Milli Məclis 25 qanuna dəyişiklik layihəsini təsdiqlədi

Milli Məclis 25 qanuna dəyişiklik layihəsini təsdiqlədi
17:38
15.12.2017
442
Siyasət
A
Milli Məclisin bu gün keçirilən plenar iclasında 25 qanuna dəyişiklik layihəsi bir paketdə müzakirəyə çıxarılıb.

"Ölkə.Az" “Report”- a istinadən xəbər verir ki, dəyişikliklər layihəsi barədə parlamentin Hüquqs siyasəti və dövlət quruculuğu komitəsinin üzvü Əli Hüseynli məlumat verib.

O bildirib ki, bunlar “Rəsmi statistika haqqında", "Həmkarlar ittifaqları haqqında", "Azərbaycan Respublikası Silahlı Qüvvələrinin İntizam nizamnaməsi", "Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi", "Azərbaycan Respublikası Silahlı Qüvvələrinin daxili xidmət nizamnaməsi", "Meliorasiya və irriqasiya haqqında", "Toxumçuluq haqqında", "Məhkəmələr və hakimlər haqqında", "Yol hərəkəti haqqında", "İstehsalat və məişət tullantıları haqqında", "Təhqiqat, ibtidai istintaq, prokurorluq və məhkəmə orqanlarının qanunsuz hərəkətləri nəticəsində fiziki şəxslərə vurulmuş ziyanın ödənilməsi haqqında", "Heyvanlar aləmi haqqında", "Polis haqqında", "Prokurorluq haqqında", "Dövlət məhkəmə ekspertizasi fəaliyyəti haqqında", "Vəkillər və vəkillik fəaliyyəti haqqında", "Kütləvi informasiya vasitələri haqqında", "Taxıl haqqında", "İcra haqqında", "Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamə", "Televiziya və radio yayımı haqqında", "Lotereyalar haqqında", "Uşaqların icbari dispanserizasiyası haqqında", "Torpaqların münbitliyi haqqında", "Avtomobil yolları haqqında", "Bələdiyyələrin maliyyəsinin əsasları haqqında", "Avtomobil nəqliyyatı haqqında" qanuna dəyişiklik layihələridir.

Komitə sədri deyib ki, həmin qanunlar İnzibati Xətalar Məcəlləsinə uyğunlaşdırılır.

Dəyişiklik layihələri səsverməyə çıxarılaraq qəbul edilib.

ŞƏRH YAZ
0

Bakıda hərbi attaşelərlə görüş keçirildi

Bakıda hərbi attaşelərlə görüş keçirildi
18:08
Bu gün
78
Siyasət
A
Fövqəladə Hallar Nazirliyinin Böhran Vəziyyətlərində İdarəetmə Mərkəzində aprelin 20-də Azərbaycanda akkreditə olunmuş xarici ölkə səfirliklərinin hərbi attaşeləri ilə görüş keçirilib.

FHN-dən "Ölkə.Az"a verilən məlumata görə, görüşdə ABŞ, Rusiya, Çin, Türkiyə, Böyük Britaniya, İtaliya, İran, Belarus, Bolqarıstan, Çexiya, Qazaxıstan, Ukrayna, Macarıstan səfirliklərinin hərbi attaşeləri iştirak ediblər.

Fövqəladə hallar nazirinin müavini, tibb xidməti general-leytenantı Faiq Tağızadə Nazirliyin fəaliyyət istiqamətləri, iş prinsipləri, strukturu və qurumları, ölkəmizdə fövqəladə halların qarşısının alınması və nəticələrinin aradan qaldırılması ilə bağlı gördüyü işlər barədə ətraflı məlumat verib. FHN-in beynəlxalq təşkilatlar və xarici ölkələrin müvafiq qurumları ilə yüksək səviyyəli əməkdaşlıq etdiyini vurğulayan F. Tağızadə təbii fəlakətlərlə üzləşmiş bir çox dövlətlərə, o cümlədən Rusiya, Türkiyə və İsrailə prezident İlham Əliyevin göstərişi ilə fövqəladə halların qarşısının alınması və nəticələrinin aradan qaldırılması istiqamətində hərtərəfli köməklik göstərildiyini, bəzi ölkələrə isə humanitar yardımlar çatdırıldığını bildirib.

Sonra qonaqlar 3 noyabr 2017-ci il tarixində Azərbaycan FHN-in təşkilatçılığı və Xəzəryanı dövlətlərin müvafiq qurumlarının iştirakı ilə keçirilmiş “Xəzər-2017” beynəlxalq təlimindən bəhs edən videoçarxı izləyiblər.

Görüşdə FHN-in Böhran Vəziyyətlərində İdarəetmə Mərkəzinin rəis müavini, kapitan Əsmər Salamova Mərkəzin fəaliyyətinə dair təqdimatla çıxış edib.

Toplantıda FHN Böhran Vəziyyətlərində İdarəetmə Mərkəzinin rəisi, polkovnik Adil Abdullayev qonaqlara Mərkəzin fəaliyyəti barədə ətraflı məlumat verib.

FHN Beynəlxalq əlaqələr idarəsinin rəisi, polkovnik Ərgüc Kələntərli hərbi attaşelərə təşəkkürünü bildirib, müvafiq əməkdaşlığın gələcəkdə də davam etdiriləcəyinə əmin olduğunu söyləyib.

Tədbirdə attaşelərin sualları cavablandırılıb, qarşılıqlı fikir mübadiləsi aparılıb.

Görüşün sonunda Azərbaycanda akkreditə olunmuş xarici dövlətlərin hərbi attaşelərinin Bakı şəhərindəki Assosiasiyası adından FHN-ə xatirə hədiyyəsi təqdim edilib.

ŞƏRH YAZ
0

Prezidentə təbriklər gəlməkdə davam edir — YENİLƏNİB

Prezidentə təbriklər gəlməkdə davam edir
17:41
Bu gün
979
Siyasət
A
Səudiyyə Ərəbistanı Kralı Salman bin Əbdüləziz Al Səud Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir: 

Azərbaycan Respublikasının Prezidenti Zati-aliləri cənab İlham Əliyevə

Zati-aliləri, qardaşım İlham Heydər oğlu Əliyev.

Zati-alinizin yenidən Prezident seçilməyi münasibətilə Səudiyyə Ərəbistanı Krallığının xalqı və hökuməti adından, şəxsən öz adımdan Sizə ən gözəl təbriklərimi çatdırıram.

Cənab Prezident, Sizə möhkəm cansağlığı və xoşbəxtlik, qardaş Azərbaycan Respublikasının xalqına isə daha yüksək inkişaf və firavanlıq arzu edirəm.

Bu xoş fürsətdən istifadə edərək bildirirəm ki, qardaş ölkələrimizi və xalqlarımızı bir-birinə sıx bağlayan əlaqələri yüksək dəyərləndirir və onu bütün sahələrdə gücləndirmək və inkişaf etdirməyə çalışırıq.

Zati-alinizə hörmət və ehtiramla, Qardaşınız,

Salman bin Əbdüləziz Al Səud

İki Müqəddəs Ocağın Xadimi,

Səudiyyə Ərəbistanı Kralı

Bundan başqa, İslam Əməkdaşlıq Təşkilatının baş katibi Yusif bin Əhməd əl-Useymin də Azərbaycan Respublikasının Prezidenti İlham Əliyevə təbrik məktubu ünvanlayıb. 

Təbrik mətnində deyilir: 

"Zati aliləri.

Yenidən Azərbaycan Respublikasının Prezidenti seçilməyiniz münasibətilə Sizə İslam Əməkdaşlıq Təşkilatı adından ən səmimi təbriklərimi çatdırmaqdan böyük şərəf hissi duyuram.

Cənab Prezident, seçicilərin mütləq əksəriyyətinin Zati-alinizə səs verməsi onların Sizin rəhbərliyinizə və Azərbaycanın gələcəyi ilə bağlı siyasətinizə bəslədiyi etimadın təcəssümüdür. Əminəm ki, Siz müdrikliyiniz və zəngin təcrübəniz sayəsində ali dövləti fəaliyyətinizi Azərbaycan xalqının əmin-amanlığı, birliyi və tərəqqisi naminə bundan sonra da uğurla davam etdirəcəksiniz.

Zati-aliləri, bu xoş fürsətdən istifadə edərək, bir daha bildirirəm ki, İslam Əməkdaşlıq Təşkilatı Azərbaycan Respublikası ilə münasibətlərini yüksək qiymətləndirir. Biz Azərbaycan ilə ikitərəfli əməkdaşlığımızı bundan sonra da möhkəmləndirmək istiqamətində səylərimizi əsirgəməyəcəyik.

Cənab Prezident, xahiş edirəm, ən yüksək ehtiramımı qəbul edəsiniz".

***

Gürcüstanın Azərbaycanlı Qadınlar İttifaqının sədri Leyla Süleymanova Azərbaycan Respublikasının Prezidenti İlham Əliyevə təbrik məktubu ünvanlayıb. 

Təbrik mətnində deyilir: 

Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident İlham Əliyev.

Sizi yenidən Azərbaycan Respublikasının Prezidenti seçilməyiniz münasibətilə səmimi qəlbdən təbrik edir, ali dövləti vəzifənizdə Sizə yeni-yeni uğurlar arzulayıram.

Dərin hörmətlə,

Leyla Süleymanova

Gürcüstanın Azərbaycanlı Qadınlar İttifaqının sədri,

Tbilisi şəhəri

***

Braziliya Milli Konqresinin Deputatlar Palatasında Braziliya-Azərbaycan parlamentlərarası dostluq qrupunun sədri, federal deputat Klaudio Kajado Azərbaycan Respublikasının Prezidenti İlham Əliyevə təbrik məktubu ünvanlayıb. 

Təbrik mətnində deyilir: 

Azərbaycan Respublikasının Prezidenti Zati-aliləri cənab İlham Əliyevə

Zati-aliləri.

Braziliya Milli Konqresinin Deputatlar Palatasında Braziliya-Azərbaycan parlamentlərarası dostluq qrupunun sədri olaraq demokratik və azad seçki şəraitində yenidən Prezident seçilməyiniz münasibətilə Sizi ürəkdən təbrik edirəm. Azərbaycan Respublikasına və xalqına dərin hörmətimi və heyranlığımı bildirirəm.

Zati-aliləri, yeni Prezidentlik dönəmində Sizə müvəffəqiyyətlər və nailiyyətlər arzulayıram. Əminəm ki, bu dövr Azərbaycan üçün daha da uğurlu olacaqdır.

Azərbaycanın mühüm beynəlxalq aktor olduğunu bir daha təsdiqləyərək bildirirəm ki, Braziliya-Azərbaycan parlamentlərarası dostluq qrupunun sədri kimi mən Sizin və Azərbaycan hökumətinin ölkələrimiz arasında dostluq əlaqələrinin möhkəmləndirilməsinə yönəlmiş səylərinizi hər zaman dəstəkləməyə hazıram.

Ən xoş arzularla,

Klaudio Kajado

Braziliya Milli Konqresinin Deputatlar Palatasında

Braziliya-Azərbaycan parlamentlərarası dostluq qrupunun sədri,

federal deputat

***

Qırğızıstan Xalqları Assambleyası nəzdində inquş diasporunun sədri Əlixan Xamxoyev Azərbaycan Respublikasının Prezidenti İlham Əliyevə təbrik məktubu ünvanlayıb. 

Təbrik mətnində deyilir: 

Azərbaycan Respublikasının Prezidenti Zati-aliləri cənab İlham Əliyevə

Zati-aliləri hörmətli cənab Prezident.

Azərbaycan Respublikasının Prezidenti seçkilərində inamlı qələbəniz münasibətilə Sizi Qırğız Respublikasındakı inquş diasporu adından səmimi qəlbdən təbrik edirəm.

Sizin qələbəniz şəxsən Zati-alinizə və dövlətin fəaliyyətinin bütün sahələrinin hərtərəfli inkişafı və möhkəmlənməsi, beynəlxalq aləmdə Azərbaycanın mövqeyinin güclənməsi, regional və qlobal təhlükəsizliyin təmin edilməsi üçün həyata keçirdiyiniz siyasi xəttə ümumxalq etimadının parlaq təsdiqidir.

Əminəm ki, Qırğızıstanla Azərbaycan arasında əməkdaşlıq ölkələrimizin rifahı naminə tərəfdaşlıq ruhunda davam etdiriləcək. Yürütdüyünüz daxili və xarici siyasət əminlik yaradır ki, Sizə xas olan müdriklik və qətiyyət Azərbaycan xalqının rifahını daha da yaxşılaşdıracaq və onun başqa xalqlarla daim mehriban münasibətlərinin möhkəmlənməsinə kömək edəcək.

Sizə möhkəm cansağlığı, ali dövləti vəzifənizdə müvəffəqiyyət, dost Azərbaycan xalqına isə sülh və firavanlıq diləyirəm.

Hörmətlə,

Əlixan Xamxoyev

Qırğızıstan Xalqları Assambleyası

nəzdində inquş diasporunun sədri

***

Gürcüstanın “Georgian Industrial Group” Şirkəti Direktorlar Şurasının sədri David Bejuaşvilidən  “Georgian Industrial Group” Şirkəti Direktorlar Şurasının üzvü Gela Bejuaşvili 

Azərbaycan Respublikasının Prezidenti İlham Əliyevə təbrik məktubu ünvanlayıb. 

Təbrik mətnində deyilir: 

Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident.

İcazə verin, yenidən Azərbaycan Respublikasının Prezidenti seçilməyiniz münasibətilə Sizi, ailənizi və Azərbaycan xalqını səmimi qəlbdən təbrik edək.

Son onilliklər ərzində Azərbaycan dinamik, dayanıqlı, davamlı inkişaf edib və möhkəmlənib. Əhalinin rifahı yaxşılaşıb, dövlət hakimiyyəti və idarəetmə sistemi möhkəmlənib, təhsil və səhiyyənin səviyyəsi yüksəlib. Dövlətin siyasi, ictimai, iqtisadi həyatının digər sahələrində böyük irəliləyişə nail olunub.

Qonşu və dost Azərbaycanın uğurlarını biz sevinc və iftixar hissi ilə izləyir, şəxsən Sizə və bütün dost Azərbaycan xalqına yeni-yeni uğurlar, firavanlıq və əmin-amanlıq arzulayırıq. Ölkənizin möhkəmlənməsində, müasir, güclü və nüfuzlu dövlətə çevrilməsində ümummilli lider Heydər Əliyevin tarixi xidmətlərini yüksək dəyərləndirir və unutmuruq. Qafqaz regionunun inkişafına və ölkələrimizin dünya xəritəsində geosiyasi mövqe tutmasına Sizin ulu öndər Heydər Əliyevin verdiyi töhfələri minnətdarlıq və ehtiramla xatırlayırıq.

Hörmətli İlham Heydər oğlu, çox sağ olun ki, Siz öz xalqının və Vətəninin sədaqətli oğlu olan atanızın tarixi irsini ləyaqət və iftixarla davam və inkişaf etdirirsiniz.

Arzu edirik ki, Azərbaycan layiq olduğu sülhə, tərəqqiyə və dövlətin ərazi bütövlüyünün bərpasına nail olsun. Gürcüstanla Azərbaycan arasında dostluq əlaqələrinin möhkəmlənməsinə bacardığımız qədər töhfə verməyə, ölkələrimizin iqtisadi potensialını möhkəmləndirməyə, Azərbaycanın getdikcə inkişaf edən iqtisadiyyatına investisiyalar cəlb etməyə və özümüz investisiya qoymağa hər zaman hazır olduğumuzu bildiririk.

Biz Azərbaycanı daha qüdrətli, vahid və firavan görmək istəyirik. Əminik ki, Sizin rəhbərliyinizlə Azərbaycan yeni-yeni uğurlar qazanacaq və gələcəyə inamla addımlayan geniş real imkanları olan ölkə kimi qalacaq.

Ən xoş arzularla və dərin hörmətlə,

David Bejuaşvili

Gürcüstanın “Georgian Industrial Group” Şirkəti Direktorlar Şurasının sədri

Gela Bejuaşvili

“Georgian Industrial Group” Şirkəti Direktorlar Şurasının üzvü

ŞƏRH YAZ
0
BAĞLA