Misirdə Nəsiminin Azərbaycan dilində əlyazması tapılıb

Misirdə Nəsiminin Azərbaycan dilində əlyazması tapılıb
10:01
12.06.2019
2128
Ölkə
A
Azərbaycanlı tədqiqatçı-alim, “Vətənpərvər” – Azərbaycanın Misirdə Diaspor Təşkilatları Birliyinin sədri Seymur Nəsirov Azərbaycanın dahi şairi və mütəfəkkiri İmadəddin Nəsiminin əlyazmalarını ortaya çıxarıb.

"Ölkə.Az" xəbər verir ki, Seymur Nəsirov Azvision.az -a müsahibəsində bildirib ki, dahi şair haqqında apardığı tədqiqatlar əsnasında, Misirin paytaxtı Qahirədə yerləşən “Misir Kitablar Evi”ndə (Dər əl-Kutub əl-Misriyyə) İmadəddin Nəsiminin Azərbaycan və fars dillərində olan əlyazmalarını tapıb. 

O bildirib ki, Azərbaycan dilində olan əlyazmanın üzərində Nəsimi Külliyatı yazılıb və bu külliyat şer və nəsrdən ibarətdir. Şeirlərin çoxu rübai və məsnəvi üslubunda yazılsa da, qəzəl də var. Nəsrlər isə əsasən öyüd-nəsihət və Peyğəmbərin əhli beytindən bəhs edir. 

“Mənim ən çox diqqətimi çəkən ərəb əlifbasının sırasına uyğun olaraq, sonu eyni hərflə bitən ayrı-ayrı şerlərin olmasıdır. 254 vərəqdən ibarət əlyazma kiçik hərflərlə nəstəliğ xətti ilə yazılıb. Hicri tarixi ilə 941-ci ildə (miladi 1535-ci il) Pir Əhməd İskəndər oğlu tərəfindən üzü köçürülüb. Fars dilində olan əlyazma isə nisbətən kiçikdir və sadəcə şeirlərdən ibarətdir. Adı "Divan Nəsimi"dir. Şikəstə xəttinə bənzəyən nəstəliğ xətti ilə yazılıb. Əlyazma 86 vərəqdən ibarətdir. Vərəqlərin eni 11, uzunluğu isə 16 santimetrdir”, - deyə tədqiqatçı alim bildirib. 

Xatırladaq ki, Seymur Nəsirov 20 ildən çoxdur ərəb mənbələrində Azərbaycanla bağlı tədqiqatlar aparır, 250-dən çox azərbaycanlı alim haqqında iki kitabın, Misirlə Azərbaycan arasında tarixi və mədəni əlaqələrlə bağlı onlarla məqalənin müəllifidir. 

Qeyd edək ki, “Misir Kitablar Evi” (Dər əl-Kutub əl-Misriyyə) dünyanın ən məşhur və zəngin kitabxanalarından biridir. 

ŞƏRH YAZ
0

Rəşad Atakişiyevlə vida mərasimi keçirilir — YENİLƏNİR-FOTOLAR

Rəşad Atakişiyevlə vida mərasimi keçirilir
09:25
Bu gün
296
Ölkə
A
Azərbaycan Hərbi Hava Qüvvələrinin peşəkar pilotu, polkovnik leytenant Rəşad Atakişiyevlə yaşadığı evdə vida mərasimi keçirilir.

"Ölkə.Az" publika.az-a istinadən xəbər verir ki, Yasamal rayonu Dadaş Bünyadzadə küçəsində keçirilən mərasimə hərbçilər, yerli icra qurumlarının nümayəndələri, mərhumun pilot dostları qatılıb.

Yaşadığı ünvandan götürülən Rəşad Atakişiyevin cənazəsi rəsmi vida mərasiminin keçirilməsi üçün Müdafiə Nazirliyinin Təlim Tədris Mərkəzinə aparılacaq.

Qeyd edək ki, təlim-məşq uçuşu zamanı qəzaya düşən Azərbaycan Hərbi Hava Qüvvələrinin MiQ-29 qırıcısının pilotu polkovnik-leytenant Rəşad Atakişiyevin dünən nəşi tapılıb.

Ölkə.Az

ŞƏRH YAZ
0

660 bal toplayan abituriyent görün haranı SEÇDİ — VİDEO

660 bal toplayan abituriyent  görün haranı SEÇDİ
09:14
Bu gün
617
Ölkə
A
Qəbul imtahanlarında 660 bal toplayan abituriyent paytaxtaxın nüfuzlu universitetlərini yox, Azərbaycan Dövlət Pedaqoji Unverstetinin Şəki filialını seçib.

“Ölkə.Az” xəbər verir ki, Elcan Səlimli Şəki şəhər 20 saylı məktəbi qızıl medalla başa vurub.

Buraxılış imtahanlarında Azərbaycan dilindən 100 faiz nəticə gostərən şagird həm də Azərbaycan dili üzrə respublika fənn olimpiyadasınin gümüş medalını qazanıb. Qəbul imtahanlarında yüksək bal toplasa da, təhsilini Şəkidə Pedaqoji Universitetdə davam etdirmək istəyib.

Onun bu seçmini müəllimləri ilə yanaşı, ailəsi də dəstəkləyib. Elcan deyir ki, onun arzusu Azərbaycan dilini daha mükəmməl öyrənərək, bu sahədə mütəxəssis olmaqdır. Azərbaycan dilinin incəliklərinə bələd olmaq üçün bir neçə xarici dilin öyrənilməsini vacib sayır. Bu səbəbdən ingilis dili üzrə xarici dil müəllimliyini seçib.

Onun sözlərinə görə, yüksək bal toplamağın heç bir sirri yoxdur. Çalışqan olmaq və çoxlu oxumaq lazımdır.

Ölkə.Az

ŞƏRH YAZ
0
BAĞLA