Misir Prezidenti Rusiya Xarici Kəşfiyyat Xidmətinin başçısı ilə görüşüb

Misir Prezidenti Rusiya Xarici Kəşfiyyat Xidmətinin başçısı ilə görüşüb
23:06
13.02.2018
618
Dünya
A
Misir Prezidenti Əbdülfəttah əs-Sisi fevralın 13-də Qahirədə Rusiya Xarici Kəşfiyyat Xidmətinin direktoru Sergey Narışkini qəbul edib. Bu barədə Misir Prezidenti Dəftərxanasının rəsmi nümayəndəsi Bəssam Radi məlumat verib.

"Ölkə.Az" "Azərtac"a istinadən xəbər verir ki, Misir Prezidenti iki ölkə arasında münasibətləri yüksək qiymətləndirib. O, Misirin Rusiya ilə qarşılıqlı münasibətləri bütün istiqamətlərdə daha da möhkəmləndirməyə tərəfdar olduğunu bildirib.

S.Narışkin regionda sülhün və sabitliyin bərqərar edilməsi prosesinin ən mühüm iştirakçılarından biri kimi Misirin rolunu qeyd edərək, xüsusilə terrorizmin regiona və bütün dünyaya təhlükə olduğu bir vaxtda iki ölkə arasında təhlükəsizlik sahəsində əməkdaşlığın əhəmiyyətini vurğulayıb.

B.Radinin sözlərinə görə, tərəflər terrorizmə qarşı mübarizə məsələlərini müzakirə ediblər. Prezident Əbdülfəttah əs-Sisi xüsusi vurğulayıb ki, terrorizmi tamamilə aradan qaldırmaq üçün beynəlxalq birliyin səylərini birləşdirmək, bu zaman ayrı-ayrı terrorçu qruplaşmalar arasında fərq qoymamaq lazımdır.

Görüşdə Yaxın Şərq böhranının ayrı-ayrı dövlətlərin suverenliyinin və ərazi bütövlüyünün saxlanılması şərti ilə nizamlanması yolları ətrafında geniş fikir mübadiləsi aparılıb.

Ölkə.Az

ŞƏRH YAZ
0

İraqda 16 türkiyəli qadına ölüm cəzası verilib

İraqda 16 türkiyəli qadına ölüm cəzası verilib
21:20
Bu gün
176
Dünya
A
İraq məhkəməsi İŞİD-ə qoşulmuş 16 türkiyəli qadına ölüm cəzası verib.

"Ölkə.Az" "Reuters"ə istinadən xəbər verir ki, qadınlar terror planlarının həyata keçirilməsində terrorçulara yardım göstərdiklərini etiraf ediblər.

Türkiyə vətəndaşı olan daha 10 qadın müxtəlif həbs cəzalarına məhkum ediliblər. 

Qadınlar uzun müddət İŞİD-in nəzarətində olmuş Mosul və Təl Afar bölgələrində saxlanılıblar.

Ölkə.Az

ŞƏRH YAZ
0

Rusiya qisas aldı — Suriyada iki minə qədər Amerika əsgəri məhv edildi

Rusiya qisas aldı
19:40
Bu gün
728
Dünya
A
Rusiyanın beşinci nəsil Su-57 qırıcıları Suriyada Şərqi Qutaya güclü zərbələr endiriblər.

Ölkə.Az" xəbər verir ki, bu barədə xəbəri REX informasiya agentliyi Suriya KİV-ə istinadən yayıb. Qeyd olunur ki, nəticədə şəxsi hərbi şirkətlərin (ŞHŞ) tərkibində fəaliyyət göstərən 2 minə qədər Amerika əsgəri həlak olub.

Agentliyin məlumatına görə, ABŞ Dövlət Departamentinin nümayəndələri Moskvaya zəng etməyə çalışıblar, ancaq orada onlara heç kim cavab verməyib.

Xatırladaq ki, fevralın 7-də Suriyanın Deyr- ez-Zora əyalətində Amerika aviasiyasının zərbələri nəticəsində respublika ərazisindəki döyüşlərdə iştirak etmiş təxminən 100 nəfər Rusiya vətəndaşı həlak olmuşdu.

Ölkə.Az

ŞƏRH YAZ
0
BAĞLA