Misirdə zəvvarları daşıyan avtobusa hücum edildi
Misirdə zəvvarları daşıyan avtobus hücuma məruz qalıb.
"Ölkə.Az" xəbər verir ki, terror aktı nəticəsində 23 nəfər həlak olub. Xatırladaq ki, avtobusda xristian-kopt zəvvarları olub. İnsident nəticəsində 25 nəfər də yaralanıb. Hadisə Misirin cənub əyaləti olan Minyada baş verib.
Zəvvarlar Müqəddəs Samuel monastrına gedirmişlər. Yolda avtobusa iki avtomobil yaxınlaşıb. Avtomobildə silahlı şəxslər olub. Onlar avtobusun təkərlərinə atəş açıblar. Sonra isə silahlılar məcburi olaraq dayanan avtobusdakı sərnişinlərə atəş açıblar. Daha sonra silahlılar aradan çıxıblar.
Hazırda ordu birləşmələri insident baş verən əraziyə yaxın yerlərdə terrorçuları axtarırlar.
Hikmət
Ölkə.Az
