islahatlar mühüm əhəmiyyət kəsb edir. “ Son dövrlərdə “kölgə iqtisadiyyatı”nın qarşısının alınması, ikili mühasibatlıqla və qeyri-rəsmi məşğulluqla mübarizə tədbirlərinin səmərəliliyi ilə seçilir və görülən tədbirlər müsbət nəticələr verib. Vergi və gömrük orqanları ötən dövlət büdcəsinə 1 milyard manatdan artıq, cari ilin ilk 3 ayında isə 300 milyon manatdan artıq əlavə vəsait ödəyibdir, həmin vəsaitin əsas mənbəyi isə “kölgə iqtisadiyyatı”nın təsirlərinin azaldılması və şəffaflığın təmin edilməsi nəticəsində əlavə yığımlardır. Ötən illərdə düzgün uçot aparmayan, işçilərlə əmək müqaviləsi bağlamayan yüzlərlə müəssisə hər ay milyonlarla manat vəsaiti vergi və sosial müdafiə orqanlarından gizlədirdi. Eləcə də gömrükdə uçotun pərakəndəliyi xeyli vəsaitin müxtəlif şəxslərin cibinə getməsinə səbəb olurdu. Həmin hallara qarşı aparılan mübarizənin ilkin mərhələsində hökumət kifayət qədər istədiyi hədəfə nail oldu. Məsələn, 2019-cu ildə aparılan inzibati tədbirlər nəticəsində ölkədə əlavə olaraq 153 min əmək müqaviləsi bağlandı. Onun 99 mini, yəni, böyük hissəsi məhz özəl sektorun payına düşür. Bu isə əmək bazarında əməkhaqqı fondunun artmasına güclü təsir göstərib, ötən il  əməkhaqqı fondu 42,3 faiz artıb. Bu isə büdcəyə həm vergi, həm də soisaa müdafiə haqlarının həcminin artmasına səbəb olub. Eyni zamanda, əmək müqavilələrinin sayı 2019-cu ildə 153 mindən çox artıb. 2020-ci ilin ilk rübündə büdcəyə qeyri-neft sektoru üzrə daxilolmalar 21,3 faiz artaraq 1,4 milyard manatdan çox olub. Bütün bunlar məhz qeyd etdiyimiz sahələrdə aparılan islahatların nəticəsində mümkün olur”.

 Mürtəza
Ölkə.Az

ŞƏRH YAZ
0
BAĞLA