Moskva-Bakı avtobusu qəzaya uğradı
Moskvadan Bakıya doğru hərəkət edən mikroavtobus qəzaya uğrayıb.
“Ölkə.Az” xəbər verir ki, Rusiyanın Stavropol vilayətində 3 avtomobilin toqquşması nəticəsində xəsarət alanlar var. Belə ki, Moskva-Bakı marşrutu üzrə hərəkət edən “Mercedes” markalı mikroavtobus “Ford” və “VAZ 2110” markalı minik avtomobilləri ilə toqquşub. İnsident nəticəsində 13 nəfər xəsarət alıb və onlardan 8-i azərbaycanlıdır. Mikroavtobusda 11 nəfər sərnişin olub.
Hazırda faktla bağlı araşdırma aparılır. Yaralılar xəstəxanaya yerləşdirilib. Onlardan birinin vəziyəti ağırdır.
Hikmət Həsənov
Ölkə.Az
