Mixeil Saakaşvilinin partiyasına yeni sədr seçilib

Mixeil Saakaşvilinin partiyasına yeni sədr seçilib
18:50
24.03.2019
935
Dünya
A
Bu gün Gürcüstanın sabiq prezidenti Mixeil Saakaşvilinin lideri olduğu Vahid Milli Hərəkat Partiyasının (VMHP) qurultayı keçirilib.

"Ölkə.Az" report-a istinadən bildirir ki, qurultayda VMHP-yə yeni sədr seçkiləri keçirilib.

Qriqol Vaşadze səs çoxluğu ilə partiyanın sədri seçilib. O, partiya sədrliyinə yeganə namizəd olub.

Qurultayda səsvermə elektron qaydada keçirilib. İştirakçılar xüsusi mobil applikasiya vasitəsilə səs veriblər.

Q.Vaşadzenin namizədliyinin lehinə 364 nümayəndə, əleyhinə 1 nəfər səs verib, digər 1 nəfər isə səsvermədə iştirakdan imtina edib.

M.Saakaşvili partiyanın qurultayına canlı video bağlantı ilə qatılıb. O, VMHP-nin böyük ideyalar təşkilatı olduğunu bildirib: "Biz ilk öncə xalqın partiyasıyıq. Bütün insanlar partiya və ölkənin rəhbərliyində iştirak etməlidirlər".

Qeyd edək ki, bu günə qədər VMHP-nin sədri vəzifəsini Nika Melia icra edib.

Q.Vaşadze 2008-2012-ci illərdə Gürcüstanın xarici işlər naziri olub.

Ölkə.Az

ŞƏRH YAZ
0

Şimali Koreya “olduqca vacib” sınaq keçirib

Şimali Koreya “olduqca vacib” sınaq keçirib
12:00
Bu gün
298
Dünya
A
Phenyan özünün Sohae kosmodromunda ölkənin strateji mövqeyinə həlledici təsir göstərəcək “olduqca vacib” sınaq keçirdiyini bildirib.

Bu barədə Şimali Koreyanın KMTA-nin yaydığı məlumatda deyilir.

Bildirilir ki, şənbə günü günorta saatlarında keçirilən sınağın nəticəsi barədə KXDR-nın hakim İşçi Partiyasının Mərkəzi Komitəsinə hesabat verilib.

Agentlik qeyd edir ki, testin nəticələri “yaxın gələcəkdə Şimali Koreyanın strateji mövqeyinin dəyişməsinə mühüm təsir göstərəcək”.

Hansı sınaqlardan söhbət getdiyi açıqlanmır. “Associated Press” agentliyi yazır ki, peyk vasitəsilə əldə edilən şəkillərə əsasən, Şimali Koreya, ola bilsin, kosmodromun meydançasındakı peyk buraxılış qurğularının işə salınması üçün istifadə olunan mühərrikləri sınaqdan keçirməyə hazırlaşır.

ŞƏRH YAZ
0

Ən gənc tələbənin rekordunu 9 yaşlı vunderkind qırdı — FOTO

Ən gənc tələbənin rekordunu 9 yaşlı vunderkind qırdı
11:42
Bu gün
373
Dünya
A
Amsterdamdan olan doqquz yaşlı vunderkind Loran Simons hazırda Elektrotexnika fakültəsində təhsil alır.

"Ölkə.Az" bildirir ki, “Komsomolskaya Pravda”nın verdiyi məlumata əsasən, vunderkind ibtidai sinif proqramını cəmi 2,5 ilə mənimsəyib, orta və yuxarı sinifləri bitirməyi haqqında attestatı isə 18 aya alıb. O, ötən il cəmi 8 yaşında olanda isə universitetə qəbul olub və bu dəfə də proqramı mənimsəməkdə tələbə yoldaşlarını qabaqlayıb.

Gələn ilin yayında Loran diplom işini müdafiə etməlidir. Həmin vaxt onun doqquz yaşı olacaq və beləliklə də amerikalı Maykl Kirninin rekordunu qırmış olacaq. Belə ki, Alabama universitetinin antropoloq ixtisası üzrə diplomu alanda amerikalı vunderkindin 10 yaşı vardı.

Loranın ən sevimli fənni riyaziyyatdır, çünki o özündə 3 elmi: statistika, cəbr və həndəsəni ehtiva edir.

Uşaq kardiocərrah olmağı arzulayır və hələ məktəbdə oxuyan zaman tibb fakültəsinin kursunu keçib.

145 ballıq İQ səviyyəsinin sahibi olan vunderkind fotoqrafik yaddaşı ilə də seçilir.

Xüsusi istedadı nəticəsində məşhurlaşan balaca tələbənin “Instagram”da 35 mindən çox izləyicisi var.

ŞƏRH YAZ
0
BAĞLA