Milli Məclisin plenar iclası başlayıb

Milli Məclisin plenar iclası başlayıb
12:16
14.04.2017
54
Siyasət
A
Azərbaycan Milli Məclisinin növbəti plenar iclası başlayıb.

"Report"un xəbərinə görə, spiker Oqtay Əsədovun sədrliyi ilə keçirilən iclasın gündəliyinə 39 məsələ daxildir.

İclasda Hesablama Palatasının 2016-cı il üzrə hesabatı, İctimai Televiziya və Radio Yayımları Şirkəti Yayım Şurasının tərkibində dəyişiklik edilməsi, Şəhərsalma və Tikinti Məcəlləsinə, İnzibati Xətalar Məcəlləsinə, eləcə də "Məktəbəqədər təhsil haqqında", "Hüquqi şəxslərin dövlət qeydiyyatı və dövlət reyesteri haqqında", "Azərbaycan Respublikasının Korrupsiyaya qarşı mübarizə üzrə Komissiyası haqqında", "Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında" qanunlarına dəyişiklik layihələri müzakirə olunacaq.

Bunlardan başqa, gündəliyə "Qiymətli kağızlar bazarı haqqında", "Ətraf mühitin mühafizəsi haqqında", "Geodeziya və kartoqrafiya haqqında", Enerji resuralarından istifadə haqqında", "İstehsalat və məişət tullantıları haqqında", "Qaz təchizatı haqqında", "Xidməti və mülki silah haqqında", "Yanğın təhlükəsizliyi haqqında", "Dərman vəsaitləri haqqında", "Fitosanitar nəzarəti haqqında", "Ekoloji təmiz kənd təsərrüfatı haqqında", "Çayçılıq haqqında", "Üzümçülük haqqında", "Taxıl haqqında", "Yeyinti məhsulları haqqında", "Toxumçuluq haqqında", "Telekommunikasiya haqqında", "Avtomobil yolları haqqında", "Texniki təhlükəsizlik haqqında", "İstehlakçıların hüquqlarının müdafiəsi haqqında", "Standartlaşdırma haqqında", "Qiymətli metallar və qiymətli daşlar haqqında", "Ölçmələrin vəhdətinin təmin edilməsi haqqında", "Dövlət rüsumu haqqında", "Reklam haqqında", "Turizm haqqında" və s. qanunlara əlavə və dəyişikliklər layihələri daxildir.

Ölkə.Az

ŞƏRH YAZ
0

Ərdoğan 20 Yanvar şəhidlərini yad etdi

Ərdoğan 20 Yanvar şəhidlərini yad etdi
01:02
Bu gün
14122
Siyasət
A
Türkiyə prezidenti Rəcəb Tayyib Ərdoğan azərbaycanlıların Ümumxalq Hüzn Günü ilə bağlı paylaşım edib.

“Ölkə.Az” xəbər verir ki, dövlət başçısı “Twitter”də 20 Yanvar həştəqi ilə etdiyi paylaşımda 20 Yanvar şəhidlərini yad edib:

“28 il öncə Azərbaycanın müstəqilliyi uğrunda canlarını fəda edən 20 Yanvar şəhidlərini rəhmətlə yad edirəm. Azərbaycanlı qardaşlarımızın kədərini bölüşürük. Türkiyə olaraq hər zaman Azərbaycanın yanında olacağıq”.

Ölkə.Az

 

ŞƏRH YAZ
0

Facebook-da təhqir edən necə cəzalandırılmalıdır... — Deputatdan AÇIQLAMA

Facebook-da təhqir edən necə cəzalandırılmalıdır...
16:40
20.01.2018
16623
Siyasət
A
“Təhqir və böhtanlarla bağlı qanunvericilikdə bir dəyişiklik etmişik. Lakin bu, ancaq rəsmi saytlara, informasiya mənbələrinə, agentliklərə aiddir”.

"Ölkə.Az" xəbər verir ki, bunu  Milli Məclisin Hüquq siyasəti və dövlət quruculuğu komitəsinin üzvü Tahir Kərimli  Modern.az-a açıqlamasında  deyib. O bildirib ki, bəzən bu məsələ səhv başa düşülür:

“Bu qanun  sosial mühitin bütün parametrlərinə aid deyil. Tutaq ki, “Facebook” yazışmalarını əhatə etmir. Yəni əgər rəsmi saytda böhtan və təhqirə yol verilibsə, prokurorluq hər hansı məlumat əsasında  cinayət işi başlada bilər. Kiminsə  xüsusi ittiham qaydasında məhkəməyə müraciəti də mümkündür. Ancaq sosial şəbəkələrdə belə hallar yoxdur. Yalnız ümumi qaydada təhqir olunan, böhtan atılan zərər çəkmiş şəxs rəsmi müraciət etməli  və onun  müraciəti araşdırılmalıdır. Bu qanun rəsmi informasiya mənbələrinə, elektron vasitələrinə aiddir. İnsanın şərəf və ləyaqəti təhqir olunur, alçaldılır, yaxud etmədiyi, etdiyi hərəkət barədə böhtan məlumat yayılırsa, ailəsi haqqında , işi haqqında şəxsiyyəti təhqir olunursa, təbii ki, o vətəndaşın müraciəti araşdırılmalıdır”.

Deputat qeyd edib ki, bu gün sosial şəbəkələrlə bağlı məsələ ciddi əhəmiyyət daşıyır:

“Demək olar ki, bütün dünyada sosial şəbəkələrdəki yazışmaları oxumaq olmaz, bu dövlətin də borcu deyil. Əlbəttə sosial şəbəkələrdə hər hansı təhqir və böhtanın  qabağını  almaq üçün hətta qərb ölkələrində belə müəyyən qanunlar qəbul olunur. İnternetin məhdudlaşdırılması, ona nəzarətin tətbiqi, böhtan və təhqirlərin qarşısının alınması ilə bağlı demokratik  dövlətlərdə belə aktuallaşıb. Bu çox ciddi məsələdir. Lakin  dediyim kimi, rəsmi informasiya mənbəyi olduğu halda dövlət orqanları mütləq reaksiya verməlidir. Fərqi yoxdur, müraciət etdilər ya etmədilər”.

ŞƏRH YAZ
1
BAĞLA