Millimiz biabırçı hesabla uduzdu — Yenilənib

Millimiz biabırçı hesabla uduzdu
21:52
11.06.2019
1082
İdman
A
Bu gün AVRO-2020-nin seçmə qrup mərhələsi çərçivəsində Azərbaycan Slovakiya ilə qarşılaşır.

“Ölkə.Az” xəbər verir ki, ilk iki oyunda qələbə qazana bilməyən komandamız ilk xallarını əldə etmək üçün mübarizə aparacaq.

Qeyd edək ki, bu, millimizin tarixi ərzində 250-ci oyunudur.

Azərbaycan - Slovakiya - 1:5

Qollar: Ramil Şeydayev, 29 - Lobotka, 8, Kuçka, 27, Hamşik, 30, 57, Hançko, 85

***

Matç başladı. 

***

Slovakiya erkən qol vurdu. 8-ci dəqiqədə Stanislav Lobotka komandasını hesabda önə çıxartdı.

***

Qonaqlar 27-ci dəqiqədə hesabı 2:0-a çatdırdı. Yuray Kuçka fərqləndi.

***

Millimiz Ramil Şeydayevin sayəsində hesab arasındakı fərqi azaltdı. 2:1.

***

Bu qoldan heç bir dəqiqə keçməmiş Marek Hamşik Slovakiyanın 3-cü qoluna imza atdı.

***

İlk hissədə başqa qol vurulmayıb və Azərbaycan fasiləyə 1:3 hesabı ilə geridə yollanıb.

***

57-ci dəqiqədə Hamşik özünün ikinci, komandasının 4-cü qolunu vurub.

***

85-ci dəqiqədə hesab biabırçı həddə çatıb. Hançko Slovakiyanın 5-ci qoluna imza atıb.

***

Oyun başa çatdı. Slovakiya 1:5 hesabı ilə qalib gəldi.

Ölkə.Az

ŞƏRH YAZ
0

“Qarabağ”ın oyunlarını keçirəcəyi stadion məlum oldu

“Qarabağ”ın oyunlarını keçirəcəyi stadion məlum oldu
17:58
Bu gün
952
İdman
A
"Qarabağ"ın Çempionlar Liqasının birinci təsnifat mərhələsində qarşılaşacağı "Partizani" (Albaniya) klubu ilə ev oyununun stadionu müəyyənləşib.

"Ölkə.Az" klubun saytına istinadən xəbər verir ki, görüş "Dalğa Arena"da keçiriləcək. Qurban Qurbanovun komandasının ikinci mərhələyə yüksələcəyi təqdirdə ev oyunu həmin stadionda olacaq. 

Buna səbəb 21-27 iyul tarixləri arasında olacaq Avropa Gənclər Yay Olimpiya Festivalının ölkəmizdə keçirilməsidir. Belə ki, bu festivalın bir neçə yarışı məhz Tofiq Bəhramov adına Respublika stadionunda baş tutacaq.

"Qarabağ" "Partizani" səddini keçəcəyi təqdirdə, ikinci təsnifat mərhələsində Dundalk” (İrlandiya) – “Riqa” (Latviya) cütünün qalibi ilə qarşılaşacaq. 

Qeyd edək ki, 1-ci təsnifat mərhələsinin ilk oyunları 9-10 iyul, cavab qarşılaşmaları bir həftə sonra keçiriləcək. 2-ci raundun matçları isə 23-24 iyul və 30-31 iyul tarixlərində olacaq. 

ŞƏRH YAZ
0

İki güləşçimiz Avropa çempionu oldu

İki güləşçimiz Avropa çempionu oldu
00:00
19.06.2019
9907
İdman
A
İtaliyanın Faenza şəhərində yeniyetmə güləşçilər arasında Avropa çempionatının ikinci günü Azərbaycan yığması üçün uğurlu alınıb.

“Ölkə.Az” xəbər verir ki, yunan-Roma güləşçilərimiz günü 2 qızıl və 1 bürünc medalla bitiriblər.

Komandamızın heyətində bir gün öncə finala yüksələn Məlik Əliyev (48 kq) həlledici görüşdə Damir Kalakutokla üz-üzə gəlib. Rusiya güləşçisiylə qarşılaşmada 0:3 hesabıyla geridə olan həmyerlimiz əzmkarlıq nümayiş etdirərək hesabı xeyrinə dəyişib (5:3) və Avropa çempionu olub.

Onun uğurunu Nihat Məmmədli (55 kq) da təkrarlayıb. Finalda Qleb Makarankaya (Belarus) vaxtından əvvəl qalib gələn pəhləvanımız da Avropa çempionatının qızıl medalına yiyələnib.

Komandamızın aktivinə digər medalı Xasay Həsənli (65 kq) yazdırıb. O, 3-cü yer uğrunda görüşdə gürcüstanlı Nikolos Marqvelaşviliyə ilk hissədə qalib gəlməklə, bürünc medalı boynundan asıb.

Qeyd edək ki, sabah daha 2 güləşçimiz final, 1 idmançımız 3-cü yer uğrunda görüşə çıxacaq. Həmçinin yığmamızın 2 üzvü təsəlliverici qarşılaşmada mübarizə aparacaq.

Ölkə.Az

ŞƏRH YAZ
0
BAĞLA