Milli Məclisdə vərəmlə mübarizə məsələsi müzakirə olunur

Milli Məclisdə vərəmlə mübarizə məsələsi  müzakirə olunur
15:44
14.03.2019
611
Ölkə
A
Bu gün Milli Məclisin Səhiyyə Komitəsi növbəti iclasını keçirib.

“Ölkə.Az” xəbər verir ki, Milli Məclisin Səhiyyə komitəsində dünyada vərəmlə mübarizə gününə həsr olunmuş “Azərbaycanda vərəm mübarizə” adlı məsələ müzakirə olunub.

 Məsələ ilə bağlı çıxış edən parlamentin səhiyyə komitəsinin sədri Əhliman Əmiraslanov  deyib ki, son illərdə dünyada və Azərbaycanda vərəmlə mübarizə istiqamətində xeyli işlər görülüb:

“Azərbaycanda vərəmlə mübarizə tibbi müəssisələrinin  avadanlıqlarının yenilənməsi, kadr potensialının yenilənməsi və dərman vasitələri ilə bağlı xeyli iş görülüb. Lakin vərəm hələ də dünyada bir problem olaraq qalmaqdadır. Bu gün dünyada  20 milyon insan vərəm daşıyıcısıdır. Hər il 10 milyon insan vərəmə yoluxur, 6-7 milyon insan isə bu xəstəlikdən dünyasını dəyişir. Ona görə də bu istiqamətdə uğurların əldə edilməsinə baxmayaraq,   fəaliyyətimizi daha da gücləndirməliyik”.

Ə.Əmiraslanov əlavə edib ki, Azərbaycan prezidenti də bu problemə ciddi diqqət yetirir və dövlət proqramlar qəbul edib.

 “Vərəm və diabet xəstələrinin daha yaxşı müalicəsi məqsədi ilə büdcədən ayrılan vəsaiti 15 milyon manat artırıb”,- Ə.Əmiraslanov deyib.

Ümumdünya Səhiyyə Təşkilatı (ÜST) Azərbaycana vərəmlə mübarizə üzrə qanunvericiliyin təkmilləşdirilməsi üçün bütün yardımları göstərməyə hazırdır. 
Bunu Ümumdünya Səhiyyə Təşkilatının Azərbaycan ofisinin rəhbəri Hande Harmancı Milli Məclisdə “Azərbaycanda vərəmlə mübarizə” mövzusunda keçirilən dinləmələrlə iclasında çıxış edərkən deyib. H.Harmancı qeyd edib ki, Azərbaycanda “Vərəmlə mübarizə haqqında” qanun 2001-ci ildə qəbul edilib. Bu qanuna yenidən baxılma vacibdir: “Bu gün bəzi ölkələrdə “vərəm damğası” problemi var. Vərəmli insanlara qız, iş verilmir, vərəm damğasına qarşı mübarizə aparmaq lazımdır. Azərbaycanda vərəmlə mübarizə sahəsində çox ciddi işlər aparılır. Amma yenə də görülməli işlər var”.

Mürtəza
Ölkə.Az

ŞƏRH YAZ
0

“Nar” şəbəkəsi Avropa Liqasının final oyununa hazırdır

“Nar” şəbəkəsi Avropa Liqasının final oyununa hazırdır
12:54
Bu gün
442
Ölkə
A

Mayın 29-da Arsenal-Çelsi arasında baş tutacaq final oyunu ilə əlaqədar “Nar”, yerli və əcnəbi azarkeşlərin mobil şəbəkə üzərindən rabitə xidmətlərinə olan tələbatını qarşılamağa tam hazırdır. Bununla əlaqədar olaraq, oyunun keçiriləcəyi Bakı Olimpiya Stadionu və azarkeşlər üçün müxtəlif növ tədbirlərin təşkil olunacağı ərazilərdə mobl rabitə şəbəkəsində təkmilləşdirmə işləri artıq yekunlaşıb. 

“Nar”, Bakı Olimpiya Stadionu və ətraf ərazilər, “FAN” zona və ”FAN Festival” ərazilərində mobil şəbəkə tutumunu optimallaşdırıb. Xüsusilə,  stadion ərazisində izləyicilər 286 Mbps sürətlə malik 4G (LTE-A) texnologiyasının üstünlüklərindən faydalana biləcəklər. Paytaxtımıza gələcək qonaqların və yerli azarkeşlərin mobil şəbəkəyə olan ehtiyaclarını nəzərə alaraq,  fanatlar üçün təyin olunmuş ərazilərdə  2 mobil baza stansiyası təyin olunub. Qeyd edək ki, respublika ərazisində mobil şəbəkənin 24/7 təhlili “Nar” ”Əməliyyat Mərkəzi” və “Çağrı Mərkəzi” əməkdaşları tərəfindən  daim nəzarətdə saxlanılır.

UEFA Avropa Liqasının final oyunu ilə əlaqədar xaricdən gələn azarkeşlərin nömrəyə olan tələbatını ödəmək məqsədilə, mobil operatorun satış komandası da gücləndirilmiş iş rejiminə keçib. “Nar”-ın bütün satış mərkəzlərində, eyni zamanda H.Əliyev adına Beynəlxalq Hava Limanındakı səyyar satış məntəqəsində də “Nar” nömrə almaq mümkün olacaq. Ölkəmizə gələn xarici turistlər “Nar”-ın  sərfəli “Xoş gəlmisiniz” tarifindən istifadə edə bilərlər.  

 “Nar” şəbəkəsi haqqında ətraflı məlumatı nar.az internet səhifəsindən öyrənmək olar.     

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. Nar” şəbəkəsi hazırda ölkə ərazisinin 97%-ni (işğal olunmuş ərazilər istisna olmaqla) əhatə edir və 7500-dən artıq baza stansiyası ilə 2,2 milyondan çox abunəçiyə yüksəkkeyfiyyətli xidmət göstərir.

Ölkə.Az

ŞƏRH YAZ
0

İki gündə 40 cinayətin üstü “isti izlər”lə açıldı

İki gündə 40 cinayətin üstü “isti izlər”lə açıldı
12:45
Bu gün
325
Ölkə
A
Həftəsonu (25-26 may) daxili işlər orqanlarında qeydə alınmış cinayət və hadisələr haqqında statistik məlumatlar açıqlanıb.

DİN-in Mətbuat Xidmətindən "Ölkə.Az"a verilən məlumata görə, respublikanın daxili işlər orqanları tərəfindən 2 gün ərzində törədilən 40 cinayətin üstü “isti izlər”lə açılıb. Əvvəlki dövrlərdən bağlı qalmış 16 cinayətin açılması təmin olunub. 

Axtarışda olduğuna görə ümumilikdə 25 nəfər, o cümlədən borclu şəxs qismində axtarışda olan 13 nəfər saxlanılaraq aidiyyəti üzrə təhvil verilib. 

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 26 fakt müəyyən edilib. Cinayət törətməkdə şübhəli bilinən 46 nəfər saxlanılıb. 

Ölkə.Az

ŞƏRH YAZ
0
BAĞLA