Misirin sonuncu şahzadəsi və İran kraliçası — Asiyalı mavi gözlü Venera

Misirin sonuncu şahzadəsi və İran kraliçası
10:57
15.03.2017
275
Maraqlı
A
Fövziyə Misir şahzadəsidir. İran şahı Məhəmməd Rza Pəhləvi ilə ailə quraraq İran kraliçası tituluna sahib olub.

“Ölkə.Az” bu gün Misirin sonuncu şahzadəsi, gözəlliyinə nəinki Şərqdə, Avropa ölkələrində də sitayiş edilən Fövziyə bint Fuadın həyatından bəhs edəcək.

Onun gözəlliyi o qədər qeyri-adi və parlaq idi ki, məşhur fotoqraf Sesil Biton Fövziyəni “Asiyalı mavi gözlü Venera” adlandırdı. Fövziyə kral sarayından, yüksək tituldan və digər imtiyazlardan imtina edir. Bu imtiyazlar ona doğuşdan verilmişdi. Amma Fövziyə bunlardan imtina etdiyi üçün heç də peşman olmadı.

Həyatı
Şahzadə Fövziyə bin Fuad 1921-ci ilin 5 noyabr tarixində İskəndəriyyənin Ras-əl Tin şəhərində anadan olub. O, Misir və Sudan sultanı I Fuadın ikinci arvadı Nazlı Səbridən olan böyük qızıdır. Fövziyənin üç bacısı və qardaşının da adları F hərfi ilə başlayır: Fayza, Fayka, Fəthiyə və Faruk. Sultanın fikrinə görə F hərfi xoşbəxtlik gətirir.

Fövziyə 17 yaşına çatanda gözəl bir qıza çevrilir.  Onun ulu babalarından biri Napoleona xidmət edən fransız zabitlərindən idi. Sonradan Islam dinini qəbul edən zabit Misirdə yaşayır. Görünür, bu genləri hesabına gənc şahzadə Avropa üz cizgilərinə sahib idi.

Bundan başqa Fövziyə təhsilini İsveçrədə alır və demək olar ki, bütün kral sarayları ilə tanış idi. Görünən o idi ki, onu əsl kral gələcəyi gözləyir. Tezliklə Fövziyə İran şahzadəsi Məhəmməd Rza Pəhləvi ilə ailə həyatı qurur.


Kifayət qədər geridə qalmış ölkə sayılan İrandakı həyat gənc şahzadəni razı salmırdı. Amma bu nikah tamamilə siyasi maraqlar səbəbindən qurulmuşdu. Toya qədər bəy və gəlin cəmi bir dəfə Qahirənin Abdin sarayında görüşürlər. Sonradan Tehranda baş tutacaq ikinci mərasimi gözləmək lazım oldu. Bundan sonra isə cütlük nikah münasibətlərinə daxil olur.

Tehrana 200 çemodanla səfər edən Fövziyənin səfəri çətin sınağa çevrilir. Şahzadə özü ilə 200 paltar, 160 cüt ayaqqabı, 7 xəz palto və kifayət qədər zinət əşyası aparır. Təkcə gəlinlik paltarının qiyməti 10 min funt sterlinq idi.


Növbəti il Fövziyənin qızı dünyaya gəlir. Körpəyə Şahnaz adı verilir.

1941-ci ildə Məhəmməd Rza Pəhləvi İran taxtına oturur və Fövziyə İran kraliçası olur. Tezliklə kraliça “Life” jurnalı üçün fotosesiya edir. Onun fotosu jurnalın üz qapağında peyda olduqdan sonra bütün dünya onu “Asiyalı mavi gözlü Venera” adlandırır və dövrün ən gözəl qadınlarından biri kimi tanıyır.


Doğrusunu desək, cütlük xoşbəxt deyildi. Deyilənlərə görə, kral arvadının vərdişlərindən narazı idi. Fövziyə günortaya qədər yorğan-döşəkdən qalxmır, 2 saat paltar geyinmə mərasiminə vaxt sərf edir, günün qalan hissəsini kart oynayır, ya da avtomobildə gəzintiyə çıxırdı.

1942-ci ildən etibarən Fövziyə əri ilə ayrı  evlərdə yaşamağa başladılar. O, çox nadir hallarda kral ilə gecələyirdi.


Bundan başqa, ərə getdikdən sonra Fövziyə total nəzarətə götürülür. Ona qohumları ilə əlaqə saxlamaq qadağan edilir. Şahzadənin Misirdən gətirdiyi nökərləri və əşyaları geri göndərilir.

Hələ bu da azmış kimi, Rza şah Pəhləvi başqa qadınlarla görüşməyə başlayır. Anonim məktublar vasitəsilə məsələdən xəbərdar olan kraliça ərinə xəyanət edir. 1945-ci ilin sonunda Fövziyə Şərq ölkələri, xüsusən də kral ailələri üçün gözlənilməyən addım atır. Kraliça boşanmaq üçün ərizə verir və Misirə qayıdır.


Şah 1948-ci ildə onunla boşanmağa razılıq verir və kraliçanı xəyanətdə günahlandırır. Bu zaman şah öz əməlləri barədə susmağa üstünlük verir. İranda şahın boşanmasına rəsmi səbəb kimi kraliçanın Pəhləviyə vəliəhd doğa bilməməsi göstərildi. Fövziyə 8 yaşlı qızını ərinin ailəsində qoymaq məcburiyyətində qaldı.


Boşandıqdan beş ay sonra Fövziyə Misir ordusunun polkovniki İsmayıl Şirinə ərə gedir. İsmayıl Şirin onun qardaşı Farukun sevimli dostlarından birinin qardaşı oğlu idi. Artıq bu dövrdə Faruk Misir taxtında əyləşmişdi. Fövziyə bir müddət qayğısız və gözəl həyat sürür.

Amma 1952-ci ildə baş verən Misir inqilabı nəticəsində general Abdel Nasser hakimiyyətə gəlir. Kral ölkədən qaçır. Amma onun bacısı ailəsi ilə birlikdə vətəndə qalmağı üstün tutur. Fövziyyə artıq bütün titul və üstünlüklərdən məhrum edilmişdi.


Bir dəfə Misir prezidenti Ənvər Sədat Fövziyəni görüşə çağırır. Görüş vaxtı sonuncu Misir şahzadəsi deyir: “Ömrümdə iki dəfə tacımı itirmək məcburiyyətində qaldım. Birinci dəfə İran kraliçası olanda, ikinci dəfə isə vətənimdə, şahzadə titulunu itirdim. Vacib deyil. İndi hər şey keçmişdə qalıb”.

Fövziyə həqiqətən də peşmanlıq hissi keçirmirdi. Onun ikinci nikahı uğurlu idi və cütlük xoşbəxt idi. Fövziyə əri ilə 45 il bir yerdə yaşayır.

Bu nikahdan onun iki övladı dünyaya gəlir. Misirdə yerli xalq Fövziyəyə böyük hörmət və sevgi göstərir, onu şahzadə adlandırırdı.

Misirin sonuncu şahzadəsi 2013-cü ildə 91 yaşında dünyasını dəyişir...

Hikmət
Ölkə.Az

ŞƏRH YAZ
0

Hindistanda qalmaqal — 17 yaşlı aktrisaya təyyarədə təcavüz

Hindistanda qalmaqal
11:05
Bu gün
702
Maraqlı
A
Hindistanda yeni qalmaqal üzə çıxıb.

"Ölkə.Az" xəbər verir ki, Bollivudun gənc aktrisalarından olan Zayra Vasim təyyarə səyahəti zamanı başına gələn təcavüz hadisəsini sosial mətbuatda paylaşıb. 

17 yaşlı aktirsa Dehlidən Mubaya təyyarə ilə səyahət edəndə arxa oturacaqda oturan orta yaşlı bir kişi tərəfindən təcavüzə məruz qalıb.

Zayra yazıb: "Əvvəlcə elə bildim ki, təyyarə hava boşluğuna düşüb. Sonra gördüm ki, arxa tərəfdə əyləşən sərnişin müntəzəm olaraq ayağını boynuva və kürəyimə sürtür".

Aktrisa ayağını ona sürtən şəxsin fotosunu da çəkib paylaşıb. Aparılan istintaq nəticəsində Vikaş Saçdev adlı iş adamı saxlanılıb.

Ölkə.Az

ŞƏRH YAZ
0

Günün qoroskopu: işgüzar əməkdaşlığa başlamaq üçün yaxşı gündür

Günün qoroskopu: işgüzar əməkdaşlığa başlamaq üçün yaxşı gündür
00:00
Bu gün
1591
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - inad, məqsədyönlülük və güclü iradə sayəsində ən mürəkkəb məsələlərin öhdəsindən gələ biləcəksiniz. İşgüzar danışıqlar, maliyyə məsələlərinin müzakirəsi və həlli üçün münasib gündür. Axşam vacib bir məlumat alacaqsınız.
Yaxınlarınızla aranızda fikir ayrılığı yarana bilər. Ailədə liderlik üstündə mübahisə istisna deyil. Xoşbəxtlikdən, münaqişənin yaranmasına imkan vermir, nəzakətli olmağa çalışırsınız. Günün ikinci yarısı ziyafyətə qatılmaq olar.

Buğa - uzun müddət sizi irəliləməyə qoymayan emosional problemləri həll etməyin zamanı gəldi. Bu asan olmayacaq, ancaq səylərinizin nəticəsindən məmnun qalacaqsınız. İdmanla, fiziki işlə məşğul olmaq üçün münasib gündür - bu, həm kefinizi qaldırır, həm də pozitiv əhvala köklənməyə imkan yaradır.
Ətrafınızdakılara qarşı gerçək marağınız yeni tanışlıqlar qurmağa imkan verir: münasibətlər o qədər sürətli inkişaf edir ki, bəzən hətta özünüzü də qorxudur. Ancaq perspektivlər heç də pis deyil.

Əkizlər - işgüzar əməkdaşlığa başlamaq üçün yaxşı gündür. İnsanları sizin üçün faydalı olan əməllərə asanlıqla yönəldirsiniz. Uzunmüddətli əməkdaşlıq barədə müqavilələr imzalaya bilərsiniz. Vacib işgüzar və şəxsi məsələlərin müzakirəsi məhsuldar keçəcək.
İri məbləğdə pul xərcləyə bilərsiniz. İncəsənət və şou-biznes sahəsinə aid insanlarla ünsiyyət xoş keçəcək. Enerjiniz çoxdur, idmanla məşğul olmaq faydalıdır. Sağlamlaşdırıcı prosedurlar səmərəli olacaq.

Xərçəng - düşünülməmiş, qətiyyətli hərəkətlər günüdür: bunların əsl motivi heç özünüzə də bəlli deyil. İş bundadır ki, intuisiyanız hakimiyyəti ələ alıb, sağlam düşüncə isə onun ardınca çatdırmır. Əməllərinizin nəticəsi gözlənilməz, ancaq xoş olacaq.
Elmi ədəbiyyat oxumağınız, peşəkarlığınızı artırmaq, dünyagörüşünüzü genişləndirmək məsləhətdir. İntellektual potensialınız çox yüksəkdir, bundan yararlanmağa çalışın. Gözlənilmədən şəxsi xarakterli vacib suallarınıza cavab ala bilərsiniz. 

Şir - ünsiyyət üçün xoş gündür. Başqalarının istəklərinə qarşı diqqətlisiniz, onların arzularını və ehtiyaclarını nəzərə alırsınız. Nüfuzlu bir şəxsdə özünüz haqda xoş təəssürat yarada biləcəksiniz. Yaxşı ideyalarınız varsa, onları həyata keçirmək üçün köməkçiləriniz də var.
Yaradıcı potensialınız yüksəkdir. İstənilən şəraitdən çıxış yolu tapa biləcəksiniz. Bu günə romantik görüş təyin edə bilərsiniz: gözəl və unudulmaz olması sizin əlinizdədir. Gözlənilməz təkliflər ala bilərsiniz, bunları qəbul etdiyinizə peşman olmayacaqsınız.  

Qız - vergi, sığorta, kreditlə məşğul olan idarələrin işçilərinin bəxti bu gün yaman gətirəcək. Mürəkkəb hesablamalar aparmaq, biznes-plan hazırlamaq olar.
Yaranan imkandan istifadə edərək sizin üçün dəyərli olan adamlarla münasibətlərinizi düzəldin. İndi həm çoxdankı fikir ayrılıqlarını bitirə, həm də gələcək üçün ortaq planları müzakirə edə bilərsiniz. İri alış-veriş etmək məsləhət deyil.  

Tərəzi - risk etməyə, taleyinizi sınağa çəkməyə meyllisiniz. Xoşbəxtlikdən, bunun nəticələri pis olmayacaq, gözlədiyinizdən daha çox bəxtiniz gətirir. Maliyyə işlərində uğurlar mümkündür, sərfəli sövdələr bağlaya bilərsiniz. Gözləmədiyiniz mənbədən pul daxil ola bilər. 
Əməyinizin dərhal mükafatlandırılacağını gözləməyin: hazırda gələcək uğurlarınızın bünövrəsini qoyursunuz. Yeni ortaqlarınızla əsəkdaşlığınız məhsuldar olacaq. Bu gün başlanan romantik tanışlıq uzun sürməsə də, həyatınızı dəyişdirəcək.

Əqrəb -  strateji məsələlərin həlli və uzunmüddətli planlaşdırma üçün münasib gündür. İntellektual potensialınız çox yüksəkdir, istənilən mürəkkəb situasiyadan çıxış yolu tapmağa qadirsiniz. Ətrafınızdakılar sizinlə zarafat edir, bəzən hətta məsxərəyə keçirlər. Amma bu, sizin əhvalınızı pozmur. Axşamadək kefiniz yaxşı olacaq.
Səfərlər yaxşı keçir, yollarda maraqlı tanışlıqlar qura bilərsiniz. Aktiv istirahət, idman, uzunmüddətli gəzintilər üçün yaxşı gündür. Axşam gözlənilməz bir görüş həyatınıza güclü təsir edəcək.

Oxatan - gün sizə yorucu görünür, ancaq səyləriniz hədər getməyəcək, əldə etdiyiniz nəticələr sevindirəcək. Ətrafınızdakılarla asan dil tapır, onların hərəkətlərinin əsl məramını və gizli fikirlərini vaxtında anlayırsınız. Düşmənlərinizi ifşa edə bilərsiniz.
Ailə üzvlərinə aid xəbərlər sevindirəcək. Bir çox Oxatanların bayram etmək üçün səbəbləri var. Bir az özünüzü nazlandırmaq, həmçinin yaxınlarınızı sürprizlərlə sevindirmək imkanlarını qaçırmayacaqsınız. Xərcləriniz çox olacaq, amma pulsuz qalmaqdan qorxmayın.

Oğlaq - hissiyyatlı adamların həyatı sürətlə dəyişir, əvvəlki şübhələr və məyusluqlardan əsər-əlamət qalmır. Zəhmət çəkin - bəhrəsini görün!
İmkanlar inanılmazdır, sadəcə, öz gücünüzə inanmağınız yetər. Uzunmüddətli planları dəqiqləşdirmək lazım gəlir. Bu, ümumilikdə faydalıdır. Maliyyə və əmlak məsələlərinin uğurlu həlli mümkündür.

Dolça - çox enerjilisiniz, bir yerdə dayanmaq bilmirsiniz. Hansısa yeni bir işə başlamazdan əvvəl onu yaxşıca götür-qoy edin. Emosiyaların təsiri altında hərəkət edir, bununla vurnuxma, gərəksiz qayğılar yaradırsınız. Daha təcrübəli insanların məsləhətlərini dinləyin. 
Maliyyə və əmlak məsələlərilə bağlı vacib qərarlar vermək məsləhət deyil. Ailə problemləri çox diqqət tələb edəcək. Təsadüfi tanışlıq sizdə güclü hisslər oyadacaq. Amma bunun əsl münasibətlərə çevrilməsi şübhə doğurur.

Balıqlar - mürəkkəb məsələlərin həlli, birmənalı olmayan şəraitdən çıxış yolunun tapılması üçün münasib gündür. Bu gün ağlınıza gələn ideyalar həm təzəliyi, həm də gecikmədən reallaşdırıla bilmələri ilə diqqət çəkəcək. Vaxtınızı boşa verməyin, müsbət tendensiyaların təsiri hələ ki, güclüdür, dayanmayın, hərəkətə keçin.
İşgüzar səfərlər uğurlu olacaq, çox mümkündür ki, belə səfərlər zamanı maraqlı, eyni zamanda romantik xarakterli tanışlıqlar olsun. Bu gün aşiq olmaq, həmçinin başqalarını özünüzə valeh etmək çox asandır.

ŞƏRH YAZ
0
BAĞLA