Mingəçevirdə ağır qəza — Ana və 3 uşağı vuruldu

Mingəçevirdə ağır qəza
21:40
13.06.2018
1637
Hadisə
A
Mingəçevirdə bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az" "Report"a istinadən xəbər verir ki, hadisə şəhərin Kür çayı üzərindən keçən körpüsü üzərində baş verib.

"VAZ-2101" markalı avtomobil ananı və 3 azyaşlı övladını vuraraq ağır xəsarət yetirib. Yaralılar hadisəni törədən sürücü və digər şəxslər tərəfindən xəstəxanaya yerləşdirilib.

Ölkə.Az

ŞƏRH YAZ
0

Gəncədə mina aşkarlanıb — FOTO

Gəncədə mina aşkarlanıb
23:46
25.04.2019
219
Hadisə
A
Gəncədə 1 ədəd piyada əleyhinə mina (OZM-72) aşkar olunub.

ANAMA-dan "Ölkə.Az"a verilən məlumata görə, 2019-cu il 25 Aprel tarixində saat 11:30-da Daxili İşlər Nazirliyinin ″102″ Xidməti-Zəng mərkəzi sistemindən Agentliyə Gəncə şəhəri, Kəpəz rayonu, Natəvan qəsəbəsi ərazisində 1 ədəd minanın tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Gəncə şəhər Baş Polis İdarəsinin Kəpəz rayon Polis Şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Kəpəz rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə qazıntı işləri aparılan sahəyə baxış keçirilib.

Təhlükəsizliyi təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd piyada əleyhinə mina (OZM-72) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Piyada əleyhinə minanın ətrafında 150 kv.m əraziyə yerüstü, 50 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

İtkin düşən 35 yaşlı qadın tapıldı

İtkin düşən 35 yaşlı qadın tapıldı
23:32
25.04.2019
216
Hadisə
A
Bakıda itkin düşən qadın tapılıb.

"Ölkə.Az" Trend-ə istinadən xəbər verir ki, hadisə aprelin 22-də Sabunçu rayonu ərazisində baş verib.

1984-cü il təvəllüdlü Xasıyeva Günel Abbasəli qızı aprelin 22-də Sabunçu rayonu ərazisində itkin düşüb.

Ailə üzvlərinin müraciətindən sonra polis araşdırmalara başlayıb. Aparılan əməliyyat-axtarış tədbirləri nəticəsində G.Xasıyeva tapılaraq ailəsinə təhvil verilib.

Faktla bağlı araşdırmalar davam edir.

Ölkə.Az

ŞƏRH YAZ
0
BAĞLA