Millimiz ilk onluqda — REYTİNQ CƏDVƏLİ

Millimiz ilk onluqda
15:28
06.01.2018
892
İdman
A
Futzal üzrə milli komandaların 2018-ci il üçün ilk reytinq siyahısı açıqlanıb.

"Ölkə.Az"-ın məlumatına görə, cədvəldə dünyanın 162 yığması yer alıb.

Onlardan 46-sı zəruri oyun sayını keçirmədiyi üçün şərti sıralamaya daxil edilib. 2017-ci ilin son siyahısı ilə müqayisədə cüzi dəyişikliklər olsa da, bunlar ilk “10-luq”dan yan keçib.

Dünyanın 10-cu komandası olan Azərbaycan yığmasının həm xalı, həm mövqeyi dəyişməyib. Joze Alesionun yetirmələrinin hesabında 1452 xal var.

Siyahıya isə Braziliya başçılıq edir – 1931 xal. Onları AVRO-2018-in final mərhələsində Azərbaycan yığmasının rəqibi olan İspaniya izləyir – 1878 xal. 1740 xala malik Rusiya ilk “üçlüy”ü qapayır.

Sloveniyadakı turnirdə İspaniya və Azərbaycanla birgə D qrupunda çıxış edəcək Fransa 1256 xalla 20-ci pillədədi.

İlk “onluq”

1. Braziliya - 1931

2. İspaniya – 1878

3. Rusiya - 1740

4. Argentina - 1683

5. İran - 1625

6. İtaliya - 1607

7. Portuqaliya - 1600

8. Ukrayna - 1500

9. Qazaxıstan - 1488

10. Azərbaycan – 1452

Ölkə.Az

ŞƏRH YAZ
0

Cüdoçumuz 8 qat dünya çempionu oldu

Cüdoçumuz 8 qat dünya çempionu oldu
11:21
Bu gün
89
İdman
A
Meksikanın Kankun şəhərində veteran cüdoçular arasında dünya çempionatına start verilib.

"Ölkə.Az" xəbər verir ki, yarışın ilk günündə Azərbaycan millisi bir qızıl medal qazanıb. Fərhad Rəcəbli M-6 kateqoriyası üzrə 90 kq çəki dərəcəsində Rusiya, ABŞ və Braziliyadan olan rəqiblərini məğlub edərək, fəxri kürsünün ən yüksək pilləsinə qalxıb. 

Qeyd edək ki, bu, Rəcəblinin usta cüdoçular arasında qazandığı 8-ci dünya çempionluğudur.

ŞƏRH YAZ
0

"Şah" dünya çempionuna uduzmasa da...

01:29
17.10.2018
442
İdman
A
Yunanıstanda keçirilən şahmat üzrə klublararası Avropa çempionatında (AÇ) V tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız Norveçin “Volerenqa” klubu ilə üz-üzə gəlib.

İlk lövhədə Şəhriyar Məmmədyarovla dünya çempionu Maqnus Karlsen mübarizə aparıb. Görüşdə qalib müəyyənləşməyib.

Lakin ümumi hesabda Norveç komandası 3,5:2,5 hesabı ilə qalib gəlib. Həlledici görüşdə Qədir Hüseynov Borki Predoyeviçə uduzub.

Bununla da “Odlar Yurdu” ilk məğlubiyyətini alıb. Reytinqdə III sırada olan komandamız indi turnir cədvəlində yeddi xalla IX pillədədir.

“Odlar Yurdu”nun qadınlar komandası isə İtaliya klubunu 3:1 məğlub edib. Bununla da komandamız altı xalla B qrupunda III pilləni tutub.

“Odlar Yurdu”nun qadınlar komandası V yer uğrunda Kiyev Şahmat Federasiyasının kollektivi ilə qarşılaşacaq.

Ölkə.Az

ŞƏRH YAZ
0
BAĞLA