Mirzə Ələkbər Sabirin şeiri Mahsun Kırmızıgülün filmində — VİDEO

Mirzə Ələkbər Sabirin şeiri Mahsun Kırmızıgülün filmində
15:35
05.03.2017
1088
Mədəniyyət
A
Müğənni və rejissor Mahsun Kırmızıgülün yeni təqdim etdiyi "Vəzir barmağı" ("Vezir parmağı") filmində Azərbaycanın klassik şairi Mirzə Ələkbər Sabirin "Qorxuram" şeiri səsləndirilib.

Ölkə.Az Axşam.az-a istinadən xəbər verir ki, filmdən yayılan kadrlarda aktyorlar həmin şeiri Anadolu türkcəsində səsləndiriblər. Diqqətçəkən məqamlardan biri də odur ki, şeirdəki "Harda müsəlman görürəm, qorxuram" misrası çıxarılıb.

Türkiyə mediası qalmaqallı filmin məhz bu səhnəsinin kinoteatrlarda böyük alqış aldığını qeyd edib.

Şeirin Anadolu türkcəsində olan versiyası:

Aybalaaaam
Şafak vakti düşirem ben
Çöllere bala çöllere bala çöllere
Kükremiş aslan görirem
Kan giyen sırtlan görirem
Dalgalı umman görirem
Cin görirem can görirem
Mezerde hortlak görirem
Bin türlü tufan görirem
Gullibi yaban görirem korkmirem
Korkmirem bala korkmirem 

Aybalaaaam
Bu korkmamazlığım ile
Vallahi bala billahi bala tillahi bala
Harda bir yobaz görirem
Harda bir softa görirem
Harda bir molla görirem
Korkirem bala korkirem bala korkirem
Korkirem bala korkirem
Dalgalı fikirlerinden
Riyakâr zikirlerinden
Korkirem bala korkirem bala korkirem
Korkirem bala korkirem

Şeirin original versiyası:

Payi-piyadə düşürəm çöllərə, --
Xari-müğilan görürəm, qorxmuram.

Seyr edirəm bərrü biyabanları, --
Quli-biyaban görürəm, qorxmuram.

Gah oluram bəhrdə zövrəqnişin, --
Dalğalı tufan görürəm, qorxmuram.

Gah çıxıram sahilə, hər yanda min 
Vəhşiyi-ğürran görürəm, qorxmuram.

Gah şəfəq tək düşürəm dağlara, --
Yanğılı vulkan görürəm, qorxmuram.

Gah enirəm sayə tək ormanlara, --
Yırtıcı heyvan görürəm, qorxmuram.

Üz qoyuram gah neyistanlara, --
Bir sürü aslan görürəm, qorxmuram.

Məqbərəlikdə edirəm gah məkan, --
Qəbirdə xortdan görürəm, qorxmuram.

Mənzil olur gah mənə viranələr, --
Cin görürəm, can görürəm, qorxmuram.

Xarici mülkündə də hətta gəzib
Çox tuhaf insan görürəm, qorxmuram.

Bu küreyi-ərzdə mən, müxtəsər, 
Müxtəlif əlvan görürəm, qorxmuram.

Leyk, bu qorxmazlıq ilə, doğrusu, 
Ay dadaş, vallahi, billahi, tallahi, 
Harda müsəlman görürəm, qorxuram!....

Bisəbəb qorxmayıram, vəchi var: 
Neyləyim axır, bu yox olmuşların

Fikrini qan-qan görürəm, qorxuram, 
Qorxuram, qorxuram, qorxuram!....

 

ŞƏRH YAZ
0

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6271
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0

17 yaşlı xanəndəmiz Tacikistanda konsert verdi — FOTOLAR

17 yaşlı xanəndəmiz Tacikistanda konsert verdi
18:15
14.05.2018
2748
Mədəniyyət
A
VI Muğam Müsabiqəsinin qalibi Almaxanım Əhmədli Tacikistanın paytaxtı Düşənbədə solo konsert proqramıyla çıxış edib.

 "Ölkə.Az"-ın məlumatına görə, Azərbaycan Xalq Cümhuriyyətinin 100, Ümummilli lider Heydər Əliyevin anadan olmasının 95 illiyinə həsr edilmiş konsert proqramı saat yarım davam edib. Gənc xanəndə saytımıza açıqlamasında bildirib ki, konsertdə Tacikistan və Azərbaycanın dövlət rəsmiləriylə yanaşı, xarici ölkələrin diplomatik korpuslarının nümayəndələri də iştirak ediblər:

"Kosnertdə "Cəngi" Folklor Ansamblının və Mədəniyyət Nazirliyinin xəttiylə getmişdik. 

Konsertimiz çox yüksək səviyyədə keçdi. "Şeş Makom" muğam festivalında oxuduğum "Qarabağ şikəstəsi" isə gözlədiyimdən də yüksək səviyyədə qarşılandı. Konsertdən sonra Tacikistanın Dövlət Televiziyasına müsahibə verdim. Tacikistandakı səfirimiz Həsən Məmmədzadəylə də görüşümüz oldu". 

Qeyd edək ki, A.Əhmədli 2017-ci ildən AzTV-nin solisti, eyni zamanda Azərbaycan Milli Konservatoriyasının solo oxuma fakültəsinin tələbəsidir.

İntiqam VALEHOĞLU
Ölkə.Az

ŞƏRH YAZ
0
BAĞLA