Moskvada aləm qarışdı

“Ölkə.Az” xəbər verir ki, sentyabrın 23-də yalançı bomba xəbəri Moskvada hündürmərtəbəli bina sakinlərini təşvişə salıb. Polisə daxil olan məlumat əsasında deyilən əraiyə xilasedicilər və həkimlər, eləcə də, hüquq-mühafizə orqanlarının əməkdaşları cəlb olunublar.

Paytaxtın mərkəzində anonim zənglə əlaqədar yaşayış binasında axtarış əməliyyat tədbirləri keçirilib. Tədbirlər zamanı ofisdən 230 insan evakuasiya edilib.

Qeyd edək ki, sentyabrın 13-dən başlayaraq Moskva şəhərində hər gün terror olacağı barədə xəbərlər verilir. Anonim xəbərlərdə yalandan partlayıcı maddələrin qoyulması bildirilir. Bu səbəbdən indiyə qədər 150 minə yaxın insan evakuasiya edilib. Ümumilikdə 420 obyektdə yoxlama işləri aparılıb. Sentyabrın 16-da da Rusiya polisi gərgin iş rejimində çalışıb. Bu gün hüquq-mühafizə orqanlarına gecə klublarından birinə və kinoteatra bomba qoyulması barədə anonim zəng daxil olub.

Daxil olan zəngdən sonra "Zvezda" kinoteatrı evakuasiya edilib. Partlayış təhlükəsi səbəbindən 150 nəfər binadan təxliyyə edilib.

Bundan başqa, paytaxtdakı 3 gecə klubundakı insanlar evakuasiya edilib. Təxliyyə edilənlərin sayı 200 nəfərdən çox olub.

Ziya Səccad
Ölkə.Az