Milyonçular da ağlayır

"Ölkə.Az" xəbər verir ki, bundan sonra Tatlısəs 1 600 türk lirəsi pensiya alacaq. Müğənni İzmirin "Tepecik Təhsil və Araşdırma Xəstəxanası"ndan aldığı arayışla əlilliyə görə pensiya hüququ əldə edib.

Tatlısəs bir müddət əvvəl xəstəxanaya arayış almaq üçün getsə də, pərəstişkarlarının ifrat diqqəti səbəbindən işləri yarımçıq qoyaraq xəstəxananı tərk etmişdi. Bu yaxın günlərdə isə yenidən xəstəxanaya müraciət edən müğənni arayışı əldə edib.

Qeyd edək ki, bir müddət əvvəl Türkiyə mətbuatında bu xəbər gündəmə gəlsə də, Tatlısəs belə bir fikri olmadığını bildirmişdi. Amma son məlumatlara əsasən, müğənni əlillik barədə xəstəxanadan arayışı alıb aidiyyatı qurumlara təhvil verib. Bundan sonra İbrahim Tatlısəs 1600 türk lirəsi (700 manata yaxın) əlillik təqaüdü alacaq.

Hikmət
Ölkə.Az