Mirhüseyn Seyidovdan SENSASSİON MÜSAHİBƏ — ""Neftçi"yə keçmək üçün qəsdən zəif oynamışdıq"

Mirhüseyn Seyidovdan SENSASSİON MÜSAHİBƏ
11:10
01.12.2017
4470
İdman
A
Ötən gün həbsiylə bağlı xəbər yayılan tanınmış futbolçu Mirhüseyn Seyidov "Ölkə.Az"ın suallarını cavablandırıb.

 Qeyd edək ki, Seyidovla yanaşı Nizami Hacıyevin də adı oyun alqı-satqısında hallandığı üçün saxlanıldığı bildirilirdi. 

- Dünən sizin və komanda yoldaşınız Nizami Hacıyevin həbs olunmağınızla bağlı xəbər yayılmışdı.

- Bizi polis saxlamamışdı. Komandada problem yaranmışdı. Guya biz 5-6 oyundur oynamırıq. Əsasən də "Neftçi"ylə oyuna görə narahatlıq var idi. Mən 6-7 il "Neftçi"nin oyunçusu olmuşam, o klubun yetirməsiyəm. "Neftçi" ilə oyunda ürəyim keçmiş komandamda olduğuna görə zəif çıxış etmişəm. Mənim qışda "Neftçi"yə keçmək söhbətim var idi. Özümüz qəsdən zəif çıxış etmişik, ürəyim bir növ ora üçün yanır. Amma mərc kontorlarına pul qoymağımızla bağlı yayılan xəbərlər tamamailə yalandır. Düzdür, səhv etmişik. "Keşlə" komandasına qarşı nankorluq etmişəm. Amma futboldur, hər şey ola bilər.

- Deməli, mərc kontorlarına pul qoymamısınız, amma "Neftçi" ilə oyunda qəsdən zəif çıxış etmisiniz?

- Bəli. Bir az vicdan əzabı çəkirəm. Bu da "Neftçi"yə olan istəyimizdən yaranıb. Nizami Hacıyev orayla müqavilə bağlamışdı. Demək olar ki, müqaviləsi hazır idi. Mənə də demişdilər ki, qışda gələrsən. Etdiyim işdən həqiqətən peşmanam. Buna görə "Keşlə"nin, AFFA-nın rəhbərliyindən, azarkeşlərdən üzr istəyirəm ki, səhv addım atmışam. Bu addımı "Neftçi"yə keçmək üçün atmışam.

- Bir gün ərzində harada saxlanılırdınız?

- Saxlanılmamışdıq, sadəcə, telefonlarımıza zəng çatmadığına görə hamı narahat olub.

- Bəs harada idiniz?

- Uyğun bir yerdəydik. Orada dostlarımız da var idi. Sadəcə, kontor məsələsinə görə izahat yazmalıydıq.

- İzahatı kim üçün yazırdınız?

- Klub rəhbərliyi üçün izahat yazırdıq. Onlar da bizim səhvimizi başa düşdülər. Kluba qarşı haqsızlıq etmişik. Digər oyunlarda ürəklə çıxış etmişik. Həm də kimsə deyə bilməz ki, sən hansısa mərc oyununa pul qoymusan. Heç elə şeylərdən başım çıxmır. 

- "Keşlə" sizinlə müqaviləyə xitam verib...

- Yəqin ki, yaxın günlərdə federasiya özü qərar verəcək.

- Karyeranızı "Keşlə"də davam etdirmək istəyirsiniz, yoxsa "Neftçi"yə keçmək fikriniz var?

- O qalıb Allaha. Əsas odur ki, səhvimizi başa düşmüşük. İnşallah, AFFA rəhbərliyi bizi nəzərə alar.

- Sizcə bu hadisələrdən sonra çempionatımızda çıxış edən hansı komanda sizi heyətinə qəbul edər?

- Bunu gələcək göstərəcək. Bu məsələdə çox dostlar yanımızda oldu. Hər kəsin çətinliyi ola bilər. Həyatda elə qardaşlar, dostlar qazanmışıq ki, səhv addım atsam da, böyük problemlərə başımı soxmamışam. Əgər buradan təklif olmasa, ölkədən kənarda çıxış edərəm. Əsas odur ki, adım təmizə çıxsın. Oynamasam da, acından ölməyəcəyəm. Bir işlə məşğul olacağıq. 

- Sizə qarşı zor tətbiq edildiyi barədə məlumatlar yayılmışdı...

- Çox şükür evimdəyəm. Bu gün cümədir. Sizin də cüməniz mübarək. Evdən çıxıb məscidə gedəcəyəm. Şayiələr çoxdur. Amma şükür ki, evimizdəyik. Həyat davam edir. 

İntiqam VALEHOĞLU
Ölkə.Az

ŞƏRH YAZ
1

Floyddan Həbibə yeni mesajlar — “Mənim artıqlarımla döyüşürsən”

Floyddan Həbibə yeni mesajlar
22:28
18.10.2018
2815
İdman
A
Amerikalı boksçu Floyd Meyvezer ona meydan oxuyan Həbib Nurməhəmmədova yeni mesaj göndərib.

“Ölkə.Az” xəbər verir ki, Floyd döyüşə hazır olduğunu qeyd edib.
Həbibin Makqreqoru nakaut etdiyi ilə bağlı sözlərinə Meyvezer belə cavab verib: “Mən özüm özümün rəhbəriyəm. Həbib nə düşünür bilmirəm, amma mən döyüşə hazıram. Eşitdim ki, Həbib mənim Makqreqoru nakaut edə bilmədiyimi deyirmiş. Olsun da, Həbib, demək ki, sən mənim artıqlarımla döyüşürsən”.

İkilinin matçı hələ baş tutmayıb, lakin böyük qarşılaşmanın 2019-cu ilin il aylarında gerçəkləşəcəyi gözlənilir.

Ölkə.Az

 

ŞƏRH YAZ
0

Cüdoçumuz 8 qat dünya çempionu oldu

Cüdoçumuz 8 qat dünya çempionu oldu
11:21
18.10.2018
957
İdman
A
Meksikanın Kankun şəhərində veteran cüdoçular arasında dünya çempionatına start verilib.

"Ölkə.Az" xəbər verir ki, yarışın ilk günündə Azərbaycan millisi bir qızıl medal qazanıb. Fərhad Rəcəbli M-6 kateqoriyası üzrə 90 kq çəki dərəcəsində Rusiya, ABŞ və Braziliyadan olan rəqiblərini məğlub edərək, fəxri kürsünün ən yüksək pilləsinə qalxıb. 

Qeyd edək ki, bu, Rəcəblinin usta cüdoçular arasında qazandığı 8-ci dünya çempionluğudur.

ŞƏRH YAZ
0
BAĞLA