Mixeil Saakaşvilinin partiyasına yeni sədr seçilib

Mixeil Saakaşvilinin partiyasına yeni sədr seçilib
18:50
24.03.2019
791
Dünya
A
Bu gün Gürcüstanın sabiq prezidenti Mixeil Saakaşvilinin lideri olduğu Vahid Milli Hərəkat Partiyasının (VMHP) qurultayı keçirilib.

"Ölkə.Az" report-a istinadən bildirir ki, qurultayda VMHP-yə yeni sədr seçkiləri keçirilib.

Qriqol Vaşadze səs çoxluğu ilə partiyanın sədri seçilib. O, partiya sədrliyinə yeganə namizəd olub.

Qurultayda səsvermə elektron qaydada keçirilib. İştirakçılar xüsusi mobil applikasiya vasitəsilə səs veriblər.

Q.Vaşadzenin namizədliyinin lehinə 364 nümayəndə, əleyhinə 1 nəfər səs verib, digər 1 nəfər isə səsvermədə iştirakdan imtina edib.

M.Saakaşvili partiyanın qurultayına canlı video bağlantı ilə qatılıb. O, VMHP-nin böyük ideyalar təşkilatı olduğunu bildirib: "Biz ilk öncə xalqın partiyasıyıq. Bütün insanlar partiya və ölkənin rəhbərliyində iştirak etməlidirlər".

Qeyd edək ki, bu günə qədər VMHP-nin sədri vəzifəsini Nika Melia icra edib.

Q.Vaşadze 2008-2012-ci illərdə Gürcüstanın xarici işlər naziri olub.

Ölkə.Az

ŞƏRH YAZ
0

“Apple” film və seriallar üçün 6 milyard dollar ayırır

“Apple” film və seriallar üçün 6 milyard dollar ayırır
08:50
Bu gün
194
Dünya
A
“Apple” şirkəti özünün Apple TV+ online kinoteatrının filmlərinin, seriallarının və şoularının istehsalı üçün 6 milyard dollar vəsait ayırıb.

“Ölkə.Az” technote-yə istinadən xəbər verir ki, öncə şirkət öz orijinal kontentinin yaradılması üçün 1 milyard dollar vəsait ayırmışdı. Lakin istehsal prosesi zamanı xərclənən vəsaitlərin həcmi artdı.

Təkcə məşhur “Hollywood” ulduzları olan Cennifer Aniston ilə Rise Uithespunun iştirakı ilə yaradılan şouya “Apple” şirkəti bir neçə yüz milyon dollar vəsait xərcləyib. Müqayisə üçün qeyd etmək lazımdır ki, məşhur Game of Thrones serialının hər bir final seriyasının büdcəsi 15 milyon dollar təşkil etmişdi.

Ölkə.Az

ŞƏRH YAZ
0

14 yaşlı qızı müsəlman olduğu üçün döydülər — VİDEO

14 yaşlı qızı müsəlman olduğu üçün döydülər
01:32
Bu gün
1226
Dünya
A
İrlandiyanın paytaxtın Dublinin Dundrum qəsəbəsində 14 yaşlı müsəlman qız küçədə radikalların hücumuna məruz qalıb.

“Ölkə.Az” DHA-ya istinadən xəbər verir ki, hicablı qız yolda gedərkən bir neçə nəfər ona hücum edib.

Hicabını çıxarıblar, yerə yıxaraq təpik və yumruq vurublar. Qızı döyən şəxslər daha sonra ərazidən uzaqlaşıblar.

Hazırda polis həmin şəxsləri axtarır.

Ölkə.Az

ŞƏRH YAZ
0
BAĞLA