Milli Məclisin iclasının vaxtı dəyişdirildi
Bu barədə “Ölkə.Az”a Milli Məclisdən məlumat verilib.
Bildirilib ki, Milli Məclisin plenar iclası noyabrın 26-na təyin olunsa da, sonra da iclasın vaxtı dəyişdirilərək Bazar ertəsinə - noyabrın 25-nə təyin edilib.
Növbəti plenar iclasında 2020-ci il büdcə zərfinə və ölkə başçısının məhkəmə hüquq sistemində islahatlarla bağlı qanunlar paketini ikinci oxunuşda müzakirə edəcəklər.
Beləliklə deputatlar "2020-ci il dövlət büdcəsi haqqında”, "2020-ci il üçün yaşayış minimumu haqqında”, "2020-ci il üçün ehtiyac meyarının həddi haqqında”, "Dövlət Sosial Müdafiə Fondunun 2020-ci il büdcəsi haqqında”, “Azərbaycan Respublikası Milli Məclisinin 2020-ci il üçün xərclər smetası haqqında”, “Hesablama Palatasının 2020-ci il üçün xərclər smetası haqqında”, “İşsizlikdən sığorta fondunun 2020-ci il üçün dövlət büdcəsi haqqında” , “Dövlət məhkəmə ekspertizası fəaliyyəti haqqında”, “Məhkəmələr və hakimlər haqqında”, “İnzibati icraat haqqında”, “Məhkəmə-Hüquq Şurası haqqında”, “Lisenziyalar və icazələr haqqında”, “Vəkillər və vəkillik fəaliyyəti haqqında”, “Ədliyyə orqanlarında qulluq keçmə haqqında” qanunlara, Mülki Prosessual, Cinayət-Prosessual, İnzibati Prosessual, İnzibati Xətalar və s qanunlara dəyişiklik layihələri ikinci oxunuşda müzakirəyə çıxarılacaq.
Mürtəza
Ölkə.Az
