Misirdə 3200 illik pendir tapıldı
İtaliyanın Kataniya universitetinin alimləri Qahirə yaxınlığındakı Sakkarada qədim sərdabələri tədqiq edirlər.
“Ölkə.Az” xəbər verir ki, tədqiqat zamanı 3200 illik pendir kəşf edilib. Dünyanın ən qədim pendirlərindən biri olan bu pendir inək, qoyun və keçi südündən hazırlanıb.
Alimlərin Sakkaradakı sərdabədən tapdıqları pendir qalıqları eramızdan əvvəl 1290-1213-cü illərdə hazırlanıb.
Laboratoriya analizləri nəticəsində alimlər həm pendirin tərkibini öyrəndilər, həm də onun tərkibində bakteriyalar aşkar etdilər. Bu bakteriyalar Qədim Misirdə “Aralıq dənizi” qızdırması kimi xəstəliyə səbəb olurdu və ev heyvanları ilə insanlara yoluxurdu. Məlum olduğu kimi, bu xəstəlik güclü zəiflik yaradır.
Sakarrada qədimdən qalma nekropol var. Sakarranın ən məşhur tarixi abidəsi pilləkənli Coser piramidasıdır.
Hikmət Həsənov
Ölkə.Az
