Miqrasiya proseslərində dövlət nəzarəti gücləndirilib

Miqrasiya proseslərində dövlət nəzarəti gücləndirilib
16:12
16.04.2018
1065
Ölkə
A
Ölkəmizdə miqrasiya proseslərinə dövlət nəzarətinin gücləndirilməsi, o cümlədən qanunsuz miqrasiyanın qarşısının alınması məqsədilə Dövlət Miqrasiya Xidməti tərəfindən həyata keçirilən tədbirlər cari ilin I rübü ərzində də davam etdirilib.

DMX-dan "Ölkə.Az"a verilən xəbərə görə, 2018-ci ilin I rübü ərzində Bakı şəhərində, həmçinin respublikanın digər şəhər və rayonlarında keçirilən tədbirlər və aparılan araşdırmalar nəticəsində əcnəbilər və vətəndaşlığı olmayan şəxslər tərəfindən Azərbaycan Respublikasının miqrasiya sahəsində, o cümlədən inzibati qanunvericiliyin tələblərinin pozulması ilə bağlı 4665 qərar qəbul edilib. İnzibati Xətalar Məcəlləsinin müvafiq maddələrinin tələblərinin pozulmasına görə ölkə hüdudlarından kənara inzibati qaydada çıxarılmamaqla inzibati cərimə tətbiq olunma ilə bağlı 2856 qərar qəbul edilib ki, onlardan 2313-ü ölkəni tərk etmə barədə, 543-ü ölkə ərazisində yaşamalarını qanuniləşdirmə ilə bağlı olub.

Ölkə ərazisinə girişinə məhdudiyyət qoyulma ilə bağlı qəbul edilmiş 1653 qərardan 1333-ü İnzibati Xətalar Məcəlləsinin müvafiq maddələrinin tələblərini pozmasına görə respublikanın hüdudlarından kənara inzibati qaydada çıxarılmaqla inzibati cərimə tətbiq olunma ilə bağlı, 320-si Miqrasiya Məcəlləsinin müvafiq maddələrinin tələblərini pozmasına görə əcnəbilər və vətəndaşlığı olmayan şəxslərin ölkəyə girişinə məhdudiyyətin qoyulması ilə bağlı olub. Müvəqqəti və daimi yaşamaq üçün sənədin yeni sənədlə əvəz olunması ilə bağlı 53, əcnəbilərə və vətəndaşlığı olmayan şəxslərə yaşayış sahəsi vermiş Azərbaycan Respublikası vətəndaşları və ya Azərbaycan Respublikasında yaşayan əcnəbilər və ya vətəndaşlığı olmayan şəxslər tərəfindən Miqrasiya Məcəlləsi ilə müəyyən edilmiş qaydada onların vaxtında olduğu yer üzrə qeydiyyata alınması və qeydiyyatdan çıxarılması üçün tədbirlərin görülməməsi ilə bağlı 92 qərar qəbul edilib. 

Ümumiyyətlə, 2018-ci ilin I rübü ərzində Dövlət Miqrasiya Xidmətinə əcnəbilər və vətəndaşlığı olmayan şəxslər tərəfindən ölkədə müvəqqəti olma müddətlərinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətlərinin uzadılması ilə bağlı 19 040 müraciət daxil olub. Müraciətlərin hər biri ayrı-ayrılıqda Azərbaycan Respublikası qanunvericiliyinin tələblərinə uyğun olaraq araşdırılıb və müvafiq qərarlar qəbul edilib.

2018-ci ilin I rübü ərzində olduğu yer üzrə qeydiyyatla bağlı 163 805 nəfər əcnəbi və vətəndaşlığı olmayan şəxsin müraciəti qeydə alınıb. Rüb ərzində DMX-nın “Çağrı mərkəzi”nə 24197 zəng daxil olub. Xidmət tərəfindən 2018-ci ilin I rübü ərzində 20 maarifləndirmə tədbiri və 10 səyyar xidmət keçirilib. 

ŞƏRH YAZ
0

Çaylarda suyun səviyyəsi artıb

Çaylarda suyun səviyyəsi artıb
19:17
Bu gün
953
Ölkə
A
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 100-150, Kiçik Qafqazın çaylarında 40-90, Lənkəran-Astara bölgəsi çaylarında isə 90-130 faizini təşkil edir.

Departamentdən "Ölkə.Az"a bildiriblər ki, yanvarın 18-də Kür çayının Qıraqkəsəmən məntəqəsində suyun səviyyəsi 1 santimetr artıb. Hazırda məntəqədə su sərfi saniyədə 125 kubmetr olmaqla ongünlük normanın 78 faizini təşkil edir. 

Qanıx çayının Əyriçay məntəqəsində suyun səviyyəsində 3 santimetr artım müşahidə olunub. Hazırda məntəqədə su sərfi saniyədə 57 kubmetr təşkil etməklə ongünlük normanın 85 faizinə bərabərdir. 

Yanvarın 18-də Kür çayının aşağı axınında suyun səviyyəsində artım qeydə alınıb. Belə ki, suyun səviyyəsi Kür çayının Surra və Salyan məntəqələrində 6, Şirvan və Araz çayının Novruzlu məntəqələrində 4, Bankədə 8 santimetr artıb. 

Hazırda suyun səviyyəsi Surra məntəqəsində 434, Şirvanda 303, Salyanda 278, Bankədə 253, Araz çayının Novruzlu məntəqəsində isə 153 santimetrə bərabərdir. 

ŞƏRH YAZ
0

Türkiyəli qonaqlar Bakıda 20 Yanvar faciəsini andılar — FOTOLAR

Türkiyəli qonaqlar Bakıda 20 Yanvar faciəsini andılar
18:25
Bu gün
1439
Ölkə
A
Bu gün Nəsimi Rayon İcra Hakimiyyətində 20 Yanvar faciəsinin 29-cu ildönümünə həsr olunan tədbir keçirilib.

"Ölkə.Az" xəbər verir ki, tədbirdə Türkiyə Azərbaycan Dərnəkləri Federasiyasının təşəbbüsü ilə ölkəmizə gələn Türkiyə şəhidlərinin və veteranlarının övladları da iştirak ediblər. 

Tədbirdə çıxış edən Nəsimi Rayon İcra Hakimiyyətinin başçısı Asif Əsgərov 20 Yanvarın Azərbaycan tarixinin qan yaddaşına yazılmış qəhrəmanlıq salnaməsi olduğunu söyləyib. 

O, şəhidlərimizin qanının hədər yerə axmadığını, həmin qanlar bahasına bugünkü azadlığımızın, müstəqilliyimizin, dövlət quruculuğumuzun, qüdrətli Azərbaycanın bünövrəsinin qoyulduğunu, gələcək nəsillərin də onları böyük ehtiramla xatırlayacaqlarını qeyd edib. İcra başçısı sovet qoşunlarının Azərbaycanda dinc əhaliyə qarşı törətdiyi qanlı qırğının bəşəriyyətə qarşı həyata keçirilmiş dəhşətli terror aktı olduğunu qeyd edib. 

Vurğulayıb ki, 20 Yanvar hadisələrindən dərhal sonra ümummilli lider Heydər Əliyev Azərbaycanın Moskvadakı daimi nümayəndəliyində bəyanatla çıxış edərək bu vəhşiliyi kəskin şəkildə pisləyib. 20 Yanvar hadisələrinə Ulu Öndər Azərbaycanda siyasi hakimiyyətə qayıtdıqdan sonra siyasi-hüquqi qiymət verildi, bu tarix Ümumxalq Hüzn Günü elan edildi. 

Yeni Azərbaycan Partiyası Nəsimi rayon təşkilatının sədri, Milli Məclisin deputatı Məlahət İbrahimqızı bildirib ki, 1990-cı il yanvarın 20-də baş verənlər insanlığa qarşı törədilmiş terror hadisəsidir. Deputat 20 Yanvar faciəsi zamanı öz konstitusiya hüquqları uğrunda meydanlara axışan Azərbaycan xalqına qarşı misli görünməmiş vəhşiliyin törədildiyini, buna baxmayaraq, xalqımızın öz azadlıq əzmini nümayiş etdirərək müstəqilliyini qazandığını qeyd edib.

Sonra türkiyəli qonaqlardan Kağan Ulu çıxış edərək bildirib ki, 20 Yanvar təkcə Azərbaycan xalqının hüzn günü deyil. Bu, xalqın azadlıq tarixidir. 1990-cı ilin 20 yanvarında tökülən şəhid qanları hesabına bu gün Azərbaycanın üçrəngli bayrağı dalğalanır. Kağan Ulu bir şəhid yaxını olaraq bütün şəhid övladlarının acısını anladığını, eyni zamanda, bununla fəxr etdiyini söyləyib.

Sonra Türkiyənin Azərbaycandakı səfirinin birinci müavini Volkan Öskiper, Türkiyə Azərbaycan Dərnəkləri Federasiyasının sədri Bilal Dündar, İzmir Azərbaycan Mədəniyyət və Həmrəylik Dərnəyinin sədri Mülazim Pahsa və Kocaeli Şəhər Veteranlar Dərnəyinin sədri Nürəddin Rəcəb çıxış edərək bildiriblər ki, 20 Yanvar Azərbaycan tarixində qanlı səhifə olmaqla yanaşı, xalqın müstəqillik amalına çatdığı bir gündür. Bu qanlı hadisə Azərbaycan tarixinin qanlı səhifəsinə çevrilsə də, eyni zamanda, bir xalqın qəhrəmanlıq ənənələrinə sadiqliyini, Vətənin müstəqilliyi və azadlığı uğrunda canından keçməyə hazır olduğunu sübut edib. 

Daha sonra Əməkdar artist Ağalar Bayramovun və məktəblilərin iştirakı ilə 20 Yanvar faciəsinə dair bədii kompozisiya nümayiş olunub. 

Vasif Həsənli
Ölkə.Az

ŞƏRH YAZ
0
BAĞLA