Möhtəşəm avtomobil "Mercedes-Benz S-Class" Bakıda təqdim olundu — FOTOLAR

Möhtəşəm avtomobil
11:03
14.09.2017
777
Maraqlı
A
Bakının avtomobil həyatında əlamətdar hadisə baş verib.

Mercedes-Benz şirkətinin ölkəmizdəki rəsmi distributoru “Avtokapital-Azərbaycan” şirkəti, alman markasının yerli dilerləri “Autostar Kaukasus” və “Abşeron Avtomobil Mərkəzi” ilə birlikdə avtomobil sənayesinin yeni şah əsəri olan yenilənmiş Mercedes-Benz S-Class flaqman sedanını Bakı sakinlərinə təqdim edib.

“Mercedes-Benz Summer Farewell Evening” adlı təqdimat mərasimi Bilgəhdə yerləşən Buddha-Bar Beach Baku əyləncə mərkəzində keçirilib. Gecəyə toplaşan qonaqlar ekzotik yeməklərdən dadmaq və füsunkar əyləncə proqramına tamaşa etmək imkanına malik olublar. 

Gecədə çıxış edən “Avtokapital-Azərbaycan” şirkətinin nümayəndəsi qonaqları salamlayaraq, yenilənmiş Mercedes-Benz S-Class modeli barədə ətraflı məlumat verib. Nümayiş etdirilən avtomobillərin üzərindən örtüklərin görürülməsindən sonra qonaqlar yenilənmiş S-Class modeli ilə yaxından tanış olmaq şansı əldə ediblər. Zahiri görünüş cəhətdən yenilənmiş sedan tamamilə ön işıq texnikası, radiator barmaqlığı və modifikasiyasından asılı olaraq dəyişəcək aerodinamik kuzov dəsti ilə seçilir. Avtomobilin salonundakı yeniliklər sensorlu panelləri olan üçqollu sükan çarxından ibarətdir ki, bu sükan da modifikasiyadan asılı olaraq müxtəlif ola bilər. Misal üçün, Maybach və AMG variantlarının sükanları adi sedanda olduğundan fərqlidir. Bundan başqa, multimedia sisteminin displeyinin və cihazlar panelinin tərtibatı da yenilənmişdir. Artıq bu displeylər E-Class modelində olduğu kimi bir şüşənin altında yerləşdirilib. Yeni modelin təchizatına çoxlu sayda təkmilləşdırılmış, həmçinin sayı artırılmış təhlükəsizlik və sürücüyə yardım sistemləri daxil edilib. 

Yenilənmiş Mercedes-Benz S-Class şossedə avtonom hərəkət, zolaqdəyişmə imkanı verən avtopilot sisteminə, həmçinin digər avtomobillər və infrastruktur obyektləriilə «ünsiyyət» qurmaq funksiyasına, smartfonla kənardan idarə edilən avtomatik parktronik sisteminə sahib olmuşdur. Eyni zamanda, yenilənmiş Mercedes-Benz S-Class sükan idarəetməsinə də müdaxilə edərək, sürücüyə qəzadan yayınmağa yardım edir. Bundan əlavə, avtomobilin avadanlıq siyahısına Energizing sistemi də daxil edilibdir ki, bu sistem də 10 dəqiqəlik əhval-ruhiyyə yüksəltmə - Warmth, Vitality, Joy, Comfort və Training (üç variantda) proqramlarına malikdir. Seçilmiş proqramdan asılı olaraq, sistem oturacaqların tənzimləmələrini (isitmə, havalandırma və massaj), salonun LED işıqlandırmasını (64 çalar seçimi), klimat-kontrolun (qorulandırma da daxildir) iş rejimini dəyişir və musiqili müşayəti seçir. Bayraqdar sedanın mühərrik çeşidinə 4,0-litrlik iki turbokompressorlu V8 mühərriki daxil edilmişdir. Bu mühərrik 4,7-litrlik və 5,5-litrlik səkkiz silindrli mühərrikləri əvəz etmişdir. Mercedes-Benz S560 modifikasiyasınıda bu mühərrik 469 at qüvvəsi, Mercedes-AMG S63 modifikasiyasında isə 612 at qüvvəsi hasil edir. Bayraqdar sedanın «qaynar» Mercedes-AMG S63 4Matic+ modifikasiyası, eyni zamanda, doqquz pilləli AMG Speedshift MCT ötürmələr qutusunu da əldə edib. Mercedes-AMG S63 4Matic+ modeli 100 km/saat həddinə 3,5 saniyəyə sürətlənir. AMG Driver’s Package dəstinin sifariş edilməsi modelin maksimal sürət həddini 300 km/saata qədər artırır. 6,0-litrlik V12 biturbo mühərriki ilə təchiz edilmiş arxa çəkişli Mercedes-AMG S65 modeli isə 100 km/saat sürətini 4,3 saniyəyə toplayır. Yenilənmiş bayraqdar sedanın mühərrik çeşidinə 3,0-ltrlik sıralı dizel mühərriki daxil edilibdir ki, bu aqreqat da 286 at qüvvəsi və 600 Nm fırlanma anı (S350 d 4Matic), həmçinin 340 at qüvvəsi və 700 Nm fırlanma anı (S400 d) hasil edir.

ŞƏRH YAZ
0

“Euronews”da Azərbaycanla bağlı reportaj — VİDEO

“Euronews”da Azərbaycanla bağlı reportaj
01:29
Bu gün
2932
Maraqlı
A
“Euronews” telekanalı Azərbaycanla bağlı reportaj təqdim edib.

"Ölkə.Az" xəbər verir ki, Azərbaycan Konqreslər Bürosunun təşəbbüsü ilə “Euronews” telekanalında yayımlanan “Destination” proqramı növbəti sayını Bakı Şopinq Festivalına həsr edib. Verilişdə Bakı Şopinq Festivalının xüsusiyyətləri və üstünlükləri haqda  məlumat, iştirakçı mağazaların təmsilçilərinin festivala qoşulmağın bizneslərinə verdiyi faydalar barədə fikirləri yer alıb.

Ölkə.Az

ŞƏRH YAZ
0

Təşvişə düşməyin...

Təşvişə düşməyin...
01:00
Bu gün
2687
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - çətinliklər və problemlərdən xali olmayan gündür. Amma uğursuz zaman da deyil. Başladığınız işləri tez başa vuracaq, nailiyyətlər əldə edəcəksiniz. Mühüm işləri yarımçıq qoymayın. Yaxın ətrafınızdakı insanlarla dil tapmağa çalışın.

Günün ikinci yarısında dəyərli təcrübə və önəmli məlumatlar əldə edə bilərsiniz.

Yaşam potensialının səviyyəsi yüksəkdir. Aktiv istirahət, gəzinti və idmanla məşğul olmaq əhvalınızı yaxşılaşdıra bilər.

Axşam saatlarında normal istirahət edin. Sevdiyiniz insanı sevindirməyi unutmayın.

Buğa - diqqətli olun. Əsas məsələni unudaraq ikinci dərəcəli detallara həddən ziyadə fikir verməyin. Çoxsaylı, amma qeyri-ciddi səhvləri istisna edin. Sənədlərlə çalışmaq, mürəkkəb hesablamalarla məşğul olmaq üçün münasib zaman deyil.

Günün ikinci yarısında işgüzar danışıqlar pis keçməyəcək. Nüfuzlu insanlarla ünsiyyət gözlənilən nəticəni verəcək.

Yeni tanışlarda özünüzlə bağlı xoş təəssürat yaratmağa çalışın.

Maliyyə məsələləri ilə bağlı mühüm qərarlar qəbul etməyin, anlaşma və ya sövdələşmələri ertələyin. İşgüzar duyumunuz bu gün sizə xilaf çıxa bilər.

Yaxınlarınızla əlaqədə olun. Mühüm, təcili xəbər gələ bilər.

Əkizlər - öz problemlərinizi unutmağa çalışaraq başqalarının müşküllərinin çözülməsinə həddən ziyadə vaxt ayırmayın. Yaxın ətrafınızdakı insanlar sizdən yardım istəyir, kömək diləyirlər. Amma sizdən sui-istifadə etmək, yararlanmaq niyyətində olanlar da var.

Günün ikinci yarısında maraqlı tanışlıqlar ola bilər. Ancaq təmaslarda sərvaxt olun. Mənasız, yaltaq, həyasız insanlardan uzaq durun.

Gəlirlər və maraqlı işgüzar təkliflər istisna deyil. İş üçün münasib zamandır. Səfər və ya səyahət uğurlu alınacaq. Şəraitin dəyişməsi emiosional durumunuza müsbət təsir edəcək.

Xərçəng - müsbət təmayüllərin təsiri artır. Başladığınız işlərdə və layihədə uğura nail ola bilərsiniz. Bədxah və rəqiblərinizin arasında bir neçəsi irəliləyişinizi görərək susmağa, passivliyə üstünlük verirlər. İndiyədək sizdən uzaq duran şəxslər tərəfdaşlıq və əməkdaşlıq təklif edirlər.

İşgüzar danışıqları və görüşləri günün ilk yarısında başa vurun.

Günün ikinci yarısında müstəqil şəkildə, təkbaşına çalışın. Diqqətli olun, acı yanlışlıqlara yol verməyin.

Axşam saatları fiziki təmrinlər və idmanla məşğul ola bilərsiniz. Yaxın ətrafınızdakı insanların rəğbətini qazanmağa çalışın.

Şir - işdə münaqişələrə yol verməməyə çalışın. Hətta ən kiçik münaqişə və ya qarşıdurma belə, işdə rəhbərliklə, həmkarlarla münasibətləri korlaya bilər.

İşgüzar danışıqlara, yeni sifarişin müzakirəsinə tək yollanmayın. Yanınızda sizinlə həmfikir insan olarsa, mövqelərinizi daha səbatlı, daha asan müdafiə edə bilərsiniz.

Günün ikinci yarısında maliyyə itkiləri, planlaşdırılmamış itkilər istisna deyil.

Yaxınlarınızla təmaslarda səmimi, həssas olun. Fikirlərinizi gizlətməyin, amma qabalıq da etməyin. Önəmli vədlər verməyin. Onları yerinə yetirmək düşündüyünüzdən də çətin olacaq.

Qız - peşəkar fəaliyyət baxımından uğurlu gündür. İşlərinizdə irəliləmək, çoxdankı rəqibi geridə qoymaq şanslarınız var. Yeni işə, layihəyə başlamaq olar. Gəlir mənbələrinin sayını artırmağa çalışın.

Günün ikinci yarısında maliyyə fonu daha yaxşı olacaq. Artıq unutmağa başladığınız borcu qaytaracaqlar.

Axşam saatlarında yeni münasibətlərə başlamaq olar. İntuisiyanız iti olsun, ilk dəfə gördüyünüz insanın kimliyini az sonra anlamağa çalışın.

Səfərlər pis alınmayacaq.

Gəzintiyə də çıxa bilərsiniz.

Tərəzi - sadə, rahat bir gündür. Maraqlı təsadüflər və uğurlu hadisələr yaşanacaq. Gərəkli istiqamətdə hərəkət edin. Belədə yolunuzda sədlər və maneələr yaranmayacaq. Yaxın ətrafınızdakı insanların öhdəsindən gələ bilmədikləri işləri başa vura bilərsiniz. Ən yaxşı peşəkar bacarıqlarınızı və məziyyətlərinizi karyeranıza təsir edə biləcək insanlara nümayiş etdirin.

Günün ikinci yarısında anlaşma və sövdələşmələri müzakirə etmək, müqavilə imzalamaq olar.

Emosional fon əlverişlidir. Nikbin və aktiv olun. Pozitiv emosiyalarınızı ətrafınızdakı insanlarla paylaşın. Bu günədək sizə diqqət yetirməyə insanlar indi ünsiyyətə, təmaslara can atırlar.

Əqrəb - gün uğursuz alına bilər. Problem situasiyada və ya hadisələrin inkişaf məcrasında yox, gözləntilərinizlə bağlıdır. Gözləntiləriniz isə çox yüksək, duruma və perspektivlərə adekvat deyil.

Bütün gözləntilərin dərhal həyata keçməməsi ehtimalı ilə razılaşın. Belədə rahatlaşacaqsınız.

Günün ikinci yarısında məqsədə doğru düşünülmüş şəkildə, astadan irəliləyin. Təxribatlara uymayın. Hər addım yaxşı götür-qoy ediləndən sonra atılmalıdır. Şəxsi münasibətilərdə ehtiyatlı olun.

Axşam saatlarında alış-verişə çıxmaq, çoxdan almaq istədiyiniz əşyaları almaq olar. Bəzi ev işlərini ertələyərək maraqlandığınız məsələ ilə məşğul olmaq olar. Pozitiv emosiyalara ehtiyacınız var.

Oxatan - qarışıq, ziddiyyətli gündür. Uğurlar və nailiyyətlər olacaq. Amma nə isə sizi narahat edir. "Nazik buz" üzərində gəzdiyiniz, az sonra hansısa pis hadisənin baş verəcəyi gözləntisi sizdə ciddi nigaranlıq, narahatlıq yaradır. Hisslərinizin əsiri olmayın. İşlərin real durumu o qədər də pis deyil. Problem uğursuz emosional fondadır.

Günün ikinci yarısında sakit olun, sınanmış metodlardan vaz keçməyin. Əhvalınızı korlamayın. Meditasiya və yoqa ilə məşğul olmaq mümkündür. SPA-prosedurlar və idman da pis deyil.

Axşam saatlarında alış-verişə çıxmaq olar. Dostlarla ünsiyyətə vaxt ayırmağı unutmayın.

Oğlaq - sakit, rəvan gündür. İşlərinizlə münasibətlərinizdə köklü dəyişikliklər olmayacaq. Peşəkar fəaliyyətlə bağlı planları reallaşdırmaq, başladığınız işləri bitirmək şansları var.

Günün ikinci yarısında sərvaxt, detallara və xırdalıqlara diqqəli olun. Məqsədə doğru sınanmış, etibarlı yollarla gedin. Kənar yollara çıxaraq eksperimentlər keçirməyin.

Şəxsi münasibətlərdə müsbət təmayüllərin təsiri artır. Situasiyadan yararlanaraq rəğbət bəslədiyiniz insanla təmasları bərpa edin.

Dolça - inadkar, qətiyyətli olun. Peşəkar fəaliyyət müstəvisində və şəxsi münasibətlər sahəsində irəliləyişə nail ola bilərsiniz. Mürəkkəb tapşırıqlar və çətin məsələlərin öhdəsindən gəlməyə çalışın. Yaşanan hadisələrlə formalaşmış situasiyanın əsl səbəblərini, məzmununu anlamağa can atın. Yaxın ətrafınızdakı insanların görə bilmədikləri qanunauyğunluqları sezin.

Günün ikinci yarısı əmlak və maliyyə ilə bağlı problemlərin həlli üçün əlverişlidir. Ən çətin ixtilafları çözməyə səy göstərin.

Yaxınlarınızla münasibətləri rəvan etməyə can atın. Ailə üzvlərindən birinin istəklərini qulaqardına vurmayın. Başqalarının zəifliklərinə güzəştli yanaşma mənasız mübahisə və ixtilafların qarşısını ala bilər.

Balıqlar - kimsəyə imkan verməyin ki, sizi yanıltsın, aldatsın. Sağlam məntiqə əsaslanın. Təxribatlara uymayın, manipulyasiya qurbanı olmayın. İşgüzar danışıqlar və müzakirələr üçün münasib zamandır. Mövqelərinizi səbatlı şəkildə müdafiə edin, qarşı tərəfin qarşısına arqumentlər qoyun.

Günün ikincim yarısı səfər və ya səyahət üçün sərfəlidir. Yalnız əyləncə, istirahət barədə düşünməyin.

Yeganə ciddi problem ailə üzvləri və ətrafınızdakı insanlarla xoş münasibətləri qorumaqdır.

Buna nail olmasanız, təşvişə düşməyin. Sizdə emosional diskomfort yaradan şəxslərlə təmasları minimuma endirin.

Ölkə.Az

ŞƏRH YAZ
0
BAĞLA