Mingəçevirdə nəvədən nənəyə qarşı İYRƏNC PLAN
"Ölkə.Az" xəbər verir ki, Şəki Ağır Cinayətlər Məhkəməsində hakim Bilal Məmmədovun sədrliyi ilə keçiriləcən məhkəmə baxış iclası iyul ayının 17-nə təyin olunub.
Qeyd edək ki, Mingəçevir şəhəri Təbriz küçəsində, 1939-cu il təvəllüdlü şəhər sakini Züleyxa Bağırova yaşadığı mənzildə
quldurluq cinayətinin qurbanı olub.
80 yaşlı qadının evindən 3 min manat aparılıb. Z.Bağırova bu barədə polisə məlumat verərək, evinə qonaq gələn şəxslərdən şübhələndiyini bildirib.Cinayətdə şübhəli bilinən iki nəfər - zərərçəkənin nəvəsi, Tovuz rayon sakini, əvvəllər də məhkum olunan Tural İskəndərov və dostu, Samux rayon sakini Xasay Mustafayev saxlanılıblar.
Onlar barəsində Cinayət Məcəlləsinin 181.2.1-ci (quldurluq- qabaqcadan əlbir olan bir qrup şəxs tərəfindən törədildikdə) və 181.2.3-ci (quldurluq - yaşayış sahəsinə, habelə binaya, anbara və ya başqa saxlanc yerlərinə qanunsuz olaraq girməklə törədildikdə) maddələri ilə başlanan iş məhkəməyə göndərilib.
Natiq Allahverdiyev
Ölkə.Az