"Moody's": Azərbaycanda vergi islahatları büdcənin qeyri-neft kəsirini azaltmağa imkan verəcək

13:37
30.08.2019
11703
İqtisadiyyat
A
Azərbaycanda dövlət idarəçiliyi səmərəliliyi neft qiymətlərinin aşağı düşməsi nəticəsində ticarət şərtlərinin sürətlə pisləşməsi fonunda yüksəlib.

"Ölkə.Az" xəbər verir ki, bu barədə "Moody's Investors Service" reytinq agentliyinin analitikləri məlumat veriblər.

Agentliyin MDB-də islahatlara və onun nəticələrinə həsr edilmiş hesabatında deyilir:

"Enerji daşıyıcılarının dünya qiymətlərinin aşağı düşməsi ona gətirib çıxarıb ki, Azərbaycan milli valyutanın dollara olan bağlılığını aradan qaldırıb, bu da xarici şokları bir qədər yumşaltmağa imkan verib.

Azərbaycan Mərkəzi Bankı da hazırda uçot dərəcəsinin köməkliyi ilə inflyasiyanın tarqetinq siyasətinin reallaşdırılması prosesindədir. Eyni mexanizmdən istifadə edən Qazaxıstan inflyasiyanın daha yüksək templə azalmasına və inflyasiya gözləntilərinin daha səmərəli möhkəmlənməsinə nail olur".

"Moody's" analitiklərinin sözlərinə görə, 2015-2016-cı illərdə Azərbaycan manatının devalvasiyaya məruz qalması ona gətirib çıxardı ki, ölkə yüksək səviyyədə dollarlaşan bank sistemində artan təzyiqlə üzləşdi:

"Bu təzyiq bank sektorunda islahatlara, yeni makroprudensial tədbirlərə və qanunverici təşəbbüslərə səbəb oldu. Hökumət neft gəlirlərinin dayanıqlı olmasını nəzərə alaraq iqtisadiyyatın şaxələndirilməsi üzrə səyləri bərpa edib. Biz gözləyirik ki, bu yaxınlarda (2019-cu il yanvarın 1-dən) Azərbaycanda tətbiq edilmiş vergi qanunvericiliyi siyasətin proqnozlaşdırılmasını yüksəldəcək, protsikliyi aşağı salacaq, büdcənin qeyri-neft kəsirini tədricən azaldacaq".

ŞƏRH YAZ
0

Neftin qiymətləri yenidən kəskin ucuzlaşdı

Neftin qiymətləri yenidən kəskin ucuzlaşdı
22:39
17.09.2019
182
İqtisadiyyat
A
Dünya bazarında neftin qiymətləri kəskin azalıb. Belə ki, “Brent” markalı neft bir neçə dəqiqə ərzində 5 faizdən artıq ucuzlaşaraq 64,5 dollaradək geriləyib.

“Ölkə.Az” report-a istinadən xəbər verir ki, bu rəqəm dünənki hərracların yekun göstəricisinə nisbətən 6,54% azdır.

Bənzər dəyişiklik göstərən WTI markalı neftin də bir bareli əvvəlki hərracın yekununa nisbətən 5,4 faiz azalaraq 59,28 dollar səviyyəsinə enib.

Qeyd olunur ki, dünya bazarında neftin kəskin ucuzlaşması Səudiyyə Ərəbistanının neft sənaye müəssisələrinə Yəməndəki husi qiyamçılarının hücumları ilə başlayan kəskin bahalaşmadan sonra meydana gəlib. Belə ki, sentyabrın 16-da “Brent” markalı neftin bir barelinin qiyməti ötən həftənin son hərracındakı səviyyəsinə nisbətən 20 faizədək artaraq 71,95 dollaradək qalxmış, bazar ertəsinin hərracları adıçəkilən markanın 14,61 faiz bahalaşması ilə qapadılmışdı.

Ölkə.Az

ŞƏRH YAZ
1

Bu günə olan VALYUTA MƏZƏNNƏLƏRİ

Bu günə olan VALYUTA MƏZƏNNƏLƏRİ
10:22
17.09.2019
300
İqtisadiyyat
A
Azərbaycan Mərkəzi Bankı 17 sentyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, sentyabrın 17-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,8722 manat təşkil edir.

1 türk lirəsi 0,2967 manat, 1 rus rublu 0,0266 manat, 100 İran rialı 0,0040 manat, 1 gürcü larisi isə 0,5762 manatdır.

Ölkə.Az

ŞƏRH YAZ
0
BAĞLA