Mixeil Saakaşvilinin partiyasına yeni sədr seçilib

Mixeil Saakaşvilinin partiyasına yeni sədr seçilib
18:50
24.03.2019
1158
Dünya
A
Bu gün Gürcüstanın sabiq prezidenti Mixeil Saakaşvilinin lideri olduğu Vahid Milli Hərəkat Partiyasının (VMHP) qurultayı keçirilib.

"Ölkə.Az" report-a istinadən bildirir ki, qurultayda VMHP-yə yeni sədr seçkiləri keçirilib.

Qriqol Vaşadze səs çoxluğu ilə partiyanın sədri seçilib. O, partiya sədrliyinə yeganə namizəd olub.

Qurultayda səsvermə elektron qaydada keçirilib. İştirakçılar xüsusi mobil applikasiya vasitəsilə səs veriblər.

Q.Vaşadzenin namizədliyinin lehinə 364 nümayəndə, əleyhinə 1 nəfər səs verib, digər 1 nəfər isə səsvermədə iştirakdan imtina edib.

M.Saakaşvili partiyanın qurultayına canlı video bağlantı ilə qatılıb. O, VMHP-nin böyük ideyalar təşkilatı olduğunu bildirib: "Biz ilk öncə xalqın partiyasıyıq. Bütün insanlar partiya və ölkənin rəhbərliyində iştirak etməlidirlər".

Qeyd edək ki, bu günə qədər VMHP-nin sədri vəzifəsini Nika Melia icra edib.

Q.Vaşadze 2008-2012-ci illərdə Gürcüstanın xarici işlər naziri olub.

Ölkə.Az

ŞƏRH YAZ
0

Rusiyada ilk dəfə video bağlantılı bankomatlar quraşdırılıb

Rusiyada ilk dəfə video bağlantılı bankomatlar quraşdırılıb
21:30
Bu gün
232
Dünya
A
Rusiyanın Azərbaycanda da törəməsi olan "VTB Bank" video bağlantı imkanına malik yeni bankomatlarını təqdim edib.

"Ölkə.Az" Rusiya mətbuatına istinadən xəbər verir ki, bankomatlar paytaxt Moskvadakı 2 filialda quraşdırılıb. 

Müştərilər onların vasitəsilə videoməsləhətlər ala bilər, "bir pəncərə” prinsipi ilə təqdim edilən xidmətlərdən istifadə edə bilərlər. Bankomatların sınaq müddəti başa çatdıqdan sonra onlarla göstərilən xidmətlərin sayı artırılacaq. Belə ki, ofis menecerlərinin göstərdiyi xidmətlərin 90%-nin həmin bankomatlara əlavə edilməsi nəzərdə tutulub.

ŞƏRH YAZ
0

İt fotosessiya zamanı qızın üzünü parçaladı

İt fotosessiya zamanı qızın üzünü parçaladı
18:42
Bu gün
1106
Dünya
A
Argentinalı bir gənc qıza ovçarka cinsindən olan it ilə fotosessiya etdirmək baha başa gəlib.

“Ölkə.Az” xəbər verir ki, 17 yaşlı Lara Sanson it ilə bir neçə foto çəkdirdikdən sonra başını onun ağzının içinə qoymaq qərarına gəlir.

Ancaq anidən ovçarka Laranın üzünü dişləyib.  Heyvan qızın üzündə çoxsaylı yaralar açıb.

Lara təcili xəstəxanaya çatdırılıb. İki saat davam edən əməliyyat zamanı həkimlər qızın üzünə təxminən 40 tikiş qoyublar. Bəzi yaralar isə tikiş  qoymaq üçün daha dərin olub.

Lakin buna baxmayaraq, Lara itlərin müdafiəsi uğrunda fəal iştirak edir. Hətta o, bu şəkilləri sosial şəbəkə hesabında “Hər şeyin yolunda getmədiyi - fotosessiya” başlığı ilə də paylaşıb.

Ölkə.Az

ŞƏRH YAZ
0
BAĞLA