Mingəçevirdə qan qusan uşağı həkimlər xilas edə bilmədilər — Səbəbi dəhşət doğurur

Mingəçevirdə qan qusan uşağı həkimlər xilas edə bilmədilər
20:34
15.09.2019
62152
Hadisə
A
Uşağın valideynləri meyitin yarılmasına razı olmasalar da, ölüm səbəbinin araşdırılması üçün meyit Məhkəmə Tibbi Ekspertizasına təhvil verilib

Mingəçevir Şəhər Mərkəzi Xəstəxanasında ölüm hadisəsi baş verib. Xəstəxanada müalicə alan Yevlax rayon sakini, 2013-cü il təvəllüdlü Dəniz Vasif oğlu İsmayıllı dünyasını dəyişib. Faktla bağlı araşdırma aparılır.

“Ölkə.Az” xəbər verir ki, Sputnik Azərbaycan uşağın ölüm səbəbini araşdırmaq üçün Mingəçevir Şəhər Mərkəzi Xəstəxanası publik hüquqi şəxsin direktoru Könül Ələkbərov ilə əlaqə saxlayıb.

K. Ələkbərov bildirib ki, Dəniz Vasif oğlu İsmayıllı dünən Mingəçevir Şəhər Mərkəzi Xəstəxanasına gətirilib. Amma xəstəxanaya çatdırıldıqda uşaq artıq keçinibmiş.

K. Ələkbərov bildirib ki, uşağın ölüm səbəbinin araşdırılması üçün meyit Məhkəmə Tibbi Ekspertizasına təhvil verilib:

"Uşaq xəstəxanaya gətirildikdə artıq ölmüşdü. Bəzən belə hallar olur ki, uşağı xilas etmək üçün onu ölüm ayağında xəstəxanaya çatdırırlar. Biz ölümün səbəbini bilmirik. Bunu Məhkəmə Tibbi Ekspertizası araşdıracaq. Amma xəstənin yaxınlarının bildirdiyinə görə, uşaq qan qusub. Bundan sonra ölüm hadisəsi baş verib. Uşağın valideynləri meyitin yarılmasına razı olmasalar da, ölüm səbəbinin araşdırılması üçün meyit Məhkəmə Tibbi Ekspertizasına təhvil verilib".

K. Ələkbərov deyib ki, uşaq Yevlax şəhərindən yox, Xaldan qəsəbəsindən xəstəxanaya gətirilib.

Xaldan qəsəbəsi İcra nümayəndəsinin müavini Aqşin Məmmədov bildirib ki, Dəniz Vasif oğlu İsmayıllı təxminən bir həftə öncə qəpik udub. Valideynləri onu vaxtında həkimə aparmayıblar.

Ölkə.Az

ŞƏRH YAZ
0

Anasını boğdu, sonra meyiti yandırdı — Qatil oğul...

Anasını boğdu, sonra meyiti yandırdı
04:53
Bu gün
156
Hadisə
A
Bakı Ağır Cinayətlər Məhkəməsində xüsusi amansızlıqla qətl törətməkdə təqsirləndirilən Tahir Bağırovun cinayət işi üzrə məhkəmə prosesi başa çatıb.

“Ölkə.Az” trend-ə istinadən xəbər verir ki, hakim Fikrət Qəribovun sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə T.Bağırov 19 il azadlıqdan məhrum edilib.

İttihama görə, bu il Sabunçu rayonu Nardaran qəsəbəsində bağ massivi, ev 242 ünvanında yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.

Mübahisə nəticəsində T.Bağırov anasını boğaraq öldürüb. Qadının öldüyünə əmin olan oğlu anasının meyitinin üzərinə ağ neft tökərək yandırıb.

Ona Cinayət Məcəlləsinin 120.2.4 (xüsusi amansızlıqla adam öldürmə) maddəsi ilə ittiham verilib.

Ölkə.Az

ŞƏRH YAZ
0

Sarayda qəza: iki nəfər yaralanıb

Sarayda qəza: iki nəfər yaralanıb
03:55
Bu gün
202
Hadisə
A
Abşeronda iki nəqliyyat vasitəsinin toqquşması nəticəsində iki nəfər xəsarət alıb.

"Ölkə.Az" oxu.az-a istinadən xəbər verir ki, Saray qəsəbəsi ərazisində “Qazel” markalı yük avtomobili ilə taksi fəaliyyəti göstərən “VAZ-2107” markalı nəqliyyat vasitəsi toqquşub.

Hadisə nəticəsində avtomobillərdə olan sərnişinlər, 1990-cı il təvəllüdlü Cəfərova Günel Tofiq qızı və 1991-ci il təvəllüdlü Elvin Qasımlı xəsarət alıb.

Hər iki yaralı xəstəxanaya yerləşdirilib. G.Cəfərovaya alın nahiyəsinin çapılmış yarası, E.Qasımlıya isə qapalı kəllə-beyin travması, budun sınığı diaqnozu qoyulub.

Hadisənin təfərrüatı araşdırılır.

ŞƏRH YAZ
0
BAĞLA