Misirdə iki sərnişin qatarı toqquşdu — 49 ölü

Misirdə iki sərnişin qatarı toqquşdu
11:15
12.08.2017
296
Dünya
A
Misirdə ağır dəmiryolu qəzası baş verib.

"Ölkə.Az" xəbər verir ki, İskəndəriyyə şəhəri yaxınlığında iki sərnişin qatarı toqquşub. İnsident nəticəsində 49 nəfər yaralanıb, 123 nəfər xəsarət alıb.

Əvvəlcə 36 nəfərin öldüyü barədə məlumat verilsə də, sonradan bu rəqəm 49-a qədər artıb. Hadisə yerində xilasedicilər və təcili tibbi yardım briqadaları işləyir.

Bəzi versiyalara görə qatarlardan biri relsdən çıxaraq yaxınlıqdan keçən digər qatarla toqquşub. Qatarlardan biri Qahirədən, digəri isə Port-Səid şəhərindən gəlirmiş.

Misirin baş naziri İsmayıl Şərif bildirib ki, İskəndəriyyənin bütün xəstəxanaları gücləndirilmiş iş rejimində çalışır.

İskəndəriyyə qubernatoru Məhəmməd Sultan qəzanın səbəbi haqqında məlumat verib. Bildirilir ki, dəmiryolu işçisinin səhv siqnalı qəzaya səbəb olub.

Hikmət Həsənov
Ölkə.Az

ŞƏRH YAZ
0

CAR-da mikroavtobusa silahlı hücum — 11 nəfər həlak olub + FOTO

CAR-da mikroavtobusa silahlı hücum
14:27
Bu gün
620
Dünya
A
Cənubi Afrika Respublikasında naməlum şəxslər mikroavtobusa hücum ediblər.

"Ölkə.Az" xarici mediaya istinadən xəbər verir ki, nəticədə 11 nəfər həlak olub.

Mikroavtobusun sərnişinləri Taksiçilər Assosiasiyasının üzvləri olublar. 

Onlar Kvazulu-Natal vilayətindən Yohannesburqa həmkarlarının dəfnində iştirak etməyə gedirlərmiş.

Polisin verdiyi məlumata görə, onlara kolların arxasinda gizlənən silahlılar qəflətən hücum ediblər.

Ölkə.Az

ŞƏRH YAZ
0

İranın Hörmüzqan vilayətində zəlzələ olub

İranın Hörmüzqan vilayətində zəlzələ olub
13:35
Bu gün
632
Dünya
A
Bu gün yerli vaxtla səhər saat 09.37 radələrində İranın Hörmüzqan əyalətindəki Ruydar şəhərində 5,7 bal gücündə zəlzələ olub.

"Ölkə.Az" İRNA agentliyinə istinadən xəbər verir ki, bu barədə Tehran Universitetinin Geofizika İnstitutunun Seysmoloji mərkəzi məlumat yayıb.

Zəlzələnin ocağı 8 km dərinlikdə, Bəndər Abbas şəhərindən 130 km uzaqlıqda olub. Zəlzələ rayonuna həkim qrupu və xilasedici briqada göndərilib. Dağıntı və tələfat barədə hələ məlumat daxil olmayıb.

Qeyd edək ki, 12 noyabr 2017-ci ildə İranın qərbində Kirmanşah əyalətində 7,3 bal gücündə zəlzələ olub,  600-dən çox insan ölüb.

Ölkə.Az

ŞƏRH YAZ
0
BAĞLA