KORONAVİRUSA YOLUXANLARIN SAYI - CANLI STATİSTİKA

Mirzə Cəlil nəslinin davamçıları Bakıya gəlir

Mirzə Cəlil nəslinin davamçıları Bakıya gəlir
15:14
13.11.2019
3333
Ölkə
A
Görkəmli Azərbaycan yazıçısı və ictimai xadim Cəlil Məmmədquluzadənin nəticəsi Martin Cavanşiri və oğlu Pşemislav Cavanşiri Azərbaycan Milli Elmlər Akademiyasının (AMEA) vitse-prezidenti, akademik İsa Həbibbəyli tərəfindən ölkəmizə dəvət olunub.

AMEA-dan "Ölkə.Az"a bildirilib ki, Cəlil Məmmədquluzadə şəcərəsinin nümayəndələri yaxın vaxtlarda 68 ildən sonra ilk dəfə doğma Vətəndə olacaqlar. Onlar Azərbaycan Milli Kitabxanasının və AMEA-nın Nizami Gəncəvi adına Ədəbiyyat İnstitutunun təşkilatçılığı ilə ölkəmizdə Cəlil Məmmədquluzadəyə həsr edilmiş elmi-mədəni tədbirlərə qatılacaqlar. Cəlil Məmmədquluzadənin nəslinin davamçıları, həmçinin yazıçının ev-muzeyini və Fəxri xiyabandakı məzarını ziyarət edəcək, Ədəbiyyat İnstitutunun kollektivi ilə görüşəcəklər.

Akademik İsa Həbibbəyli uzun illərdir ki, böyük Azərbaycan yazıçısı Cəlil Məmmədquluzadənin zəngin və çoxşaxəli irsini, həyatı, mühiti və müasirlərini tədqiq edib öyrənmək, əsərlərini dünya dillərinə tərcümə etdirərək kitab halında nəşr etdirmək sahəsində ardıcıl iş aparır. İsa Həbibbəyli, eyni zamanda, Cəlil Məmmədquluzadənin nəsil şəcərəsini araşdırıb müəyyənləşdirmək işi ilə məşğuldur. O, hələ sovet hakimiyyəti illərində “Vətən” cəmiyyətinin xətti ilə Cəlil Məmmədquluzadənin xarici ölkələrdə yaşayıb-yaratmış nəslinin davamçılarını axtarıb və Azərbaycan ədəbiyyatının və ictimai fikrinin inkişafında böyük xidmətləri olmuş bu ziyalı nəslinin dünyanın ayrı-ayrı ölkələrində yaşayan nümayəndələrini tapıb müəyyənləşdirib. Akademik İsa Həbibbəyli ilk dəfə 1992-ci il yanvarın 25-də Cəlil Məmmədquluzadənin 1941-ci ildə ölkədən çıxmış oğlu Ənvər Məmmədquluzadənin (1911-1979) övladları Midhət Cavanşiri və İren Cavanşiri ilə Tehran şəhərində görüşüb və onlarla əlaqələr yaradıb. O, həmçinin 1998-ci ildə Parisdə Ənvər Məmmədquluzadənin Azərbaycan Tibb Universitetinin məzunu Məhin Dadipurla nikahından olan qızı Mehri xanım Səqqətçiya ilə də görüşərək, onunla da əlaqə qurub.

Məmmədquluzadələr şəcərəsi ilə əlaqələrini davam etdirən akademik İsa Həbibbəyli böyük demokrat ədibin Polşada yaşayan nəvə-nəticələrinin də ünvanını əldə edərək, onlarla əlaqə yaratmaq üçün iş aparıb.

ŞƏRH YAZ
0

Azərbaycanda koronavirusun ikinci dalğasının başlayacağı vaxt AÇIQLANDI — RƏSMİ

Azərbaycanda koronavirusun ikinci dalğasının başlayacağı vaxt AÇIQLANDI
20:35
Bu gün
586
Ölkə
A
“Ekspertlər payız aylarına ciddi hazır olmağımızı tövsiyə edirlər. Çünki bu zaman digər mövsümi xəstəliklər aktivləşir. Bu da COVID-19 simptomlarına oxşardır”.

"Ölkə.Az" bildirir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində deyib.

O bildirib ki, diqqətli olunmasa vəziyyət ciddiləşə bilər: “Nə qədər ciddi karantin rejimi olsa da, xəstəxana sayı artsa da, vətəndaş məsuliyyəti olmadan virusun qarşısını almaq mümkün deyil. Ona görə də hamılıqla birlikdə vaksin tapılana qədər qoyulan qaydalara ciddi əməl edək”.

"Oğuz, Xızı, Ucar, Daşkəsən, Yardımlı və Zərdabda vəziyyət qənaətbəxşdir. Sarı zonaya daxil olan Salyan, Neftçala, Astara, İsmayıllı, Ağcabədi və Biləsuvar riskli rayonlar hesab edilir", - TƏBİB sədri vurğulayıb. Axeber

ŞƏRH YAZ
0

COVİD-19-a yoluxmuş hamilə qadınlar necə qorunmalıdır? — VİDEO

COVİD-19-a yoluxmuş hamilə qadınlar necə qorunmalıdır?
20:17
Bu gün
1148
Ölkə
A
Hamiləlik həyəcan və gözləntilərlə dolu xüsusi bir dövrdür.

Lakin koronavirusun alovlanması fonunda qadınların keçirdiyi qorxu, narahatlıq və qeyri-müəyyənlik adətən sevincli anların üzərinə kölgə salır. Həkim-ginekoloqlar tövsiyə edir ki, bu həssas dövrdə ana olmağa hazırlaşan xanımlar özlərini daha yaxşı qorumalıdırlar.

Ginekoloq Yeganə Əliyeva bildirir ki, hamilə xanımlarda istər-istəməz hamiləlik dövründə hormonların dəyişilməsi prosesi gedir. Bir də pandemiyaya görə, xanımlar daha çox həyəcan keçirirlər. Ən önəmlisi qidalanma və yuxu rejimləridir. Virus daşıyıcısı olmayan ananın uşağına süd verməsi riskli deyil. Lakin gigiyenik qaydalara mütləq əməl edilməlidir.

Hamiləlik vaxtı qadın virusa yoluxarsa, onun müayinəsi və müalicəsi xüsusi formada və ya xəstəxana şəraitində davam etdirilməlidir.oxu.az

Ətraflı videonu təqdim edirik:

ŞƏRH YAZ
0
BAĞLA