Millimizin baş məşqçisi aşıq Ədaləti ziyarət etdi
Güləş üzrə Azərbaycan millisinin baş məşqçisi Firdovsi Umudov son günlər səhhətində ciddi problemlər olan ustad aşıq Ədalət Nəsibovu ziyarət edib.
"Ölkə.Az"ın məlumatına görə, Umudov sənətkarla fotosunu sosial şəbəkədə paylaşaraq bu sözləri yazıb:
"Azərbaycan Aşıq sənətinin ən görkəmli nümayəndələrindən olan Əməkdar İncəsənət xadimi, Prezident təqaüdçüsü Ədalət Nəsibovun səhhətindəki problemlər son günlər hamımızı dərindən narahat edir. Ustadımızın sağlıq durumunun normallaşması üçün nə lazımdırsa edilir və ediləcək. Sizdən tək xahişim Aşıq Ədalətin tez bir zamanda sağalması üçün dua etməyinizdi. Dualarınızı əsirgəməyin! Yastığın yünğül olsun, Dədə! “Ruhani”, “Yanıq Kərəm”, “Kərəm gözəlləməsi” səninlə daha gözəldir. Bizi bu gözəlliklərdən məhrum etmə!"
Qeyd edək ki, 79 yaşlı aşıq Ədalət bir neçə xəstəlikdən əziyyət çəkir.
İntiqam VALEHOĞLU
Ölkə.Az
