\"Molla Nəsrəddin evlənir...\"
İrəvan Dövlət Azərbaycan Dram Teatrı festivala hazırlaşır.
"Ölkə.Az"ın məlumatına görə, TÜRKSOY və Qazaxıstan Mədəniyyət və İdman Nazirliyinin təşkilatçılığı ilə aprelin 18-21-də Türküstan şəhərində türk dünyası teatrlarının iştirak edəcəyi “Teatr Baharı- 2017” teatr festivalına qatılan teatr Xaqani Əliyevin quruluşunda hazırlanan "Molla Nəsrəddin evlənir..." tamaşası ilə çıxış edəcək.
Quruluşçu rəssamı Vahid Mürsəliyev olan səhnə əsərinin xoreoqrafı Ramiq Nəsirov, rejissor assistenti Samirə Hacıyevadır.
Tamaşada əməkdar Artist Vaqif Kərimov, aktyorlar Elçin Hacıyev, Əhliman Ərşadlı, Zülfiyyə Eldarqızı, Şəbnəm Cəbrayılova, Ceyhun Əliyev, Rövşən Cəfərov, Tural Tahir və Emin Sevdiməliyev rol alıblar.
İntiqam VALEHOĞLU
Ölkə.Az
