Millimizin futbolçusu həbs oluna bilər

Millimizin futbolçusu həbs oluna bilər
11:05
08.06.2018
963
İdman
A
Azərbaycan milli komandasının və İspaniyanın "Alkorkon" klubunun futbolçusu Eddi İsrafilov 5 ilədək həbs oluna bilər.

"Ölkə.Az"ın "Report"a istinadən verdiyi məlumata görə, 26 yaşlı hücumçu 2015-ci ilin iyulunda "Eybar"da çıxış etdiyi vaxt komanda yoldaşları olmuş Serxio Enriç və Antonio Lunanın iştirakı ilə olan seksual məzmunlu videonu yaymaqda günahlandırılır.

Enriç və Luna ilə intim əlaqədə olan qadın bunu videoya çəkməməyi xahiş etsə də, onlar nəinki buna əməl ediblər, üstəlik, sonradan digər şəxslərə də göndəriblər. Həmin görüntülərdə futbolçular qarşılıqlı razılıq əsasında videonu "Whatsapp" vasitəsilə İsrafilova ötürüblər.

Zərərçəkənin vəkili İniqo İruinin sözlərinə görə, məhkəmə görüntülərin razılıq olmadan çəkilməsində və yayılmasında Enriç və Lunanı, həmçinin İsrafilovu günahlandırır. 2015-ci ildə Cinayət Məcəlləsində razılıq olmadan və ya yayılmaması üçün çəkiliş etməni qadağan edən dəyişikliyə əsasən, bu, 2 ildən 5 ilədək həbsi nəzərdə tutur.

Zərərçəkən ona dəymiş mənəvi zərərlə əlaqədar hüquq-mühafizə orqanlarına müraciət edib. Oyunçular verdikləri ifadədə bağışlanmalarını xahiş ediblər. Araşdırmalar yekunlaşdıqdan sonra rəsmi qaydada ittiham irəli sürülərək, hökm oxunacaq.

Qeyd edək ki, Eddi İsrafilov 2015-ci ildən dəvət aldığı Azərbaycan millisində 8 oyuna çıxıb. 

ŞƏRH YAZ
0

Cəbrayıl Həsənov dünya çempionatında gümüş medal qazanıb

Cəbrayıl Həsənov dünya çempionatında gümüş medal qazanıb
22:59
22.10.2018
376
İdman
A
Macarıstanın paytaxtı Budapeştdə keçirilən dünya çempionatında Azərbaycanın sərbəst güləşçisi Cəbrayıl Həsənov gümüş medal qazanıb.

"Ölkə.Az" xəbər verir ki, çempionatın ikinci yarış günündə 57, 65, 79 və 92 kiloqram çəki dərəcələrində çıxış edən güləşçilər mübarizə aparıblar.

Mübarizəyə səkkizdəbir finaldan qoşulan Cəbrayıl Həsənov (79 kq) çətinlik çəkmədən Puerto-Riko idmançısına qalib gəlib. Yığmamızın kapitanı dörddəbir finalda Belarus təmsilçisi üzərində də inamlı qələbə qazanaraq yarımfinala adlayan ilk güləşçimiz olub. Finalın bir addımlığında Cəbrayıl əsl əzmkarlıq nümayiş etdirib. İranlı güləşçi 3:0 hesabı ilə önə keçsə də, son yarım dəqiqədə möhtəşəm geridönüş edən həmyerlimiz karyerasında ilk dəfə finala yüksəlib.

İdmançımız oktyabrın 22-də amerikalı Kayl Duqlas Deyklə qarşılaşıb. Gərgin mübarizə şəraitində keçən görüş rəqibin qələbəsi ilə başa çatıb. Beləliklə, C.Həsənov dünya çempionatında gümüş medala sahib çıxıb.

Ölkə.Az

ŞƏRH YAZ
0

Elmar Vəliyevin oğlu istefa verib

Elmar Vəliyevin oğlu istefa verib
15:42
22.10.2018
6569
İdman
A
“Kəpəz” Peşəkar Futbol Klubu İctimai Birliyinin İdarə Heyətinin sədri Elmir Vəliyev tutduğu vəzifədən istefa verib.

"Ölkə.Az" klubun rəsmi saytına istinadən xəbər verir ki, E.Vəliyev qərarını işlərinin çoxluğu ilə əlaqələndirib. Onun yerinə hələlik heç bir təyinat yoxdur. 

Xatırladaq ki, Elmir Vəliyev 2015-ci ilin may ayından “Kəpəz” PFK İctimai Birliyinin İdarə Heyətinin sədri idi. O, Gəncə şəhərinin keçmiş icra başçısı Elmar Vəliyevin oğludur. 

ŞƏRH YAZ
0
BAĞLA