Moskvada ekstremist təşkilatının 69 üzvü saxlanılıb — VİDEO

Moskvada ekstremist təşkilatının 69 üzvü saxlanılıb
21:53
14.11.2017
1356
Hadisə
A
Rusiyada terror əleyhinə tədbir keçirilib.

“Ölkə.Az” xəbər verir ki, əməliyyat Rusiya Federal Təhlükəsizlik Xidməti və Rusiya Daxili İşlər Nazirliyinin əməkdaşları tərəfindən baş tutub. Paytaxt Moskva şəhərində keçirilən əməliyyat nəticəsində “Təbliği Camaat” beynəlxalq ekstremist təşkilatının 69 üzvü saxlanılıb.

Əməliyyat Rusiya hüquq-mühafizə orqanlarının əməkdaşları tərəfindən çəkilib. Polislər ekstremist təşkilatı üzvlərinin gizləndiyi evin qapısını sındırıblar. Evdə axtarışlar həyata keçirilib. Axtarışlar zamanı saxlanılan şəxslərdən rabitə vasitələri, ekstremist ədəbiyyat, qanunsuz fəaliyyət barədə hesabatların əks olunduğu elektron informasiya daşıyıcıları aşkarlanaraq götürülüb.

Qeyd edək ki, saxlanılanların çoxu Orta Asiya ölkələrindən olan şəxslərdir. Məhz həmin şəxslər təşkilata rəhbərlik edib. Saxlanılanlar arasında qadınlar da var. Onlardan bəziləri təşkilat üzvləri üçün Moskva şəhərində kirayə evlər tapmaqda yardım ediblər. Saxlanılan ekstremistlər arasında Rusiya vətəndaşlarının da olduğu bildirilir.    
 
Faktla bağlı cinayət işi başlanıb, araşdırma aparılır.

Ziya Səccad
Ölkə.Az

ŞƏRH YAZ
0

Xaricdə təhsil adı ilə 100 nəfərin pulunu mənimsədi — Video

Xaricdə təhsil adı ilə 100 nəfərin pulunu mənimsədi
23:58
18.11.2018
1244
Hadisə
A
Bakıda daha bir xaricdə təhsil mərkəzi vətəndaşları kütləvi şəkildə aldadıb.

“Ölkə.Az” “Xezerxeber.az”a istinadən xəbər verir ki, zərərçəkmişlərdən birinin sözlərinə görə, təhsil mərkəzi tərəfindən onun pulu alınsa da sonradan bağlanan müqaviləyə əməl edilməyib.

Zərərçəkmiş Zaur Qurbanov bu ilin mayında paytaxtın Səbail rayonu Nizami küçəsi 48 ünvanında olan “Leveland” xaricdə təhsil mərkəzinə müraciət edib. Orada kursun rəhbəri İsgəndər Ağayevə 1800 dollar pul ödəyib. Özünə isə 1 həftə sonra Amerikaya gedəcəyi deyilib. Bir həftədən sonra Zaur Qurbanov yenidən təhsil mərkəzinə müraciət edib. Amma həmin vaxt təhsil mərkəzinin bağlı olduğunu görərək İsgəndər Ağayevə zəng vurub. Telefonu bağlı olduğundan ona SMS yazıb. Bir müddət sonra İsgəndər Ağayev zərərçəkmiş Zaur Qurbanova mesaj yazaraq bildirib ki hazırda xarici ölkədədir.

Həmin təhsil mərkəzinin bağlanaraq yerində başqa bir şirkətin fəaliyyət göstərdiyini görən Zaur Qurbanov məsələ ilə bağlı Səbail rayon 9-cu polis bölməsinə məlumat verib.

Sonradan məlum olub ki, adıçəkilən mərkəz tərəfindən xaricdə təhsil adı ilə yalnız o aldadılmayıb.

Səbail Rayon Polis İdarəsindən bildirilib ki, bu məsələ ilə bağlı araşdırmalar davam edir.

Ölkə.Az

ŞƏRH YAZ
0

Daşkəsəndə gənc oğlan bıçaqlanıb

Daşkəsəndə gənc oğlan bıçaqlanıb
23:04
18.11.2018
465
Hadisə
A
Axşam saatlarında Daşkəsən rayonunda bıçaqlanma hadisəsi baş verib.

“Ölkə.Az” “Report”a istinadən  xəbər verir ki, 1995-ci il təvəllüdlü rayon sakini Elvin Rəfi oğlu Məmmədov kürək nahiyəsindən bıçaqlanıb.

Yaralı Gəncə şəhərində yerləşən xəstəxanaların birinə aparılıb. Hadisənin hansı şəraitdə baş verdiyi hələ ki, məlum deyil.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA