Moqerini: Aİ "Şərq tərəfdaşlığı"nın hər bir iştirakçı ölkəsinə hörmətlə yanaşır

Moqerini: Aİ
00:40
14.05.2019
948
Siyasət
A
Avropa İttifaqı (Aİ) "Şərq tərəfdaşlığı" proqramının iştirakçı ölkələrindən hər birinə hörmətlə yanaşır və onlarla əməkdaşlıq edir.

"Ölkə.Az" bildirir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Federika Moqerini Brüsseldə keçirilən mətbuat konfransında deyib.

"Şərq tərəfdaşlığı"nın hər bir tərəfdaş iştirakçısına onun assosiasiya müqaviləsinin imzalanıb-imzalanmamasından asılı olmayaraq, tərəfimizdən hörmətlə yanaşılır. Qeyd olunduğu kimi, üç ölkə ilə assosiasiya haqqında müqavilə bağlanıb, digər üçü ilə isə yox. Biz əməkdaşlıq edirik, baxmayaraq ki, hər bir iştirakçı ölkənin yanaşma və niyyəti fərqli ola bilər" , - deyə Moqerini bildirib.

Aİ-nin ali nümayəndəsi xatırladıb ki, proqram 10 illiyini qeyd edir, ona görə Aİ və "Şərq tərəfdaşlığı" iştirakçı ölkələrinin xarici işlər nazirlərinin bu gün Brüsseldə baş tutan görüşü "bütün müsbət nailiyyətləri vurğulamağa" yönəlib.

Ölkə.Az

ŞƏRH YAZ
0

Prezident yeni sərəncam imzaladı

Prezident yeni sərəncam imzaladı
18:16
23.07.2019
4747
Siyasət
A
Prezident İlham Əliyev “Azərbaycan Respublikası Hökuməti və Macarıstan Respublikası Hökuməti arasında iqtisadi əməkdaşlıq üzrə Birgə Komissiyanın Azərbaycan Respublikası tərəfindən tərkibi haqqında” Azərbaycan Respublikası Prezidentinin 2009-cu il 16 yanvar tarixli 118 nömrəli sərəncamında dəyişiklik edilməsi barədə sərəncam imzalayıb.

Sərəncama əsasən, Birgə Komissiyanın tərkibi aşağıdakı kimi verilir:

“Birgə Komissiyanın həmsədri

Azərbaycan Respublikasının əmək və əhalinin sosial müdafiəsi naziri

Birgə Komissiyanın üzvləri

Azərbaycan Respublikası xarici işlər nazirinin müavini

Azərbaycan Respublikası iqtisadiyyat nazirinin müavini

Azərbaycan Respublikası energetika nazirinin müavini

Azərbaycan Respublikasının nəqliyyat, rabitə və yüksək texnologiyalar nazirinin müavini

Azərbaycan Respublikası kənd təsərrüfatı nazirinin müavini

Azərbaycan Respublikası ekologiya və təbii sərvətlər nazirinin müavini

Azərbaycan Respublikası təhsil nazirinin müavini

Azərbaycan Respublikası səhiyyə nazirinin müavini

Azərbaycan Respublikası mədəniyyət nazirinin müavini

Azərbaycan Respublikası Dövlət Turizm Agentliyinin sədri

Azərbaycan Respublikası Qida Təhlükəsizliyi Agentliyi sədrinin müavini

Azərbaycan Respublikası Mərkəzi Bankı sədrinin müavini

Azərbaycan Respublikasının Macarıstan Respublikasında fövqəladə və səlahiyyətli səfiri.

Azərbaycan Respublikasının Xarici İşlər Nazirliyi bu sərəncamın 1-ci hissəsi ilə edilən dəyişiklik barədə Macarıstan Respublikası tərəfinə bildiriş göndərməlidir.

Ölkə.Az

ŞƏRH YAZ
0

Bu şəxslərin maaşları artırıldı

Bu şəxslərin maaşları artırıldı
18:04
23.07.2019
5049
Siyasət
A
Azərbaycan Prezidenti İlham Əliyev “Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə qanunu imzalayıb.

“Ölkə.Az" xəbər verir ki, dəyişikliklə Ali Məhkəmənin sədrinə Milli Məclis Sədrinin aylıq vəzifə maaşı həcmində əməkhaqqı veriləcək.

"Məhkəmələr və hakimlər haqqında" qanunun 106-cı (Hakimlərin maddi təminatı) maddəsinə əsasən, hakimlərə aylıq vəzifə maaşı həcmində vəzifə maaşına əlavə ödəniləcək.

Ali Məhkəmənin sədrinə Milli Məclis Sədrinin aylıq vəzifə maaşı həcmində əmək haqqı veriləcək. Yəni 2 475 manat.

Bundan başqa, səlahiyyətlərin yerinə yetirilməsi ilə bağlı xərclərin ödənilməsi üçün hakimlərə vəzifə maaşının 25 faizi miqdarında vergidən azad olunan aylıq pul təminatı veriləcək.

Qanunun 106-cı maddəsinə edilən digər dəyişikliklə hər bir hakim vəzifə maaşının 25 faizi miqdarında vergidən azad olunan əlavə pul təminatı alacaq. Belə ki, Naxçıvan Ali Məhkəməsinin və apelyasiya məhkəmələrinin sədrləri əlavə 556 manat, ağır cinayətlər məhkəmələrinin, Naxçıvan Muxtar Respublikası ağır cinayətlər məhkəməsinin, hərbi məhkəmələrin və inzibati-iqtisadi məhkəmələrin sədrləri 495 manat, digər məhkəmələrin sədrləri 433 manat əlavə aylıq pul təminatı alacaqlar. Digər hakimlər də müvafiq qaydada bu pul təminatını alacaqlar.

Ölkə.Az

ŞƏRH YAZ
0
BAĞLA