Millimiz bu gün Qazaxıstanın qonağı olacaq

Millimiz bu gün Qazaxıstanın qonağı olacaq
09:12
05.06.2018
1420
İdman
A
Futbol üzrə Azərbaycan milli komandası bu gün növbəti yoldaşlıq görüşünü keçirəcək.

"Ölkə.Az"ın məlumatına görə, bu dəfə rəqib Qazaxıstan yığması olacaq.

"Astana Arena"da təşkil olunacaq qarşılaşma Bakı vaxtı ilə saat 18:00-da başlanacaq.

Azərbaycan millisi Qurban Qurbanovun baş məşqçi təyin olunmasından sonra ilk dəfə rəqib meydanında çıxış edəcək. Əvvəlki 4 görüşdən 2-si - Belarus (0:1) və Qırğızıstanla (3:0) oyunlar Bakı Olimpiya Stadionunda, Moldova (0:0) və Makedoniya (1:1) ilə oyunlar isə Türkiyənin Antalya bölgəsindəki "Mardan" stadionunda baş tutub.

Qurbanovun rəqib həmkarı Stanimir Stoilov Qazaxıstan yığmasının sükanı arxasında üçüncü yoldaşlıq görüşünə çıxacaq. Bu komanda əvvəlki oyunlarında Bolqarıstana 1:2 hesabı ilə uduzduğu halda, Macarıstana qalib gəlib - 3:2. Lakin bu görüşlər Macarıstanda təşkil olunub. İndi isə Qazaxıstan Stoilovun rəhbərliyi altında ilk ev oyununu keçirəcək.

İndiyədək iki komanda əsas yığmalar səviyyəsində 9 oyun keçirib. Bunlardan 2-də Azərbaycan, 3-də Qazaxıstan qalib gəlibsə, daha 4 matç heç-heçə ilə yekunlaşıb. Qurban Qurbanov futbolçu kimi millidə ilk 2 qolunu məhz bu rəqibin qapısından keçirib. Bu, 1993-cü il iyunun 8-də İranda keçirilmiş turnirdə Azərbaycan yığmasının Qazaxıstanın U-23 millisi ilə 3:3 hesablı heç-heçə etdiyi görüşə təsadüf edib.

Yoldaşlıq görüşü

5 iyun

20:00. Qazaxıstan – Azərbaycan

Hakimlər: Aleksandr Tyan, Andrey Bodyan, Viktor Mardari, Dmitri Muntyan (hamısı Moldova)

Astana. "Astana Arena”

ŞƏRH YAZ
0

İdmançılarımız üç medal qazandı

İdmançılarımız  üç medal qazandı
18:13
Bu gün
1189
İdman
A
Karate üzrə yeniyetmə və gənclərdən ibarət milli komandamız Venesiyada keçirilən ilin sonuncu liqa turnirində üç medal qazanıb.

Azərbaycan Milli Karate Federasiyasından "Ölkə.Az"a bildiriblər ki, 14-15 yaşlı yeniyetmələrin yarışında Hüseyn Məmmədli (57 kq) və Tale Yaqubov (63 kq) qızıl medal qazanıblar. Turnirdə 16-17 yaşlı idmançıların mübarizəsində isə Əminağa Quliyev (61 kq) gümüş medala sahib olub. 

Qeyd edək ki, 16-17 yaşlı gənclərdən ibarət komandamızın liderlərindən olan Polina Qurenko (53 kq) məşqlərdə zədələndiyi üçün yarışa qatıla bilməyib. 

Dünya Karate Federasiyasının (WKF) bu ildən etibarən təşkil etməyə başladığı gənclər liqası beynəlxalq turnirinin yekun yarışında 67 ölkədən 2600-dən çox karateçi mübarizə aparıb. 

Bu yarış baş məşqçi Anar Allahverdiyevin rəhbərlik etdiyi yeniyetmə və gənclərdən ibarət komandamız üçün fevralda Danimarkada keçiriləcək Avropa çempionatına hazırlıq xarakteri daşıyıb. 

Ölkə.Az

ŞƏRH YAZ
0

Çempionlar Liqasında 1/8 finalın püşkü atılacaq

Çempionlar Liqasında 1/8 finalın püşkü atılacaq
11:51
Bu gün
1995
İdman
A
Bu gün Çempionlar Liqasında 1/8 final mərhələsinin püşkü atılacaq.

"Ölkə.Az" xəbər verir ki, İsveçrənin Nyon şəhərində keçiriləcək püşkatma mərasimi Bakı vaxtı ilə 15:00-da başlayacaq. 

Belə ki, klublar qrup qalibi və ikincisi olmaqla 2 səbətə bölünüblər. Əsasnaməyə görə, eyni qrupdan çıxanlar və bir ölkəni təmsil edənlər 1/8 finalda üz-üzə gələ bilməzlər. 

Qrup birinciləri: 

"Borussiya" (Dortmund, Almaniya) 

"Barselona" (İspaniya) 

PSJ (Fransa) 

"Porto" (Portuqaliya) 

"Bavariya" (Almaniya) 

"Mançester Siti" (İngiltərə) 

"Real" (İspaniya) 

"Yuventus" (İtaliya) 

Qrup ikinciləri: 

"Atletiko" (İspaniya) 

"Tottenhem" (İngiltərə) 

"Liverpul" (İngiltərə) 

"Şalke" (Almaniya) 

"Ayaks" (Hollandiya) 

"Lion" (Fransa) 

"Roma" (İtaliya) 

"Mançester Yunayted" (İngiltərə) 

Qeyd edək ki, 1/8 final mərhələsinin ilk oyunları 12-13 və 19-20 fevralda, cavab qarşılaşmaları isə 5-6 və 12-13 martda keçiriləcək. 

ŞƏRH YAZ
0
BAĞLA