Mollanı tapa bilməyən sərxoş məscidi yandırdı
Başqırdıstanın paytaxtı Ufa şəhərində sərxoş kişi məscidi yandırıb.
“Ölkə.Az”xəbər verir ki, bu barədə "RİA Novosti"yə Rusiya Daxili İşlər Nazirliyinin Başqırdıstan Respublikasındakı mətbuat xidmətindən məlumat verilib.
“Həmzə” məscidində baş verən yanğından sonra polislər 39 yaşlı yerli sakini şübhəli şəxs qismində saxlayıblar.
O, ifadəsində bildirib ki, məscidi təsadüfən yandırıb. Belə ki, məscidin qapısının açıq olduğunu görən sərxoş, mollanı axtarmaq qərarına gəlib. O, kibriti yandıraraq qaranlıq otağa daxil olub.
Mollanın orada olmadığını görən şəxs yanan kibriti yerə atıb. Nəticədə kibrit alışaraq yanğına səbəb olub.
Hazırda faktla bağlı araşdırma aparılır.
Ölkə.Az
