Miloş Zeman prezident seçkilərinin ilk turunda qalib gəlib

Miloş Zeman prezident seçkilərinin ilk turunda qalib gəlib
20:59
13.01.2018
1872
Dünya
A
Çexiyanın hazırkı prezidenti Miloş Zeman ölkədə keçirilən prezident seçkilərinin birinci turunda qalib gəlib.

“Ölkə.Az” xəbər verir ki, bu barədə “Çexiya” telekanalı məlumat yayıb. Verilən məlumata görə, Miloş Zeman səsvermənin ilkin nəticələrinin hesablanmasından sonra 39,1 faiz səs toplayaraq prezidet seçkilərinin ilk turunun qalibi olub. Prezident seçkilərində seçicilərin 61,16 faizi iştirak edib.

Qeyd edək ki, prezident seçkilərinin ikinci turu 26-27 yanvar tarixlərində keçiriləcək. İkinci tura Miloş Zemandan başqa ilk turda 26,3 faiz səslə ikinci yeri tutan Elmlər Akademiyasının sabiq sədri İrji Draqoş keçib.

Ziya Səccad
Ölkə.Az

ŞƏRH YAZ
1

Türkiyə sabah quru əməliyyatına başlayır

Türkiyə sabah quru əməliyyatına başlayır
01:30
Bu gün
223
Dünya
A
Türkiyə Silahlı Qüvvələri sabahdan quru əməliyyatına başlayacaq.

“Ölkə.Az” xəbər verir ki, bu barədə Türkiyənin Baş naziri Binəli Yıldırım məlumat verib. O bildirib ki, hava zərbələri nəticəsində daha öncədən müəyyənləşdirilən hədəflər məhv edilib, sabahdan etibarən isə quru qüvvələri fəaliyyətə keçəcək: “Əməliyyatda Azad Suriya Ordusu da iştirak edir. Əməliyyatın əsas məqsədi son 3 ildə Türkiyəyə qarşı təxribatlar törədən terrorçuların fəaliyyətinə son qoymaqdır”.

Qeyd edək ki, Türkiyə Silahlı Qüvvələri (TSQ) bu gün Suriyanın Afrin bölgəsini PKK/PYD-dən təmizləmək üçün “Zeytun budağı” adlı əməliyyata start verib.

Havadan “F16” qırıcıları ilə terrorçuların mövqeləri bombalanıb.

Ölkə.Az

ŞƏRH YAZ
0

Türkiyə, Rusiya və ABŞ baş qərargah rəisləri arasında telefon danışığı — Mövzu Afrin əməliyyatı olub

Türkiyə, Rusiya və ABŞ baş qərargah rəisləri arasında telefon danışığı
01:20
Bu gün
162
Dünya
A
Türkiyə Silahlı Qüvvələrinin Baş Qərargah rəisi Hülusi Akar rusiyalı və amerikalı həmkarları ilə telefon danışıqları keçirib.

"Ölkə.Az" xəbər verir ki, bu barədə Türkiyə Baş Qərargahı məlumat yayıb.

Bildirilir ki, tərəflər Türkiyə ordusunun Suriyanın Afrin bölgəsində həyata keçirdiyi “Zeytun budağı” əməliyyatını müzakirə edib.

Danışıqların əməliyyat başlamazdan əvvəl baş tutduğu bildirilir.

Ölkə.Az

ŞƏRH YAZ
0
BAĞLA