Milyardlarla dollarlıq qızıl daşıyan hərbi gəmi tapıldı

Milyardlarla dollarlıq qızıl daşıyan hərbi gəmi tapıldı
09:39
19.07.2018
6358
Dünya
A
Cənubi Koreyanın qərb sahillərində rus gəmisinin qalıqları aşkar edilib.

“Ölkə.Az” xəbər verir ki, gəmidə 130.5 milyard dollarlıq qızıl olub. Ehtimal edilir ki, gəmi 113 il əvvəl Yaponiya ilə Rusiya arasındakı müharibə vaxtı batırılıb.

Rus donanmasına məxsus olan “Dmitri Donskoy” gəmisinin qalıqları Ulleunqdo adası sahillərində aşkar edilib.

Ehtimal edilir ki, gəmidəki qızıl hərbçilərin maaşı, liman xərcləri və digər xərclərin ödənilməsi üçün gəmiyə yüklənib. Zədələnən digər gəmilərdəki qızıl da

“Dmitri Donskoy”a yüklənib. Hazırda Cənubi Koreyanın “Shinil Group” şirkəti Çin, Kanada və İngiltərə şirkətləri ilə birlikdə əməliyyata hazırlaşır.

Hikmət Həsənov
Ölkə.Az

ŞƏRH YAZ
0

Leyla Əliyevanın təşəbbüsü ilə Moskvada “Qanın milliyyəti yoxdur” adlı xeyriyyə aksiyası keçirilib — FOTO

Leyla Əliyevanın təşəbbüsü ilə Moskvada “Qanın milliyyəti yoxdur” adlı xeyriyyə aksiyası keçirilib
23:04
18.04.2019
234
Dünya
A
Heydər Əliyev Fondunun vitse-prezidenti Leyla Əliyevanın təşəbbüsü ilə aprelin 18-də Moskvada “Qanın milliyyəti yoxdur” adlı xeyriyyə aksiyası keçirilib.

"Ölkə.Az" azərtac-a istinadən xəbər verir ki, Rusiya Azərbaycanlı Gənclər Birliyinin (RAGB) təşkilatçılığı və İ.M.Seçenov adına Birinci Moskva Dövlət Tibb Universitetinin dəstəyi ilə keçirilən aksiya İ.M.Seçenov adına Moskva Tibb Akademiyasının kliniki transfuziologiya və hematologiya kafedrasında baş tutub.

Bu il də aksiyaya azərbaycanlı tələbələrlə yanaşı, Rusiya paytaxtında təhsil alan digər millətlərdən olan tələbələr qoşulub.

Rusiya Azərbaycanlı Gənclər Birliyinin İdarə Heyətinin üzvü, tibb elmləri namizədi Samir Əliyev jurnalistlərə bildirib ki, RAGB-nin sədri Leyla Əliyevanın təşəbbüsü ilə bu aksiya artıq 10-cu ildir ki, keçirilir. Samir Əliyev qeyd edib ki, xeyriyyə aksiyasının donorları qan verərkən həm öz sağlamlıqları barədə məlumat əldə edir, həm də qana ehtiyacı olan insanlara yardım göstərirlər.

Birinci Moskva Dövlət Tibb Universitetinin Qan Mərkəzinin rəhbəri, tibbi elmləri doktoru, professor Əliheydər Rəhimov Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən bu aksiyanın artıq ənənə halı aldığını vurğulayaraq deyib: “İl ərzində RAGB tərəfindən bir neçə dəfə qanvermə aksiyaları təşkil olunur. Bu xeyriyyəçilik aksiyasının təşkilinə görə, Qan Mərkəzi kollektivi adından Leyla Əliyevaya təşəkkürümü bildirmək istəyirəm”.

“Qanın milliyyəti yoxdur” aksiyası təkcə Moskvada deyil, Rusiyanın başqa regionlarında da təşkil edilir. Hər il bu aksiyada minlərlə gənc iştirak edir.

Ölkə.Az

ŞƏRH YAZ
0

Sərnişinləri avtobusdan endirib güllələdilər — Pakistanda dəhşət

Sərnişinləri avtobusdan endirib güllələdilər
19:34
18.04.2019
550
Dünya
A
Pakistanın Bəlucistan vilayətində dəhşətli hadisə baş verib.

“Ölkə.Az” xəbər verir ki, silahlı şəxslər avtobuslardan endirdikləri sərnişinləri güllələyiblər. İnsident nəticəsində ən azı 14 nəfər ölüb.

Əyalətin daxili işlər naziri Heydər Əli bildirib ki, hücumçular 20 nəfərdən çox olublar. Onların əynində “Cəbhə birlikləri” adlı qruplaşmanın uniformaları olub.
Məlum olub ki, silahlılar Makran şossesində Karaçidən Ormara şəhəri istiqamətində hərəkət edən dörd avtobusu saxlayıb 14 sərnişini öldürüblər. Ölənlərin hamısı pakistanlıdır və aralarında iki hərbçi də olub. Hücumçuların tapılması istiqamətində genişmiqyaslı əməliyyata start verilib.

Hikmət Həsənov
Ölkə.Az

ŞƏRH YAZ
0
BAĞLA