KORONAVİRUSA YOLUXANLARIN SAYI - CANLI STATİSTİKA

Mingəçevirdəki atışma ilə bağlı həbs edilənlər var

Mingəçevirdəki atışma ilə bağlı həbs edilənlər var
12:39
24.01.2020
1643
Hadisə
A
Xəbər verildiyi kimi, yanvarın 20-də Mingəçevir şəhər sakini Ziyad Mirzəyevin odlu silahdan açılmış atəş nəticəsində xəsarət alaraq xəstəxanaya daxil olması faktı ilə bağlı Mingəçevir şəhər prokurorluğunda cinayət işi başlanmış, müvafiq ekspertizalar təyin olunmuş, eləcə də iş üzrə digər zəruri istintaq-əməliyyat tədbirləri həyata keçirilib.

Baş Prokurorluğun Mətbuat xidmətindən "Ölkə.Az"a verilən məlumatda deyilir ki, aparılan istintaqla, qeyd edilən tarixdə saat 18 radələrində Mingəçevir şəhər sakini Elsevər Quliyevin qohumu Firdovsi Qasımov ilə birlikdə sonuncunun idarə etdiyi “Hyundai Sonata” markalı avtomobillə ilə əvvəllər aralarında baş vermiş münaqişə ilə əlaqədar Ziyad Mirzəyevdən qisas almaq məqsədilə sonuncunun sərnişini olduğu “VAZ 2107” markalı avtomobilin qarşısını kəsərək avtomobildən düşüb üzərində gəzdirdiyi odlu silahdan 2 dəfə atəş açaraq onu yaralamasına, Ziyad Mirzəyev avtomobildən düşüb qaçarkən Elsevər Quliyevin ona doğru üçüncü dəfə atəş açmasına, lakin yaranmış səs-küylə bağlı ətrafa xeyli adamın toplaşması səbəbindən cinayətkar niyyətini başa çatdıra bilmədən gəldiyi avtomobillə hadisə yerindən uzaqlaşmasına əsaslı şübhələr müəyyən edilib.

Qeyd olunub ki, təxirəsalınmaz istintaq-əməliyyat tədbirləri ilə E.Quliyevlə qabaqcadan əlbir olan və Z.Mirzəyevi izləyərək onun yeri barədə E.Quliyevə məlumat verən digər qohumu Ülvi İsmayılovun hadisə zamanı odlu silahdan açılan atəş nəticəsində yaralanan və hadisə yerindən qaçan Z.Mirzəyevi öldürmək məqsədi ilə üzərində gəzdirdiyi baltanı götürüb onu təqib etməsinə, Z.Mirzəyevin yaşayış binalarının arasında gözdən itməsi və yaranmış əlverişsiz şəraitlə əlaqədar öz cinayətkar niyyətini başa çatdıra bilmədən hadisə yerindən uzaqlaşmasına şübhələr üçün əsaslar müəyyən edilib.

Bundan başqa, istintaqla E.Quliyev və Ü.İsmayılovun qabaqcadan əlbir olaraq törətmiş olduqları xüsusilə ağır cinayətin qohumları Nahid Həsənov və Firdovsi Qasımov tərəfindən bilərəkdən gizlədilməsinə əsaslı şübhələr müəyyən edilib.

E.Quliyev və Ü.İsmayılova Cinayət Məcəlləsinin 29, 120.2.1-ci (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd) maddəsi ilə ittiham elan edilərək barələrində məhkəmənin qərarı ilə həbs, F.Qasımov və N.Həsənova isə Cinayət Məcəlləsinin 307.3-cü (qabaqcadan vəd etmədən xüsusilə ağır cinayəti gizlətmə) maddəsi ilə ittiham elan edilərək barələrində polisin nəzarəti altına vermə qətimkan tədbiri seçilib.

Hazırda iş üzrə zəruri istintaq tədbirləri davam etdirilir.

ŞƏRH YAZ
0

Naftalanda ağır yol qəzası olub — Ölənlər və xəsarət alanlar var

Naftalanda ağır yol qəzası olub
01:15
Bu gün
1077
Hadisə
A
Naftalanda ölümlə və xəsarətlə nəticələnən ağır yol qəzası baş verib.

"Ölkə.Az" report-a istinadən bildirir ki, hadisə Naftalan şəhərində qeydə alınıb.

Qaşaltı yolunda iki avtomobilin toqquşması nəticəsində 3 nəfərin öldüyü, 4 nəfərin - 1993-cü il təvəllüdlü Orxan Həsənəliyevin, 1997-ci il təvəllüdlü Həsənəliyeva Dusiya Adil qızının, 1996-cı il təvəllüdlü Dadaşov Camal Bayram oğlunun və 1997-ci il təvəllüdlü Elçin Aslanovun xəsarət aldığı bildirilir. 

Faktla bağlı araşdırma aparılır.

ŞƏRH YAZ
0

Bakıda gənc qız küçədə oğlanı vəhşicəsinə döydü — VİDEO

Bakıda gənc qız küçədə oğlanı vəhşicəsinə döydü
23:15
13.07.2020
4061
Hadisə
A
Bakının mərkəzində gənc qızla oğlan arasında əlbəyaxa dava baş verib.

"Ölkə.Az" bildirir ki, hadisə paytaxtın mərkəzi küçələrindən birində qeydə alınıb. Şahidlərin sözlərinə görə, oğlan küçədə qaçaraq idman edən qıza sataşıb. Onun bu hərəkəti cavabsız qalmayıb. hdxeber.com 

Daha ətraflı videodan izləyin:

ŞƏRH YAZ
0
BAĞLA