Millimiz Kosovoya yollanıb

Millimiz Kosovoya yollanıb
23:21
18.11.2018
3081
İdman
A
Azərbaycan yığması UEFA Millətlər Liqasının qrup mərhələsinin VI turunda qarşılaşacağı Kosovo ilə matç üçün Priştinaya yola düşüb.

“Ölkə.Az” “Report”a istinadən xəbər verir ki, komanda Heydər Əliyev Beynəlxalq Hava Limanından çarter reysi ilə saat 18:30-da səfərə çıxıb.

Təyyarədə milli komanda ilə yanaşı, AFFA-nın baş katibi Elxan Məmmədov və İcraiyyə Komitəsinin üzvləri - Vaqif Sadıqovla İsgəndər Cavadov da yer alıb.

Noyabrın 19-də Azərbaycan yığmasının baş məşqçisi Qurban Qurbanov və onun Kosovo millisindəki həmkarı Bernar Şalland mətbuat konfransı keçirəcək.

Qeyd edək ki, noyabrın 20-də keçiriləcək oyun Bakı vaxtı ilə saat 23:45-da başlanacaq.

Ölkə.Az

ŞƏRH YAZ
0

Şahzadə “Mançester Yunayted”i almaq istəyir — 4,8 milyard dollara

Şahzadə “Mançester Yunayted”i almaq istəyir
10:39
Bu gün
649
İdman
A
Səudiyyə Ərəbistanının vəliəhd şahzadəsi Məhəmməd bin Salman İngiltərənin “Mançester Yunayted” klubunu almaq istəyir.

“Ölkə.Az” xəbər verir ki, bu barədə İngiltərənin “The Sun” nəşri yazıb.

Xəbərə əsasən, səudiyyəli şahzadə “qırmızı şeytanlar” üçün 4,8 milyarda dollar sərvətindən keçməyə razıdır. Məhəmməd bin Salman yeni mövsümün əvvəlinə kimi İngiltərə klubuna sahib olmaq niyyətindədir.

Nəşr şahzadə ailəsinin sərvətinin bir trilyon dollardan çox olduğunu vurğulayıb.

Qeyd edək ki, hazırda klub Qleyzer ailəsinə məxsusdur.

Ölkə.Az

ŞƏRH YAZ
0

Cüdoçumuz Romada qızıl medal qazanıb

Cüdoçumuz Romada qızıl medal qazanıb
09:35
Bu gün
626
İdman
A
İtaliyanın paytaxtı Romada cüdo üzrə Avropa kuboku yarışına start verilib.

“Ölkə.Az” xəbər verir ki, 60 kq çəki dərəcəsində ölkəmizi təmsil edən Oruc Vəlizadə bütün rəqiblərinə qalib gələrək Roma turnirinin qızıl medalına sahib olub.

Cüdoçumuz Rusiya, Fransa, Qazaxıstan nümayəndələrini məğlub edərək qrup birincisi kimi yarımfinala çıxıb. Bu mərhələdə fransız Silveyn Julenə qalib gələn Vəlizadə finalda qazaxıstanlı Dauren Syukenovu da məyus edərək Avropa kubokunun sahibi olub. Bu çəkidə mübarizə aparan digər cüdoçumuz Rövşən Əliyev bürünc medal uğrunda görüşdə uduzaraq 5-ci yeri tutub. 66 kq çəki dərəcəsində yarışan Tərlan Kərimov ilk görüşdə məğlub olaraq mübarizəni dayandırıb.

İtaliya turnirində 46 ölkədən 275 cüdoçu iştirak edir. Beynəlxalq yarışa fevralın 17-də yekun vurulacaq.

Ölkə.Az

ŞƏRH YAZ
0
BAĞLA