Milli Qəhrəman Albert Aqarunovun xatirəsinə həsr olunan beynəlxalq yarış keçiriləcək

Milli Qəhrəman Albert Aqarunovun xatirəsinə həsr olunan beynəlxalq yarış keçiriləcək
21:07
08.05.2018
985
İdman
A
Mayın 22-də Azərbaycanın Milli Qəhrəmanı Albert Aqarunovun xatirəsinə həsr olunan Qaradəniz və Xəzəryanı ölkələrin karateçiləri arasında çempionat keçiriləcək.

"Ölkə.Az" “Report”a istinadən xəbər verir ki, "Sərhədçi" Olimpiya İdman Mərkəzində üç gün davam edəcək yarışda 10-dək ölkənin idmançılarının iştirakı gözlənilir.

Xatirə turniri üç gün ərzində müxtəlif çəkilərdə 6 yaşlı uşaqlardan veteran idmançılaradək çıxışları əhatə edəcək.

Mayın 8-də - Aqarunovun şəhid olduğu gün döyüş yoldaşları Şəhidlər xiyabanında Milli Qəhrəmanın məzarını ziyarət edib, xatirələrini bölüşüblər. Xatirə yarışının həmtəşkilatçısı Azərbaycan Milli Karate Federasiyasını (AMKF) tədbirdə Media və ictimaiyyətlə işlər katibi Sənan Məhərrəmov və "Arpaçay" karate klubunun prezidenti Yavər Hüseynov təmsil edib.

Mərasim üçün İsraildən təşrif buyuran şəhidin qardaşı Rantik Aqarunov və yəhudi icmasının nümayəndələri, həmçinin Aqarunovun döyüş yoldaşları, onun xatirəsini yad etmək məqsədilə təşkil olunan turnirə görə Gənclər və İdman Nazirliyinə, eləcə də AMKF-ə minnətdarlıq ediblər.

Ölkə.Az

ŞƏRH YAZ
0

Rüstəm Orucov dünya çempionatına qələbə ilə başladı

Rüstəm Orucov dünya çempionatına qələbə ilə başladı
11:36
Bu gün
49
İdman
A
Azərbaycanın qadın cüdoçusu İçinxorlu Munxtsedev Bakıda davam edən dünya çempionatında mübarizəni erkən dayandırıb.

"Ölkə.Az"ın məlumatına görə, 57 kq çəki dərəcəsindəki idmançı 1/32 finala təsadüf edən ilk görüşündəcə almaniyalı Amelie Stolla ipponla uduzub.

Kişilər arasında 73 kq çəki dərəcəsində yer alan azərbaycanlı Avropa çempionı Rüstəm Orucov isə dünya çempionatına qələbə ilə başlayıb.

73 kq çəki dərəcəsində yer alan 27 yaşlı idmançı ilk görüşündə misirli Məhəmməd Mohyeldinə qalib gəlib. O, 1/2final görüşündə 1 dəqiqə 22 saniyəyə ipponla qələbə qazanıb. Avropa çempionunun 1/16 finalda rəqibi Viktor Mrovçinski (Polşa) - Viktor Skvortsov (BƏƏ) cütünün qalibi olacaq. 

Bu çəkidəki azərbaycanlı digər cüdoçu Hidayət Heydərov isə 1/32 finalda iraqlı Sajjad Sehenlə üz-üzə gələcək. 

ŞƏRH YAZ
0

Daha 3 cüdoçumuz mübarizəyə qoşulacaq

Daha 3 cüdoçumuz mübarizəyə qoşulacaq
10:41
Bu gün
95
İdman
A
Bu gün Azərbaycanın daha 3 cüdoçusu dünya çempionatında mübarizəyə qoşulacaq.

"Ölkə.Az" xəbər verir ki, Bakıda davam edən dünya çempionatında bu gün Azərbaycanın daha 3 cüdoçusu tatami üzərinə çıxacaq.

Kişilərdən 73 kq çəkidə yer alan Avropa çempionları Rüstəm Orucovla Hidayət Heydərov mübarizə aparacaq. Onlar mübarizəyə 1/32 final mərhələsindən başlayacaqlar. 27 yaşlı Orucovun ilk rəqibi misirli Məhəmməd Mohyeldin olacaq. 21 yaşlı Heydərov isə iraqlı Sajjad Sehenlə üz-üzə gələcək.

Qadınların yarışında isə 57 kq çəkidə İçinxorlu Munxtsedev qüvvəsini sınayacaq. 1/32 finalda onun bəxtinə almaniyalı Amelie Stoll düşüb.

İlk görüşlər saat 10:00-da start götürüb. Saat 16:00-da isə medal qarşılaşmaları olacaq.

Dünya çempionatı

57 kq

1/32 final. İçinxorlu Munxtsedev - Amelie Stoll (Almaniya)

73 kq

1/32 final. Rüstəm Orucov - Məhəmməd Mohyeldin (Misir)

1/32 final. Hidayət Heydərov - Sajjad Sehen (İraq)

Qeyd edək ki, ilk iki yarış günündə Azərbaycan cüdoçularından ən yüksək nəticəni Kəramət Hüseynov göstərib. 60 kq çəki dərəcəsində yer alan 20 yaşlı idmançı 5-ci yeri tutub.

ŞƏRH YAZ
0
BAĞLA