Mixeil Saakaşvilinin partiyasına yeni sədr seçilib

Mixeil Saakaşvilinin partiyasına yeni sədr seçilib
18:50
24.03.2019
804
Dünya
A
Bu gün Gürcüstanın sabiq prezidenti Mixeil Saakaşvilinin lideri olduğu Vahid Milli Hərəkat Partiyasının (VMHP) qurultayı keçirilib.

"Ölkə.Az" report-a istinadən bildirir ki, qurultayda VMHP-yə yeni sədr seçkiləri keçirilib.

Qriqol Vaşadze səs çoxluğu ilə partiyanın sədri seçilib. O, partiya sədrliyinə yeganə namizəd olub.

Qurultayda səsvermə elektron qaydada keçirilib. İştirakçılar xüsusi mobil applikasiya vasitəsilə səs veriblər.

Q.Vaşadzenin namizədliyinin lehinə 364 nümayəndə, əleyhinə 1 nəfər səs verib, digər 1 nəfər isə səsvermədə iştirakdan imtina edib.

M.Saakaşvili partiyanın qurultayına canlı video bağlantı ilə qatılıb. O, VMHP-nin böyük ideyalar təşkilatı olduğunu bildirib: "Biz ilk öncə xalqın partiyasıyıq. Bütün insanlar partiya və ölkənin rəhbərliyində iştirak etməlidirlər".

Qeyd edək ki, bu günə qədər VMHP-nin sədri vəzifəsini Nika Melia icra edib.

Q.Vaşadze 2008-2012-ci illərdə Gürcüstanın xarici işlər naziri olub.

Ölkə.Az

ŞƏRH YAZ
0

Ayı deputatın 12 atını parçaladı

Ayı deputatın 12 atını parçaladı
00:34
Bu gün
898
Dünya
A
Ayı Dövlət Dumasının deputatının 12 atını öldürdü.

 "Ölkə.Az" xəbər verir ki, Moskvanın Tver vilayətindən olan Dövlət Dumasının deputatı Serqey Veremeyenko bir ayının Kaşin rayonundakı at fermasına girərək 12 atını parçaladığını söyləyib.

O, İnstagramda atların cəsədləri ilə videogörüntülər yayımlayıb.

"Tver vilayətinin meşələrində ayılar insanların qarşısına çıxır. Onlar getdikcə çoxalır, bu ayı at fermasının yanında peyda olub. Ehtiyatlı olun", — deyə millət vəkili deyib.

Veremeyenko video qeydlərinə şərhlərdə ayıların insanlardan qorxmadığını yazıb. Onun sözlərinə görə, əvvəllər yay ərzində iki at, son bir neçə gün ərzində isə 15 at öldürüblər.

Tveriqrad yazır ki, Kaşin rayonunda Atçılıq təsərrüfatı Veremeyenkoya məxsusdur.

İyul ayında Veremeyenko "hakimiyyət və pul" Forbes reytinqinə daxil olub, burada 100 ən zəngin dövlət məmuru və Rusiyanın deputatları təmsil olunub. Veremeyenko 492,3 milyard rubl illik gəliri elan edib. O, reytinqdə 27-ci yerdə qərarlaşıb.

Müşfiq Məmmədov
Ölkə.Az

ŞƏRH YAZ
0

Avropanın ən böyük məscidi istifadəyə verildi — FOTOLAR

Avropanın ən böyük məscidi istifadəyə verildi
22:16
23.08.2019
4151
Dünya
A
Çeçenistanın Şali şəhərində Məhəmməd Peyğəmbərin (s.a.v) adını daşıyan Avropanın ən böyük məscidinin açılış mərasimi keçirilib.

“Ölkə.Az” TRT-yə istinadən xəbər verir ki, açılış mərasimində Rusiyanın ayrı-ayrı bölgələrindən nümayəndə heyətləri iştirak ediblər.

Qeyd edək ki, bu məsciddə eyni zamanda 30 min adam ibadət edə biləcək. Məscid-kompleksin ümumi əraziləri də nəzərə alınanda, burada 100 min şəxsin namaz qıla biləcə.

Tikintisi 7 ilə tammalanan məscid Yunanıstanın Tasos adasından gətirilən mərmərlərlə bəzədilib.

Ölkə.Az

ŞƏRH YAZ
0
BAĞLA