23 Fevral 2017

Millimiz ilk sınağına çıxır

09.01.2017 08:50 Bölmə: İdman
A- A A+

FİFA-nın ilk vitse-prezidenti Valentin Qranatkinin xatirəsinə həsr olunan turnir davam edir.

Ölkə.Az xəbər verir ki, millimiz bu gün ilk sınağına çıxacaq.

Tarixində 9-cu dəfə beynəlxalq turnirdə çıxış edəcək yığmamızın ilk rəqibi Litvalı həmyaşıdları olacaq.

Azərbaycan yığması baltikyanı ölkə ilə üçüncü dəfə qarşılaşacaq. Bu oyuna qədər rəqiblər turnir çərçivəsində iki dəfə görüşüblər.

İlk belə matç 2012-ci ildə baş tutub. 1:1 hesabı ilə başa çatan matçın taleyinə penaltilər seriyası aydınlıq gətirib. Litva yığması bu “lotereya”da daha dəqiq olub – 6:5.

Yığmamız 1 il sonra revanş ala bilib. 2013-cü ildəki matç məhsuldarlığı ilə də diqqət çəkib. Millimiz rəqibinə 3:2 hesabı ilə qalib gəlib.

Qeyd edək ki, qrupun digər matçında Slovakiya Qazaxıstanla üz-üzə gələcək.

 Ölkə.Az