Misir neft hasilatını azaltmaqdan imtina etdi
Misir hökuməti OPEK-in neft hasilatını azaltmaq barədə razılaşmasına qoşulmağı planlaşdırmır.
"Ölkə.Az" xəbər verir ki, bunu Misirin baş naziri Şərif İsmayıl bəyan edib.
Onun sözlərinə görə, Misir OPEK+ razılaşmasına qoşulmayacaq. Çünki ölkə faktiki olaraq heç nə ixrac etmir. Çıxarılan xam neftin böyük hissəsi isə yerli neft emalı zavodlarına göndərilir.
Baş nazir deyib: "Çox az miqdarda xam neft ixrac edirik. Bu isə diqqətə layiq və bazara təsir edəcək dərəcədə deyil. Neft hasilatını isə 1 ya da 2 milyon barrel neft ixrac edən ölkələr azaltmalıdır".
Hikmət Həsənov
Ölkə.Az