Monako Çempionlar Liqasının 1/4 finalına vəsiqə qazandı
"Ölkə.Az" Apasport-a istinadan xəbər verir ki, sonuncu iki qarşılaşma ilə bütün 1/4 finalçıların adlarına aydınlıq gəlib.
“Atletiko” “Bayer”lə, “Monako” da “Mançester Siti” ilə qarşılaşıb.
Səfərdə “Bayer”i 4:2 hesabı ilə üstələyən “Atletiko” mərhələ adlamaq vəzifəsinin öhdəsindən gəlib. Madriddə keçirilən cavab oyununda tərəflərdən heç biri fərqlənə bilməyib və bu hesab "hindular"ı növbəti mərhələyə çıxarıb.
Günün digər qarşılaşması olan “Monako” – “Mançester Siti” matçında isə dramatik anlar yaşanıb. Gərgin mübarizə şəraitində keçən oyunda hesab meydan sahibləri açıblar. İlk 30 dəqiqədə iki qol vuran fransızlar fasiləyə üstün tərəf kimi yollanıblar. İkinci hissədə "şəhərlilər" Leroy Sane ilə hesabı bərabərləşdirsələr də, onların bu sevinci çox çəkməyib. Bokoyako 5 dəqiqə sonra fərqi artırıb. Bu hesab "knyazlıq klubu"nu 1/4 finala çıxaran nəticə olduğu üçün mançesterlilər son dəqiqələri hücumda keçiriblər. Ancaq Qvardiolanın komandasının cəhdləri fayda verməyib. 3:1 hesablı qələbə "Monako"nu növbəti mərhələyə çıxarıb.
UEFA Çempionlar Liqası
1/8 final mərhələsinin cavab oyunları
15 mart
“Atletiko” (İspaniya) – “Bayer” (Almaniya) - 0:0
İlk oyun - 4:2
"Atletiko": Oblak, Dieqo Qodin, Vrsalko, Koke, Antuan Qrizmann, Saul, Korrea, Karrasko, Lukas Hernandes, Tomas Partey, Jose Mariya Ximenes
Ehtiyat oyunçular: Moyya, Saviç, Sersi, Xuanfran, Nikolas Qaytan, Xuan Moreno, Torres
"Bayer": Leno, Draqoviç, Xavyer Hernandes, Hilbert, Yulian Baumgartlinger, Bellarabi, Tin Yedvaj, Vendell, Kevin Volland, Karim Bellarabi, Kevin Kampl
Ehtiyat oyunçular: Ramazan Özcan, Leon Bailey, Admir Mehmedi, Aranqs, Yoel Pohyanpalo, Danni da Kosta, Yurçenko
“Monako” (Fransa) – “Mançester Siti” (İngiltərə) - 3:1
Qollar: Mbappe, 8, Fabinyo, 29, Bakayako, 77 - Sane, 71
İlk oyun – 3:5
"Monako": Subaşiç, Fabinyo, Jemerson, Bernardo Silva, Tiemoue Bakayoko, Valere Germain (k),Cibril Sidibe, Benjamin Mendi, Andrea Raggi, Tomas Lemar, Kulian Mbappe
Ehtiyat oyunçular: De Sançtis, Jorge, Nabil Dirar, Joao Moutinyo, İrvin Kardano, Absou Diallo, Almamu Ture
"Mançester Siti": Kaballero, Bakari Sanya, Rahim Sterlinq, Serxio Aquero, Aleksandr Kolarov, Kevin de Bruyne, Leroy Sane, David Silva (k), Qael Klişi, Con Stons, Fernandinyo
Ehtiyat oyunçular: Kladio Bravo, Sabaleta, Xesus Navas, Fabian Delf, Nikolas Otamendi, Yaya Ture, Keleçi İçeanaço
Ölkə.Az
